លំហអភិវឌ្ឍន៍វៀតណាមនៅក្នុងយុគសម័យថ្មី

លំហអភិវឌ្ឍន៍វៀតណាមនៅក្នុងយុគសម័យថ្មី។

នៅក្នុងបរិបទដែលពិភពលោកកំពុងឆ្លងកាត់បណ្តាការផ្លាស់ប្តូរយ៉ាងជ្រាលជ្រៅ ក្រោមឥទ្ធិពលនៃការបំប្លែងឌីជីថល ការបំប្លែងបៃតង ប្រាជ្ញាសិប្បនិម្មិត ការប្រែប្រួលអាកាសធាតុ ភាពចាស់នៃប្រជាជន និងការប្រកួតប្រជែងយុទ្ធសាស្ត្ររវាងបណ្តាប្រទេសធំៗ តម្រូវការផ្លាស់ប្តូរថ្មីការគិតអំពីលំហអភិវឌ្ឍន៍ កំពុងតែក្លាយជាបញ្ហាមួយដែលមានអត្ថន័យយុទ្ធសាស្ត្រ ចំពោះ វៀតណាម។

ប្រសិនបើពីមុនមក លំហអភិវឌ្ឍន៍ជាញឹកញាប់ត្រូវបានមើលឃើញភាគច្រើន នៅក្នុងជ្រុងជ្រោយភូមិសាស្ត្រ និងទឹកដី នោះនៅក្នុងយុគសម័យថ្មី ទស្សនទាននេះចាំបាច់ត្រូវតែចូលទៅជិត តាមទិសដៅបើកទូលាយ ធ្វើសមាហរណកម្ម និងពហុជ្រុងជ្រោយជាង។

បន្ថែមលើលំហដីគោកប្រពៃណី បណ្តាលំហឌីជីថល ទិន្នន័យ សមុទ្រ ក្រោមដី ការផ្លាស់ប្តូរថ្មីច្នៃប្រឌិត វិទ្យាសាស្ត្រ - បច្ចេកវិទ្យា និងកិច្ចសហប្រតិបត្តិការអន្តរជាតិ កំពុងលេចធ្លោឡើង ដូចជាបណ្តាប្រភពធនធាន និងកម្លាំងចលករកំណើនថ្មី នៃបណ្តាប្រទេស។

ប្រាកដនិយមនៃអភិវឌ្ឍន៍បានបង្ហាញថា បណ្តាប្រទេសដែលសម្រេចបានជោគជ័យនៅក្នុងសម័យកាលឌីជីថល មិនត្រឹមតែផ្អែកលើផលប្រយោជន៍ធនធាន ឬទីតាំងភូមិសាស្ត្រប៉ុណ្ណោះទេ ប៉ុន្តែថែមទាំងចេះស្ថាបនាបណ្តាលំហអភិវឌ្ឍន៍ថ្មីៗ ដោយផ្អែកលើចំណេះដឹង បច្ចេកវិទ្យា ទិន្នន័យ ការផ្លាស់ប្តូរថ្មីច្នៃប្រឌិត និងសមត្ថភាពគ្រប់គ្រង។

នេះក៏ជាតម្រូវការដាក់ចេញចំពោះ វៀតណាម នៅក្នុងដំណើរការធ្វើឱ្យសម្រេចបាននូវបណ្តាគោលដៅអភិវឌ្ឍន៍ឆាប់រហ័ស និងចីរភាព សំដៅប្រែក្លាយទៅជាប្រទេសអភិវឌ្ឍន៍ មានចំណូលខ្ពស់ នៅពាក់កណ្តាលសតវត្សរ៍ទី ២១។

នៅក្នុងបរិបទនោះ វិទ្យាសាស្ត្រ បច្ចេកវិទ្យា ការផ្លាស់ប្តូរថ្មីច្នៃប្រឌិត និងការបំប្លែងឌីជីថល ត្រូវបានកំណត់ថាជាបណ្តាកម្លាំងចលករគន្លឹះ ដើម្បីបង្កើតជាបណ្តាលំហអភិវឌ្ឍន៍ថ្មីៗ លើកកម្ពស់ទិន្នផលពលកម្ម សមត្ថភាពប្រកួតប្រជែង និងសមត្ថភាពបំបត់បត់បែននៃសេដ្ឋកិច្ច។

ការអភិវឌ្ឍន៍លំហឌីជីថល ហេដ្ឋារចនាសម្ព័ន្ធទិន្នន័យ បណ្តាមជ្ឈមណ្ឌលផ្លាស់ប្តូរថ្មីច្នៃប្រឌិត ព្រមទាំងការធ្វើជាម្ចាស់លើបណ្តាបច្ចេកវិទ្យាយុទ្ធសាស្ត្រ ត្រូវបានចាត់ទុកថាជាគ្រឹះស្ថានយ៉ាងសំខាន់ ដើម្បីពង្រីកលំហទំនេរនៃកំណើន នៅក្នុងដំណាក់កាលខាងមុខ។

បណ្តាអ្នកជំនាញបានយល់ឃើញថា វៀតណាម ចាំបាច់ត្រូវផ្លាស់ប្តូរចេញពីការគិតទាញយកប្រយោជន៍ពីបណ្តាលំហអភិវឌ្ឍន៍ដែលមានស្រាប់ ទៅជាការម្ចាស់ការធ្វើរចនាសម្ព័ន្ធឡើងវិញនូវបណ្តាលំហប្រពៃណី ព្រមជាមួយគ្នានោះ ស្ថាបនាបណ្តាលំហអភិវឌ្ឍន៍ថ្មីៗ ដោយផ្អែកលើវិទ្យាសាស្ត្រ បច្ចេកវិទ្យា ទិន្នន័យ ស្ថាប័នទំនើប និងសមត្ថភាពគ្រប់គ្រងមានប្រសិទ្ធភាព។ នេះមិនត្រឹមតែជាតម្រូវការនៃដំណើរការអភិវឌ្ឍន៍ក្នុងប្រទេសប៉ុណ្ណោះទេ ប៉ុន្តែថែមទាំងជាលក្ខខណ្ឌ ដើម្បីឱ្យ វៀតណាម លើកកម្ពស់ទីតាំងនៅក្នុងខ្សែសង្វាក់តម្លៃសកល និងបត់បែនទល់មុខនឹងបណ្តាការប្រែប្រួលកាន់តែពិបាកស្មាននៃបរិយាកាសអន្តរជាតិ។

ហេតុដូច្នេះហើយ ការស្រាវជ្រាវលើគ្រឹះស្ថានទ្រឹស្តី បទពិសោធន៍អន្តរជាតិ និងបណ្តាដំណោះស្រាយគោលនយោបាយ សំដៅរៀបចំ និងគ្រប់គ្រងយ៉ាងមានប្រសិទ្ធភាពនូវលំហអភិវឌ្ឍន៍ កំពុងតែក្លាយជាភារកិច្ចបន្ទាន់មួយ។

សំដៅរួមចំណែកធ្វើឱ្យច្បាស់លាស់នូវបណ្តាបញ្ហានេះ នាថ្ងៃទី ២៨ ខែកក្កដា នៅ Ha Noi វិទ្យាស្ថានបណ្ឌិត្យសភាវិទ្យាសាស្ត្រសង្គម វៀតណាម សហការជាមួយស្ថានទូតសាធារណរដ្ឋ អ៊ីតាលី និងស្ថានទូត ជប៉ុន ប្រចាំនៅ វៀតណាម នឹងរៀបចំអង្គសិក្ខាសាលាអន្តរជាតិ ក្រោមប្រធានបទ «លំហអភិវឌ្ឍន៍ វៀតណាម នៅក្នុងយុគសម័យថ្មី៖ ទិសដៅយុទ្ធសាស្ត្រ និងការជ្រើសរើសគោលនយោបាយ»។

គួរឱ្យកត់សម្គាល់ សិក្ខាសាលានេះត្រូវបានរៀបចំឡើង ភ្លាមៗបន្ទាប់ពីសន្និបាតលើកទី ៣ នៃគណៈកម្មាធិការមជ្ឈិមបក្ស អាណត្តិទី XIV។ តាមការរំពឹងទុក សិក្ខាសាលានឹងផ្តុំជួបជុំប្រតិភូប្រមាណ ២០០ រូប ជាបណ្តាអ្នកវិទ្យាសាស្ត្រ អ្នកជំនាញ អ្នកគ្រប់គ្រង តំណាងបណ្តាស្ថាប័នមជ្ឈិម មូលដ្ឋាន អាជីវកម្ម ព្រមទាំងប្រាជ្ញាវន្តអន្តរជាតិជាច្រើនរូប មកពី អ៊ីតាលី ជប៉ុន កូរ៉េខាងត្បូង និងប្រទេសមួយចំនួនទៀត។

ការពិភាក្សានឹងផ្តោតលើប្រធានបទសំខាន់ៗមួយចំនួនដូចជា មូលដ្ឋានគ្រឹះទ្រឹស្តី និងការអនុវត្តជាក់ស្តែងនៃលំហអភិវឌ្ឍន៍; ការគ្រប់គ្រងឯកភាពនៃលំហអភិវឌ្ឍន៍ និងធនធានជាតិ; ការអភិវឌ្ឍលំហឌីជីថល លំហសមុទ្រ លំហក្រោមទឹក និងគំរូអភិវឌ្ឍន៍ថ្មីៗ; របកគំហើញស្ថាប័ន ការអភិវឌ្ឍតំបន់ និងការតភ្ជាប់តំបន់; តួនាទីនៃវិទ្យាសាស្ត្រ បច្ចេកវិទ្យា នវានុវត្តន៍ និងការផ្លាស់ប្តូរឌីជីថល; ក៏ដូចជាបទពិសោធន៍អន្តរជាតិ និងអនុសាសន៍គោលនយោបាយសម្រាប់ប្រទេសវៀតណាម។

ក្រៅពីវគ្គពិភាក្សាតាមប្រធានបទទាំងពីរនេះ សន្និសីទនេះក៏រួមបញ្ចូលទាំងវគ្គពិភាក្សាគោលនយោបាយដែលមានការចូលរួមពីអ្នកជំនាញក្នុងស្រុក និងអន្តរជាតិ ដើម្បីផ្លាស់ប្តូរគំនិតដោយផ្ទាល់លើដំណោះស្រាយជាយុទ្ធសាស្ត្រ ដើម្បីពង្រីកលំហអភិវឌ្ឍន៍ជាតិក្នុងបរិបទថ្មី។

យោងតាមគណៈកម្មាធិការរៀបចំ បទបង្ហាញ និងអនុសាសន៍របស់អ្នកជំនាញនឹងត្រូវបានចងក្រងជារបាយការណ៍គោលនយោបាយ ដើម្បីដាក់ជូនអាជ្ញាធរមានសមត្ថកិច្ច។ លទ្ធផលនៃសន្និសីទនេះត្រូវបានគេរំពឹងថានឹងផ្តល់នូវអំណះអំណាងវិទ្យាសាស្ត្រ និងជាក់ស្តែងបន្ថែមទៀត ដើម្បីបម្រើការងារប្រឹក្សាយោបល់ជាយុទ្ធសាស្ត្ររបស់បក្ស រដ្ឋ និងមូលដ្ឋាន ដោយរួមចំណែកដល់ការអនុវត្តប្រកបដោយប្រសិទ្ធភាពនៃសេចក្តីសម្រេចនៃសមាជជាតិលើកទី១៤ របស់បក្ស និងការសម្រេចចិត្តនៃកិច្ចប្រជុំពេញអង្គលើកទី៣ នៃគណៈកម្មាធិការកណ្តាលលើកទី១៤ ដែលបង្កើតសន្ទុះសម្រាប់ការអភិវឌ្ឍជាតិយ៉ាងឆាប់រហ័ស និងប្រកបដោយចីរភាពនៅក្នុងយុគសម័យថ្មី៕

ការទូតប្រជាជនក្នុងយុគសម័យថ្មី៖ ពីគោលការណ៍របស់បក្ស ទៅកាន់ដំណោះស្រាយទម្លុះទម្លាយ និងលើកកម្ពស់ប្រសិទ្ធភាពជាក់ស្តែង យុគសម័យ - នាថ្ងៃទី ១៤ ខែឧសភា នៅទីក្រុង Ha Noi សហភាពបណ្ដាអង្គការមិត្តភាពវៀតណាម បានសហការជាមួយក្រសួងការបរទេស រៀបចំសិក្ខាសាលាវិទ្យាសាស្ត្រក្រោមប្រធានបទ «ការទូតប្រជាជនក្នុងយុគសម័យថ្មី៖ ពីគោលការណ៍របស់បក្ស ទៅកាន់ដំណោះស្រាយទម្លុះទម្លាយ និងលើកកម្ពស់ប្រសិទ្ធភាពជាក់ស្តែង»។

ការថែរក្សាព្រលឹងវប្បធម៌ខ្មែរ ក្នុងចំណោមខ្សែទឹកហូរនៃសម័យទំនើប យុគសម័យ - ការអភិរក្ស និងពង្រីកតម្លៃវប្បធម៌ប្រពៃណីរបស់ជនជាតិខ្មែរ មិនត្រឹមតែជាការថែរក្សាបេតិកភណ្ឌប៉ុណ្ណោះទេ ប៉ុន្តែថែមទាំងជាភារកិច្ចនយោបាយ និងសង្គមដ៏សំខាន់មួយ រួមចំណែកពង្រឹងប្លុកមហាសាមគ្គីទូទាំងជាតិ និងបង្កើតជាកម្លាំងចលករសម្រាប់ការអភិវឌ្ឍប្រកបដោយចីរភាព។ នេះគឺជាសារដែលត្រូវបានសង្កត់ធ្ងន់នៅក្នុងសន្និសីទ «ការអភិរក្ស, ពង្រីកតម្លៃវប្បធម៌ប្រពៃណីរបស់ជនជាតិខ្មែរ» ដែលបានប្រព្រឹត្តទៅនាថ្ងៃទី ២២ ខែឧសភា នៅទីក្រុង Can Tho។

សុវណ្ណ