វៀតណាមឈរលេខរៀងទី ៥ នៅឯការប្រឡងអូឡាំពិកគណិតវិទ្យាអន្តរជាតិ ២០២៦

ថ្នាក់ដឹកនាំនាយកដ្ឋានគ្រប់គ្រងគុណភាព ក្រសួងអប់រំនិងបណ្តុះបណ្តាល អបអរសាទរក្រុមជម្រើសជាតិ។

នៅឯការប្រឡងអូឡាំពិកគណិតវិទ្យាអន្តរជាតិនាឆ្នាំ ២០២៦ សិស្សានុសិស្សទាំង ៦ រូបនៃក្រុមជម្រើសជាតិវៀតណាមចូលរួមសុទ្ធតែទទួលបានមេដាយ រួមមានមេដាយមាស ២ មេដាយប្រាក់ ៣ ព្រមទាំងមេដាយសំរឹទ្ធ ១។

មេដាយមាសពីរជារបស់ Nguyen Dinh Tung សិស្សថ្នាក់ទី ១២ សាលាវទ្យាល័យវិទ្យាសាស្ត្រធម្មជាតិ នៃសាកលវិទ្យាល័យវិទ្យាសាស្ត្រធម្មជាតិ សាកលវិទ្យាល័យជាតិហាណូយ ព្រមទាំង Nguyen Le Nhat Nam សិស្សថ្នាក់ទី ១២ សាលាវទ្យាល័យគរុកោសល្យ នៃសាកលវិទ្យាល័យគរុកោសល្យហាណូយ។

មេដាយប្រាក់បីជារបស់ Pham Dang Nguyen សិស្សថ្នាក់ទី ១២ សាលាវទ្យាល័យហាណូយ - អាមស្តើដាំ Tran Dai Thanh Danh សិស្សថ្នាក់ទី ១២ សាលាមធ្យមសិក្សាអំណោយផល នៃសាកលវិទ្យាល័យជាតិទីក្រុងហូជីមិញ ព្រមទាំង Nguyen Hoang Phuong សិស្សថ្នាក់ទី ១១ សាលាវទ្យាល័យ Phan Boi Chau ខេត្តង៉ែអាន។

មេដាយសំរឹទ្ធជារបស់ Ha Manh Hung សិស្សថ្នាក់ទី ១១ សាលាវទ្យាល័យហាណូយ - អាមស្តើដាំ។

ជាមួយនិងលទ្ធផលនេះ គណៈប្រតិភូវៀតណាមឈរលេខរៀងទី ៥ ទូទាំងគណៈប្រតិភូនៅឯការប្រឡងអូឡាំពិកគណិតវិទ្យាអន្តរជាតិនាឆ្នាំ ២០២៦៕

វិទ្យាស្ថានពេទ្យយោធារៀបចំការប្រឡងអូឡាំពិកភាសាវៀតណាមសម្រាប់សិក្ខាកាមអន្តរជាតិ យុគសម័យ - យោងតាមគណៈកម្មការរៀបចំបានឲ្យដឹងថា ការប្រឡងអូឡាំពិកភាសាវៀតណាមត្រូវបានរៀបចំក្នុងបំណងជួយសិក្ខាកាមឡាវ និងកម្ពុជាលើកកម្ពស់សមត្ថភាពក្នុងការស្ដាប់ និយាយ អាន និងសរសេរភាសាវៀតណាម។ ការប្រឡងក៏ជួយសិក្ខាកាមឡាវនិងកម្ពុជាស្វែងយល់ថែមទៀតអំពីមនុស្ស វប្បធម៌ ទំនៀមទម្លាប់របស់វៀតណាម ឡាវ និងកម្ពុជា អប់រំឲ្យជំនាន់ក្រោយអំពីទំនាក់ទំនងរវាងប្រទេសទាំង ៣ នៅឥណ្ឌូចិន។

សិស្សវៀតណាមឈ្នះមេដាយ ៧ គ្រឿង ក្នុងការប្រឡងអូឡាំពិកអន្តរជាតិស្តីពីតារាវិទ្យា និងតារាសាស្ត្រ នាថ្ងៃទី ២២ ខែសីហា មន្ទីរអប់រំនិងបណ្តុះបណ្តាលទីក្រុងហាណូយបានជូនដំណឹងថា ក្រុមសិស្សទីក្រុងហាណូយចូលរួមការប្រឡងអូឡាំពិកអន្តរជាតិស្តីពីតារាវិទ្យា​ និងតារាសាស្ត្រ (IOAA) លើកទី១៥ ទទួលបានរង្វាន់ចំនួន ៧ គ្រឿង ក្នុងនោះ មេដាយប្រាក់ ១ គ្រឿង មេដាយសំរឹទ្ធ ៥ គ្រឿង និងរង្វាន់លើកទឹកចិត្ត ១ គ្រឿង។ សមាជិកទាំងអស់ក្នុងក្រុមគឺជាសិស្សមកពីសាលាមធ្យមសិក្សាទុតិយភូមិជំនាញ Hanoi-Amsterdam។

ឌឹកអាញ់

thoidai.com.vn