សមាគមមិត្តភាពវៀតណាម - អ៊ីតាលី ប្រគល់ម៉ាសចំនួន ៤១,០០០ ម៉ាសដល់ស្ថានទូតអ៊ីតាលីប្រចាំនៅវៀតណាម

សមាគមមិត្តភាពវៀតណាម - អ៊ីតាលី ប្រគល់ម៉ាសចំនួន ៤១,០០០ ម៉ាសដល់ស្ថានទូតអ៊ីតាលីប្រចាំនៅវៀតណាម។

ក្នុងនាមស្ថានទូត ឯកអគ្គរដ្ឋទូតអ៊ីតាលីប្រចាំនៅវៀតណាមលោក Antonio Alessandro បានថ្លែងអំណរគុណយ៉ាងជ្រាលជ្រៅចំពោះប្រជាជនវៀតណាមនិងសមាគមមិត្តភាពវៀតណាម - អ៊ីតាលីចំពោះមនោសញ្ចេតនាដ៏មានតម្លៃសម្រាប់ប្រជាជនអ៊ីតាលី។

ឯកអគ្គរដ្ឋទូតអ៊ីតាលីប្រចាំនៅវៀតណាមលោក Antonio Alessandro បានសង្កត់ធ្ងន់ថា៖ “យើងសូមថ្លែងអំណរគុណយ៉ាងស្មោះព្រោះ បើទោះបីវៀតណាមនៅតែជួបប្រទះការលំបាកជាច្រើនដើម្បីបង្ការប្រយុទ្ធប្រឆាំងនឹងជំងឺរាតត្បាតក៏ដោយ ក៏ប្រជាជនវៀតណាមនៅតែផ្តល់ការផ្គត់ផ្គង់ចាំបាច់ដល់អ៊ីតាលីដើម្បីជួយទប់ស្កាត់ការរីករាលដាលនៃជំងឺនេះ” ។

ឯកអគ្គរដ្ឋទូត Antonio Alessandro ក៏បានបង្ហាញជំនឿថាការរីករាលដាលនៃជំងឺ Covid - 19 នឹងត្រូវបញ្ចប់ឆាប់ៗនៅប្រទេសវៀតណាម អ៊ីតាលី និងប្រទេសទាំងអស់។ កិច្ចសហប្រតិបត្តិការរវាងប្រទេសទាំងពីរបានបន្តអភិវឌ្ឍឥតឈប់ឈរនិងនាំមកនូវផលប្រយោជន៍ដល់ប្រជាជននៃប្រទេសទាំងពីរ រួមចំណែកដល់ការកសាងសន្តិភាពនិងមិត្តភាពនៅលើពិភពលោក៕

（ប្រែសម្រូលដោយវិច្ឆិកា）

（ប្រភពព័ត៌មាន: thoidai.com.vn）

（ប្រែសម្រូលដោយវិច្ឆិកា）