យុគសម័យ - ប្រព័ន្ធផ្សព្វផ្សាយជប៉ុនបានរាយការណ៍ថា ការផ្ទុះយ៉ាងធ្ងន់ធ្ងរបានកើតឡើងនៅថ្ងៃទី ១៨ ខែកក្កដានៅក្នុងស្ទូឌីយោជីវចលនៅទីក្រុងក្នុងទីក្រុងក្យូតូ ដែលបណ្តាលឱ្យស្លាប់និងរបួសជាង ៤០ នាក់។ ពោលគឺ ចំនួនមនុស្សស្លាប់បានកើនឡើងដល់១៣នាក់ និង៣៥នាក់ទៀតរងរបួស។
(ប្រភព៖ RT)
យោងតាមក្រុមអ្នកពន្លត់អគ្គីភ័យ ភ្លើងបានឆាបឆេះស្ទូឌីយ៉ូរបស់ក្រុមហ៊ុន Kyoto Animation នៅម៉ោងប្រមាណ ១០៖៣០នាទីព្រឹកថ្ងៃ ១៨ ខែកក្កដានេះ បន្ទាប់ពីមានសំឡេងផ្ទុះបានកើតឡើង។ ក្រុមពន្លត់អគ្គិភ័យបានបំពេញប្រតិបត្តិការរបស់ពួកគេ យ៉ាងសស្រាក់សស្រាំ រហូតដល់អាចពន្លត់អគ្គីភ័យទាំងស្រុង នាវេលារសៀលថ្ងៃដដែលនេះ ខណៈមិនមានភ្លើងឆាបឆេះរាលដាល ដល់អាគារក្បែរខាងនោះឡើយ។
គួរបញ្ជាក់ថា មូលហេតុនៃអគ្គីភ័យនេះមិនទាន់ត្រូវបានគេបញ្ជាក់នៅឡើយទេ ស្របពេលការស៊ើបអង្កេតកំពុងធ្វើឡើង លើបុរសម្នាក់ដែលត្រូវបានអាជ្ញាធរជប៉ុនចាប់ខ្លួន។ អាជ្ញាធរជប៉ុនក៏បានបញ្ជាក់ទៀតដែរថា ចំនួនមនុស្សស្លាប់អាចនឹងកើនឡើង ព្រោះសាក្សីនៅកន្លែងកើតហេតុបានអះអាងថា មនុស្សមួយចំនួនបានសម្រេចលោតពីលើអគារតែម្តងដើម្បីគេចចេញពីភ្លើងមច្ចុរាជ៕
（សរុបដោយ ស្រីព្រេជ）
មតិពីមិត្តអ្នកអាន