វៀតណាមនឹងបន្តធ្វើឲ្យជាក់ស្តែងនូវគោលដៅនៃការកសាងពិភពលោកមួយប្រកបដោយសន្តិភាព ស្ថិរភាពការ អភិវ​ឌ្ឍន៍ និងគ្មានអាវុធនុយក្លេអ៊ែរ

អាជីវកម្មអាមេរិកអំពាវនាវឱ្យមានវ៉ាក់សាំងបន្ថែមសម្រាប់វៀតណាមដើម្បីការពារសង្វាក់ផ្គត់ផ្គង់

វៀតណាម កំពុងពិភាក្សាជាមួយអាមេរិកដើម្បីផលិតវ៉ាក់សាំង mRNA

ទិដ្ឋភាពនៃតំបន់ដែលរងផលប៉ះពាល់ដោយគ្រាប់បែកបរមាណូនៅហ៊ីរ៉ូស៊ីម៉ា

សន្និសីទនេះនឹងប្រព្រឹត្តទៅចាប់ពីថ្ងៃទី ២ ដល់ថ្ងៃទី ៩ ខែកញ្ញាឆ្នាំ ២០២១ តាមអនឡាញ និងផ្ទាល់នៅក្នុងទីក្រុងពីរគឺហ៊ីរ៉ូស៊ីម៉ា និងណាហ្គាសាគី ប្រទេសជប៉ុន។ នេះក៏ជាលើកទី ៨ ជាបន្តបន្ទាប់ចាប់តាំងពីឆ្នាំ ២០១៤ វៀតណាមបានផ្ញើសារទៅកាន់សន្និសីទជាពិសេសនៅក្នុងបរិបទដែលសន្ធិសញ្ញាស្តីពីការហាមឃាត់អាវុធនុយក្លេអ៊ែរ (TPNW) បានចូលជាធរមានជាផ្លូវការនៅថ្ងៃទី ២២ ខែមករាឆ្នាំ ២០២១ ។ វៀតណាមគឺជាប្រទេសទី ១០ ក្នុងចំណោម ៥៥ ប្រទេស ដែលបានចុះហត្ថលេខានិងផ្តល់សច្ចាប័នលើសន្ធិសញ្ញានេះ។ នៅក្នុងសារនៃសាមគ្គីភាពមានការអនុម័តមួយ៖ “ ៧៦ ឆ្នាំបានកន្លងផុតទៅហើយចាប់តាំងពីការវាយប្រហារដោយគ្រាប់បែកបរមាណូពីរគ្រាប់ទៅលើទីក្រុងហ៊ីរ៉ូស៊ីម៉ា និងណាហ្គាសាគីប៉ុន្តែការចងចាំដ៏ក្រៀមក្រំអំពីគ្រោះមហន្តរាយទាំងនេះមិនត្រូវបំភ្លេចឡើយ។ យើងចែករំលែកយ៉ាងជ្រាលជ្រៅជាមួយប្រជាជនជប៉ុន។ យើងទទួលស្គាល់ការបាត់បង់ដ៏ធំទាំងនេះហើយសង្ឃឹមថានឹងគ្មានប្រទេសណា ជួបគ្រោះមហន្តរាយស្រដៀងគ្នានេះនាពេលអនាគតឡើយ” ។

ជាប្រទេសមួយដែលទទួលរងនូវផលវិបាកមហន្តរាយនៃសង្គ្រាម ជាពិសេស សារជាតិគីមីពុលពណ៌លឿងទុំ/ឌីអូស៊ីត ដែលជាអាវុធគីមីដែលបានសម្លាប់មនុស្សរាប់លាននាក់ បង្កឱ្យមានផលវិបាកគួរឱ្យភ័យខ្លាចនិងជាប់លាប់ចំពោះបរិស្ថាន។ វៀតណាមតែងតែប្រកាន់ខ្ជាប់នូវគោលនយោបាយប្រឆាំងអាវុធនុយក្លេអ៊ែរ និងជាប្រទេសមួយក្នុងចំណោមប្រទេសដំបូងដែលបានចូលរួមចុះហត្ថលេខានិងផ្តល់សច្ចាប័នលើសន្ធិសញ្ញាស្តីពីការហាមឃាត់អាវុធនុយក្លេអ៊ែរ។ យើងរីករាយដែលសន្ធិសញ្ញានេះបានចូលជាធរមានជាផ្លូវការនៅថ្ងៃទី ២២ ខែមករាឆ្នាំ ២០២១។ នេះមិនត្រឹមតែជាកិច្ចខិតខំប្រឹងប្រែងរបស់រដ្ឋាភិបាលប៉ុណ្ណោះទេ ប៉ុន្តែថែមទាំងជាការរួមដំណើរនិងការគាំទ្រដ៏រឹងមាំនៃចលនាសន្តិភាពពិភពលោកនិងប្រទេសជប៉ុនទៀតផង។ បច្ចុប្បន្នពិភពលោកនៅតែប្រឈមមុខនឹងគ្រោះថ្នាក់ដែលមិនអាចគណនាបាននៃអាវុធនុយក្លេអ៊ែរ ការវិវត្តដ៏ស្មុគស្មាញបំផុតដោយសារការប្រកួតប្រជែងរវាងមហាអំណាច លទ្ធិជាតិនិយមនិយម លទ្ធិមហាអំណាចនិយម និងសកម្មភាពឯកតោភាគីនិយមរបស់បណ្តាប្រទេសមហាអំណាច នៅលើតំបន់ក្តៅគគុកដូចជា បញ្ហាសមុទ្រខាងកើតទាំងបញ្ហាប្រឈមផ្នែកសន្តិសុខដែលក្រៅប្រពៃណីដូចជាការប្រែប្រួលអាកាសធាតុ ជំងឺរាតត្បាត។ ល។

ប្រធានរដ្ឋ Nguyen Xuan Phuc ក៏បានបញ្ជាក់ផងដែរថា៖“ បក្ស រដ្ឋ ប្រជាជន និងចលនាសន្តិភាព វៀតណាម នឹងបន្តរួមដំណើរជាមួយអ្នក ដើម្បីសម្រេចបានគោលដៅនេះ” ។ ទន្ទឹមនឹងនេះយើងសូមថ្លែងអំណរគុណដល់រដ្ឋនិងប្រជាជនជប៉ុន ក៏ដូចជាប្រជាជនដែលស្រឡាញ់សន្តិភាពនៅលើពិភពលោកចំពោះមនោសញ្ចេតនាដ៍ល្អប្រសើរ និងការគាំទ្រដ៏មានតម្លៃចំពោះវៀតណាមក្នុងការតស៊ូ ដើម្បីឯករាជ្យជាតិ និងការបង្រួបបង្រួមជាតិ នាអតីតកាលក៏ដូចជាបុព្វហេតុននៃការកសាងនិងអភិវឌ្ឃន៍ប្រទេសជាតិផងដែរ ៕

ហេង វុធ្ធី

Thoidai.com.vn