យុគសម័យ - នាថ្ងៃទី ៥ ខែវិច្ឆិកា សមាគមមិត្តភាពវៀតណាម - រុស្ស៊ីនៅខេត្ត Thai Binh បានរៀបចំមហសន្និបាតលើកទី ២ អាណត្តិ ២០២០-២០២៥ ។
សមាគមមិត្តភាពវៀតណាម - រុស្ស៊ីនៅខេត្ត Thai Binh បានរៀបចំមហសន្និបាតលើកទី ២ អាណត្តិ ២០២០-២០២៥ ។ រូបថតៈស្ថានីយ៍វិទ្យុនិងទូរទស្សន៍ Thai Binh
ក្នុងរយៈពេល ៥ ឆ្នាំកន្លងមក សមាគមបានរួមចំណែកកសាងនិងបណ្តុះទំនាក់ទំនងរវាងរដ្ឋនិងប្រជាជនវៀតណាមជាមួយរុស្ស៊ីតាមរយៈការសម្របសម្រួល ការឃោសនាព័ត៌មានអំពីទិសដៅ គោលនយោបាយនិងទំនាក់ទំនងការបរទេស គោលនយោបាយសហប្រតិបត្តិការនៃប្រទេសទាំងពីរស្តីពីសេដ្ឋកិច្ច វប្បធម៌ ទេសចរណ៍។
ក្រៅពីសកម្មភាពប្រពៃណីដូចជាការជួបប្រជុំ ផ្លាស់ប្តូរនិងទស្សនាគ្នាទៅវិញទៅមកជារៀងរាល់ឆ្នាំ សមាគមមិត្តភាពវៀតណាម - សហព័ន្ធរុស្ស៊ីនៅខេត្ត Thai Binh ក៏ជាស្ពានតភ្ជាប់សម្រាប់ប្រជាជនខេត្ត Thai Binh ដែលកំពុងរស់នៅក្នុងរុស្ស៊ីជាមួយប្រជាជនមាតុភូមិ និងជាកន្លែងសម្រាប់សមាជិកសមាគមន៍ផ្លាស់ប្តូរ រៀនពីបទពិសោធន៍និងលើកទឹកចិត្តគ្នាទៅវិញទៅមកដើម្បីអភិវឌ្ឍសេដ្ឋកិច្ច។ នៅឆ្នាំ ២០២០ ដោយសារផលប៉ះពាល់នៃការរីករាលដាលនៃ COVID-19 សមាជិកសមាគមន៍គឺសហគ្រាសជាច្រើនបានរងផលប៉ះពាល់យ៉ាងខ្លាំង ប៉ុន្តែដោយសារការគាំទ្រនិងជំនួយទៅវិញទៅមកអំពីដើមទុននិងបទពិសោធន៍គ្រប់គ្រង សហគ្រាសដែលគ្រប់គ្រងដោយសមាជិកសមាគម មានជំហររឹងមាំនិងរក្សាផលិតកម្មនិងអាជីវកម្មប្រកបដោយប្រសិទ្ធភាព។
ទិដ្ឋភាពនៃមហសន្និបាត
នៅក្នុងមហសន្និបាតនេះ ប្រតិភូបានប្រមូលផ្តុំដើម្បីបូកសរុបនិងវាយតម្លៃលទ្ធផលនៃសមាគមមិត្តភាពវៀតណាម - សហព័ន្ធរុស្ស៊ីនៅខេត្ត Thai Binh ដែលទទួលបានក្នុងរយៈពេលកន្លងមក។ ទន្ទឹមនឹងនោះ ពិភាក្សាអំពីទិសដៅ គោលដៅនិងផែនការនាពេលខាងមុខ ជំរុញថែមទៀតនូវទំនាក់ទំនងមិត្តភាពជិតស្និទ្ធរវាងវៀតណាមនិងសហព័ន្ធរុស្ស៊ី និងសាមគ្គីភាព ជំនួយទៅវិញទៅមកក្នុងចំណោមសមាជិកសមាគមន៍។ មហសន្និបាតបានធ្វើការបោះឆ្នោតជ្រើសរើសគណៈកម្មាធិការប្រតិបត្តិនៃសមាគមមិត្តភាពវៀតណាម - សហព័ន្ធរុស្ស៊ីនៅខេត្ត Thai Binh សម្រាប់អាណត្តិ ២០២០-២០២៥ ។
ក្នុងឱកាសនេះ សមាគមបានបើកដំណើរការនិងបរិច្ចាគជួយឧបត្ថម្ភដល់ប្រជាជនដែលរងគ្រោះដោយទឹកជំនន់នៅតំបន់ភាគកណ្តាលវៀតណាម ដោយមានទឹកប្រាក់ជាង ១៣ លានដុង៕（បកប្រែដោយសាមេត）
（ប្រភពព័ត៌មាន: thoidai.com.vn）
មតិពីមិត្តអ្នកអាន