យុគសម័យ - អ្នកតំណាងនៃប្រទេសវៀតណាម - ចិនបានផ្លាស់ប្តូរកិច្ចសហប្រតិបត្តិការទ្វេភាគីលើការបង្ការនិងប្រយុទ្ធប្រឆាំងនឹងជំងឺកូវិដ១៩ ស្ថានភាពអន្តរជាតិនិងតំបន់និងបញ្ហាសមុទ្រខាងកើត។
លោក Le Hoai Trung ក្នុងកិច្ចប្រជុំ។ (ប្រភព៖ baoquocte)
នាថ្ងៃទី ១៦ ខែកក្កដា នៅទីស្នាក់ការរបស់ក្រសួងការបរទេសវៀតណាម លោក Le Hoai Trung សមាជិកគណៈកម្មាធិការកណ្តាលបក្ស អនុរដ្ឋមន្រ្តីក្រសួងការបរទេស អគ្គលេខាធិការគណៈកម្មាធិការដឹកនាំកិច្ចសហប្រតិបត្តិការទ្វេភាគីវៀតណាម - ចិនភាគីវៀតណាម បានចូលរួមកិច្ចពិភាក្សាតាមរយៈប្រព័ន្ធវិដេអូជាមួយអនុរដ្ឋមន្រ្តីក្រសួងការបរទេសចិនអគ្គលេខាធិការនៃគណៈកម្មាធិការដឹកនាំកិច្ចសហប្រតិបត្តិការទ្វេភាគីចិន - វៀតណាមភាគីចិន លោក Luo Zhaohui។
អនុរដ្ឋមន្រ្តីនិងអគ្គលេខាធិការទាំងពីរក៏បានពិភាក្សាលើខ្លឹមសារពាក់ព័ន្ធដើម្បីត្រៀមរៀបចំសម្រាប់កិច្ចប្រជុំលើកទី ១២ នៃគណៈកម្មាធិការដឹកនាំកិច្ចសហប្រតិបត្តិការទ្វេភាគីវៀតណាម - ចិន។
ក្រៅពីនេះភាគីទាំងពីរក៏បានផ្លាស់ប្តូរខ្លឹមសារមួយចំនួនស្តីពីទំនាក់ទំនងទ្វេភាគីរួមមានកិច្ចសហប្រតិបត្តិការលើការបង្ការនិងប្រយុទ្ធប្រឆាំងនឹងជំងឺកូវិដ១៩ ស្ថានភាពអន្តរជាតិនិងតំបន់និងបញ្ហាសមុទ្រខាងកើត៕
(ប្រែសម្រូលដោយវិច្ឆិកា)
មតិពីមិត្តអ្នកអាន