យុគសម័យ - មេដឹកនាំសហគមន៍វប្បធម៌ - សង្គមអាស៊ានបានផ្តោតលើការផ្លាស់ប្តូរនិងឯកភាពគ្នាលើអាទិភាពនៃសហគមន៍វប្បធម៌ - សង្គមអាស៊ាននៅឆ្នាំ ២០២០ និងក្នុងរយៈពេល ៥ ឆ្នាំខាងមុខ។
សន្និសីទសម្របសម្រួលសហគមន៍វប្បធម៌ - សង្គមអាស៊ានលើកទី ១៥
នាថ្ងៃទី ១៧ ខែមិថុនានៅទីក្រុងហាណូយ សន្និសីទសម្របសម្រួលសហគមន៍វប្បធម៌ - សង្គមអាស៊ាន (SOC-COM) លើកទី ១៥ បានប្រព្រឹត្តទៅតាមប្រព័ន្ធអនឡាញ។ សន្និសីទនេះត្រូវបានរៀបចំឡើងដោយលេខាធិការដ្ឋានអាស៊ាននិងក្រសួងការងារយុទ្ធជនពិការនិងសង្គមកិច្ច ដែលក្នុងនាមជាប្រធានសហគមន៍វប្បធម៌ - សង្គមអាស៊ាន (ASCC) ឆ្នាំ ២០២០ ។
នៅក្នុងសុន្ទរកថាបើក លោក Kung Phoak អគ្គលេខាធិការរងអាស៊ានបានសង្កត់ធ្ងន់លើសារៈសំខាន់នៃសន្និសីទនៅពេលមានការចូលរួមពេញលេញពីទីភ្នាក់ងារជំនាញទាំងអស់នៃសហគមន៍វប្បធម៌ - សង្គមអាស៊ាន រួមជាមួយតំណាងសសរស្តម្ភពីរផ្សេងទៀតគឺសេដ្ឋកិច្ចនិងសន្តិសុខ - នយោបាយក្នុងគោលបំណងផ្តល់ផលប្រយោជន៍ដល់មនុស្សគ្រប់គ្នា។
អគ្គលេខាធិការរងអាស៊ានបានបញ្ជាក់បន្ថែមទៀតថា សូម្បីតែនៅក្នុងគ្រាលំបាកនេះដើម្បីទប់ទល់នឹងជំងឺរាតត្បាត COVID-19 សហគមន៍អាស៊ាននៅតែបន្តកិច្ចខិតខំប្រឹងប្រែងដើម្បីអនុវត្តគំនិតផ្តួចផ្តើមឆ្ពោះទៅប្រជាជននិងផ្តោតលើប្រជាជន។
លោកស្រី Ha Thi Minh Duc អនុប្រធាននាយកដ្ឋានសហប្រតិបត្តិការអន្តរជាតិ (ក្រសួងការងារ យុទ្ធជនពិការនិងសង្គមកិច្ច) ប្រធានតំណាង SOCA វៀតណាមបានសង្កត់ធ្ងន់ថា ឆ្នាំ ២០២០ គឺជាឆ្នាំសំខាន់សម្រាប់អាស៊ាន នៅពេលដែលទីភ្នាក់ងារជំនាញទាំងអស់និងសហគមន៍កំពុងធ្វើការត្រួតពិនិត្យពាក់កណ្តាលអាណត្តិនៃការអនុវត្តផែនការមេ។ ទីភ្នាក់ងារជំនាញកំពុងពិនិត្យនិងវាយតម្លៃការអនុវត្តផែនការការងារ ៥ ឆ្នាំសម្រាប់ដំណាក់កាលចាប់ពីឆ្នាំ ២០១៦ - ២០២០ និងរៀបចំផែនការការងារសម្រាប់ ៥ ឆ្នាំបន្តចាប់ពីឆ្នាំ ២០២១ - ២០២៥ ។
នៅក្នុងសន្និសីទ អ្នកតំណាងក៏បានពិភាក្សាអំពីកិច្ចខិតខំប្រឹងប្រែងរួមរបស់អាស៊ានក្នុងការប្រយុទ្ធប្រឆាំងនឹងជំងឺរាតត្បាតសកល។ អាស្រ័យហេតុនេះ វាយតម្លៃខ្ពស់និងទទួលស្គាល់កិច្ចខិតខំប្រឹងប្រែងដែលត្រូវបានអនុវត្តភ្លាមៗដោយមន្រ្តីសុខាភិបាលជាន់ខ្ពស់អាស៊ាន (SOMHD) និងទីភ្នាក់ងារជំនាញផ្សេងទៀតដូចជាកម្លាំងពលកម្ម (SLOM) សុខុមាលភាពសង្គមនិងការអភិវឌ្ឍ (SOMSWD) ក្នុងការបង្ការទប់ស្កាត់ ការកាត់បន្ថយផលប៉ះពាល់នៃ COVID-19 ការអភិវឌ្ឍផែនការស្តារឡើងវិញក្រោយជំងឺរាតត្បាត៕（បកប្រែដោយសាមេត）
（ប្រភពព័ត៌មាន: tapchithongtindoingoai.vn）
មតិពីមិត្តអ្នកអាន