យុគសម័យ - នាព្រឹកថ្ងៃទី ១៦ ខែមករា នៅទីក្រុង Nha Trang ខេត្ត Khanh Hoa បានប្រព្រឹត្តទៅកិច្ចប្រជុំមន្ត្រីជាន់ខ្ពស់អាស៊ាន (SOM អាស៊ាន)។
កិច្ចប្រជុំមន្ត្រីជាន់ខ្ពស់អាស៊ានបានបានប្រព្រឹត្តទៅនាព្រឹកថ្ងៃទី ១៦ ខែមករាដែលផ្តោតសំខាន់លើការពិភាក្សាគ្នាអំពីរបៀបវារៈនិងកម្មវិធីសកម្មភាពនៃកិច្ចប្រជុំចង្អៀតថ្នាក់រដ្ឋមន្ត្រីការបរទេសអាស៊ាន ដែលគ្រោងនឹងរៀបចំឡើងនៅថ្ងៃទី ១៧ ខែមករា។
អនុរដ្ឋមន្រ្តីក្រសួងការបរទេសវៀតណាមលោក Nguyen Quoc Dung
ថ្លែងមតិក្នុងឱកាសបើកកិច្ចប្រជុំនេះ អនុរដ្ឋមន្រ្តីក្រសួងការបរទេសវៀតណាមលោក Nguyen Quoc Dung ប្រធានអាស៊ាន SOM របស់វៀតណាម បានមានប្រសាសន៍ថាឆ្នាំ ២០២០ បានកំណត់រយៈពេល ២៥ ឆ្នាំនៃការចូលជាសមាជិកអាស៊ានរបស់វៀតណាម ហើយវៀតណាមក៏មានកិត្តិយសដើរតួជាប្រធានអាស៊ានផងដែរ។ លោក Nguyen Quoc Dung ក៏បានបន្តទៀតថា វៀតណាមបានប្តេជ្ញាធ្វើការយ៉ាងជិតស្និទ្ធជាមួយបណ្តាប្រទេសសមាជិកអាស៊ាន ដើម្បីលើកកម្ពស់គោលដៅរួម ដោយផ្អែកលើមូលដ្ឋានគោលការណ៍នៃការមូលមតិជាឯកច្ឆ័ន្ទ និងតួនាទីស្នូលរបស់អាស៊ានដើម្បី ផលប្រយោជន៍របស់ប្រជាជននិងដើម្បីសន្តិភាព ស្ថិរភាពនិងវិបុលភាពក្នុងតំបន់ផងដែរ ។
ទិដ្ឋភាពនៃកិច្ចប្រជុំ
កិច្ចប្រជុំរដ្ឋមន្ត្រីការបរទេសគឺជាឱកាសមួយសម្រាប់ប្រទេសជាសមាជិកអាស៊ានដោយពិភាក្សាលើខ្លឹមសារសំខាន់ៗមួយចំនួនទាក់ទងនឹងការអនុវត្តលទ្ធផលនៃកិច្ចប្រជុំកំពូលអាស៊ាន ៣៥ រួំទាំងចំណុចស្នូលនិងអាទិភាពរបស់អាស៊ានក្នុងឆ្នាំ ២០២០ ក៏ដូចជាបញ្ហាទាក់ទងនឹងទំនាក់ទំនងការទូតរបស់អាស៊ាននិងបញ្ហាអន្តរជាតិនិងក្នុងតំបន់ដែលភាគីយកចិត្តទុកដាក់ដូចគ្នាផងដែរ។
ឯកអគ្គរដ្ឋទូតនិងជាប្រធានបេសកកម្មអចិន្ត្រៃយ៍របស់វៀតណាមប្រចាំអាស៊ានលោក Tran Duc Binh បានពិភាក្សាជាមួយតំណាងចូលរួមកិច្ចប្រជុំនេះ។
អនុរដ្ឋមន្រ្តីក្រសួងការបរទេសវៀតណាម លោក Nguyen Quoc Dung ប្រធាន SOM អាស៊ានរបស់វៀតណាម និងជាប្រធាន SOM អាស៊ានរបស់ហ្វីលីពីន។
ប្រធាន SOM អាស៊ានឥណ្ឌូនេស៊ីរៀបចំឯកសារមុនពេលចូលរួមកិច្ចប្រជុំ ។
អនុរដ្ឋមន្រ្តីក្រសួងការបរទេសវៀតណាម លោក Nguyen Quoc Dung ប្រធាន SOM អាស៊ានរបស់វៀតណាម និងប្រធាន SOM អាស៊ានរបស់ថៃ
អនុរដ្ឋមន្រ្តីក្រសួងការបរទេសវៀតណាម លោក Nguyen Quoc Dung ផ្លាស់ប្តូរយោបល់ជាមួយតំណាងដែលចូលរួមកិច្ចប្រជុំនេះ។
តំណាងឥណ្ឌូនេស៊ីបានផ្លាស់ប្តូរយោបល់មុនពេលចូលរួមកិច្ចប្រជុំ។
រូបថត៖ baoquocte.vn
（បកប្រែដោយ ហេងវុធ្ធី）
មតិពីមិត្តអ្នកអាន