យុគសម័យ - នាព្រឹកថ្ងៃទី ១៤ ខែតុលា នៅទីស្នាក់ការរដ្ឋាភិបាល ក្នុងជំនួបជាមួយ រដ្ឋមន្ត្រីក្រសួងកសិកម្មនិងកិច្ចការជនបទចិន លោក Han Changfu, នាយករដ្ឋមន្រ្តីវៀតណាម លោក Nguyen Xuan Phuc បានស្នើឱ្យភាគីទាំងពីរ ជំរុញកិច្ចសហប្រតិបត្តិការលើវិស័យកសិកម្ម រួមចំណែកធ្វើឱ្យមានតុល្យភាពពាណិជ្ជកម្មទ្វេភាគី។
ទិដ្ឋភាពនៃជំនួប (រូបថតៈ VGP/Nhat Bac)
ក្នុងជំនួបនេះ នាយករដ្ឋមន្ត្រីវៀតណាម លោក Nguyen Xuan Phuc បានស្វាគមន៍គណៈប្រតិភូក្រសួងកសិកម្មនិងកិច្ចការជបបទរបស់ចិន ដែលមកបំពេញទស្សនកិច្ចនៅវៀតណាម។ ទន្ទឹមជាមួយគ្នានេះ លោកនាយករដ្ឋមន្ត្រីវៀតណាម បានវាយតម្លៃខ្ពស់ ចំពោះកិច្ចសហប្រតិបតិបត្តិការរវាងក្រសួងកសិកម្មនៃប្រទេសទាំងពីរអស់រយៈពេល៧០ឆ្នាំកន្លងមក ជាពិសេស គឺលទ្ធផលទទួលបាននាពេលថ្មីៗនេះ ខណៈដែលភាគីទាំងពីរបានចុះហត្ថលេខាលើឯកសារស្តីពីពាណិជ្ជកម្មកសិផល។ នាយករដ្ឋមន្ត្រី លោក Nguyen Xuan Phuc បានមានប្រសាសន៍ថា ទំនាក់ទំនងពាណិជ្ជកម្មរវាងប្រទេសទាំងពីរកំពុងមានផ្លែផ្កាល្អ ពោលគឺ វៀតណាមជាដៃគូពាណិជ្ជកម្មធំបំផុតរបស់ចិនក្នុងអាស៊ាន។
អញ្ជើញជាការឆ្លើយតប រដ្ឋមន្ត្រីក្រសួងកសិកម្មនិងកិច្ចការជនបទរបស់ចិន លោក Han Changfu បានជម្រាបលោកនាយករដ្ឋមន្ត្រី អំពីកិច្ចពិភាក្សារវាងលោកជាមួយរដ្ឋមន្ត្រីក្រសួងកសិកម្មនិងអភិវឌ្ឍន៍ជនបទវៀតណាម ហើយភាគីទាំងពីរបានពិភាក្សាលើបញ្ហាជាច្រើន ស្តីពីកិច្ចសហប្រតិបត្តិការកសិកម្មនិងអភិវឌ្ឍន៍ជនបទ។ លោករូបនេះបានសម្តែងក្តីជឿជាក់ថា កិច្ចសហប្រតិនបត្តិការលើវិស័យកសិកម្មរវាងវៀតណមានិងចិន នឹងមានការអភិវឌ្ឍយ៉ាងល្អថែមទៀត ជាពិសេស ក្នុងបរិបទដែលភាគីទាំងពីរ នឹងត្រៀមរៀបចំខួបលើកទី ៧០ នៃទិវាបង្កើតទំនាក់ទំនងការទូតនាឆ្នាំក្រោយ៕
(បកប្រែដោយស្រីព្រេជ)
មតិពីមិត្តអ្នកអាន