យុគសម័យ - នាព្រឹកថ្ងៃទី ២ ខែវិច្ឆិកា នៅរដ្ឋធានី Ha Noi សមាគមទំនាក់ទំនង ជាមួយជនជាតិវៀតណាម នៅឯបរទេស (ALOV) បានប្រគល់សៀវភៅ ១០០ ក្បាល ដែលមានចំណងជើងថា“ ខ្ញុំរៀនភាសាវៀតណាម” ជូនដល់សមាគមអភិវឌ្ឍន៍សេដ្ឋកិច្ច វប្បធម៌ អប់រំតៃវ៉ាន់ - វៀតណាម។
សៀវភៅ“ ខ្ញុំរៀនភាសាវៀតណាម” (emhoctiengviet.vn)
សៀវភៅ“ ខ្ញុំរៀនភាសាវៀតណាម” (emhoctiengviet.vn) ត្រូវបានចងក្រងដោយលោកសាស្ត្រាចារ្យរង បណ្ឌិត Nguyen Lan Trung និងលោកស្រី Dao Thi Tuyet Nhung សម្រាប់យុវជននិង កុមារជាជនជាតិវៀតណាមដែលកំពុងរស់ នៅឯបរទេស។ នេះជាសៀវភៅសិក្សាសម្រាប់បង្រៀននិងរៀនភាសាវៀតណាម តាមប្រព័ន្ធអនឡាញដែលជួយឱ្យអ្នកសិក្សាអាចរៀនសូត្រដោយខ្លួនឯង។ ទន្ទឹមនឹងនេះសៀវភៅនេះ អាចប្រើប្រាក់ក្នុងការរៀបចំថ្នាក់និងបង្រៀនដោយផ្ទាល់។ សៀវភៅសិក្សានេះបានចងក្រងមានពីរភាសា រួមមានកំណែចំនួន ១២ សម្រាប់សហគមន៍អាណិកជនវៀតណាម នៅឯបរទេស ក្នុងប្រទេសសាមីដែលនិយាយភាសាអង់គ្លេស ឡាវ ថៃ កម្ពុជា បារាំងចិន រុស្ស៊ី អាល្លឺម៉ង់ ឆែក ជប៉ុន កូរ៉េខាងត្បូង កូរ៉និងអារ៉ាប់។
ALOV ប្រគល់សៀវភៅចំនួន ១០០ ក្បាល “ ខ្ញុំរៀនភាសាវៀតណាម” ត្រូវបានចងក្រងសម្រាប់យុវជន កុមារវៀតណាមដែលកំពុងរស់នៅឯបរទេស។
លោកសាស្ត្រាចារ្យរង បណ្ឌិត Nguyen Lan Trung បានមានប្រសាសន៍ថា នេះគឺជាសៀវភៅសិក្សាតាមប្រព័ន្ធអនឡាញ អ្នកសិក្សាអាចរៀននិងសិក្សាដោយខ្លួនឯង នៅគ្រប់ពេលវេលានៅលើឧបករណ៍ណាមួយ ដូចជា កុំព្យូទ័រ ថេប្លេត ស្មាតហ្វូន។ ការរចនាសៀវភៅនេះអនុញ្ញាតឱ្យអ្នកសិក្សាចុច ដើម្បីស្តាប់ពាក្យប្រយោគ ឃ្លាននិងស្ថានភាពនៃការសន្ទនាដែលពួកគេចង់បាន។
ទីប្រឹក្សាសមាគមអភិវឌ្ឍន៍សេដ្ឋកិច្ច វប្បធម៌ អប់រំតៃវ៉ាន់ - វៀតណាម លោក Nguyen Hoang Nhi បានថ្លែងអំណរគុណចំពោះ សមាគមទំនាក់ទំនងជាមួយជនជាតិវៀតណាម នៅឯបរទេស។ លោកបន្តថា សៀវភៅសិក្សាទាំងអស់នេះនឹងបម្រើដល់យុវជននិងកុមារវៀតណាមដែលរស់នៅតៃវ៉ាន់ ជាពិសេសកូនសិស្សរៀនថ្នាក់ទី ១ ។
លើសពីនេះទៀត លោក Nguyen Hoang Nhi បានស្នើអំពីការចុះហត្ថលេខាលើកិច្ចព្រមព្រៀងសហប្រតិបត្តិការជាមួយសមាគម ALOV នាពេលខាងមុខនេះដោយមានបំណងជំរុញការរួបរួមគ្នារវាងសហគមន៍ជនជាតិវៀតណាម នៅតៃវ៉ាន់និងវប្បធម៌វៀតណាម។
លោកប្រធាន Nguyen Phu Binh បានទទួលស្គាល់សំណើ របស់សមាគមនិងដាក់ចេញជម្រើសតភ្ជាប់ស្របតាមសេចក្តីប្រាថ្នានូវការតភ្ជាប់ជនជាតិវៀតណាមនៅក្នុងប្រទេសនិងជនជាតិវៀតណាមនៅតៃវ៉ាន់របស់សមាគមអភិវឌ្ឍន៍ សេដ្ឋកិច្ច អប់រំវៀតណាម - តៃវ៉ាន់។ ភាគីទាំងពីរនឹងជំរុញកិច្ចព្រមព្រៀងសហប្រតិបត្តិការនេះនាពេលខាងមុខ./.（បកប្រែដោយឌីណា）
（ប្រភពព័ត៌មាន: thoidai.com.vn）
មតិពីមិត្តអ្នកអាន