ប្រជាពលរដ្ឋទៅចូលរួមក្នុងពិធីអបអរសាទរបុណ្យចូលឆ្នាំប្រពៃណីជាតិខ្មែរ និង ពិធីបុណ្យសង្ក្រាន្តសមុទ្រ នៅខេត្តព្រះសីហនុ កាលពីថ្ងៃ១៥ ខែមេសា ឆ្នាំ២០១៩ មានជាង៦០.០០០នាក់។ ចំនួនគឺមានការកើនឡើង បើធៀបនឹងឆ្នាំ២០១៨។
យោងតាមរបាយការណ៍របស់មន្ទីរទេសចរណ៍ខេត្ពព្រះសីហនុ បានឲ្យដឹងថា ភ្ញៀវចូលរួមក្នុងពិធីអបអរសាទរបុណ្យចូលឆ្នាំប្រពៃណីជាតិខ្មែរ និង ពិធីបុណ្យសង្ក្រាន្តសមុទ្រ នៅខេត្តព្រះសីហនុ ថ្ងៃ១៥ ខែមេសា មានអ្នកចូលរួមប្រមាណ ៦៤.៧៦៣នាក់ កើនឡើង ២៤,៣០ភាគរយបើធៀបឆ្នាំ ២០១៨(មាន៥១.១០០នាក់)។
ភ្ញៀវទេសចណ៌មកលេងកំសាន្តពេលចូលឆ្នាំថ្មី យ៉ាងច្រើនកុះករ
ទិដ្ឋភាពសប្បាយរីករាយ របស់ភ្ញៀវចូលរួមអំណបុណ្យចូលឆ្នាំថ្មី ប្រពៃណីជាតិខ្មែរ ២០១៩
របាយការណ៍បានបន្តថា តាមអាកាសយានដ្ឋានហោះអន្តរជាតិក្រុងព្រះសីហនុ ថ្ងៃ១៥ ខែ មេសា សរុប មានជើងហោះហើរប្រមាណ ១៩ជើង មានភ្ញៀវសរុប ប្រមាណ ២.៣៨៩នាក់ ។ ក្នុងនេះភ្ញៀវជាតិប្រមាណមន្ទីរទេសចរណ៍ខេត្ពព្រះសីហនុ បានបន្តទៀតថា ទេសចរណ៌តាមបណ្តាកោះនានាក្នុងខេត្តព្រះសីហនុ ថ្ងៃទី ១៥ មេសាមានភ្ញៀវសរុបប្រមាណ ២.៤៩០នាក់ គឺបានថយចុះ២២,៥ភាគរយ។ក្នុងនេះភ្ញៀវជាតិ ១.១៨៤នាក់ ថយចុះ ១២ភាគរយ អន្តរជាតិ ១.៣០៦នាក់ គឺថយចុះ២៤,២៤ ភាគរយ។
ចំណែកភ្ញៀវចូលកម្សាន្តតាមរមណីយដ្ឋាននានា សរុប ៣.២៨៣នាក់ ។ក្នុងនេះភ្ញៀវជាតិ ២.៤១៤នាក់និង អន្តរជាតិ ៨៦៩នាក់។ រីឯភ្ញៀវតាមបណ្តាឆ្នេរនានា ថ្ងៃ ១៥ ខែ មេសា មានទេសចរសរុប ៤២.៤៧១នាក់។ ក្នុងនេះភ្ញៀវជាតិសរុប ៣៩.៧៨៥នាក់ និង អន្តរជាតិ២.៦៨៦នាក់៕
（ប្រភពព័ត៌មាន: rasmeinews.com）
