ឯកឧត្តម នាយឧត្តម សេនីយ៍ បណ្ឌិត ម៉ៅ ហាវណ្ណាល់ រដ្ឋមន្រ្តីទទួលបន្ទុករដ្ឋលេខាធិការដ្ឋានអាកាសចរណ៍ស៊ីវិលបានណែនាំឱ្យក្រុមហ៊ុនត្រូវរៀបចំផែនការយុទ្ធសាស្ត្រ ឱ្យបានល្អត្រៀមសម្រាប់ក្រោយវិបត្តិជំងឺ COVID-19 ចប់ និងយកចិត្តទុកដាក់ថែរក្សាធនធានមនុស្ស ជាពិសេសបុគ្គលិកខ្មែរដែលបម្រើការងារឱ្យក្រុមហ៊ុន ត្រូវរក្សាពួកគាត់ទុកបម្រើការងារវិញនៅពេលវិបត្តិ COVID-19 ត្រូវបញ្ចប់។
រដ្ឋលេខាធិការដ្ឋានអាកាសចរណ៍ស៊ីវិលណែនាំឱ្យក្រុមហ៊ុន JC International Airlines យកចិត្តទុកដាក់ថែរក្សាបុគ្គលិកខ្មែរបម្រើការងារឱ្យក្រុមហ៊ុន ខណៈ COVID-19 ត្រូវបញ្ចប់
ការលើកឡើងរបស់ឯកឧត្តម នាយឧត្តម សេនីយ៍ បណ្ឌិត ម៉ៅ ហាវណ្ណាល់ រដ្ឋមន្រ្តីទទួលបន្ទុករដ្ឋលេខាធិការដ្ឋានអាកាសចរណ៍ស៊ីវិល ក្នុងឱកាសអនុញ្ញាតឱ្យលោក Zhao Wei ប្រធានក្រុមប្រឹក្សាភិបាល និងលោក Tang Chun អគ្គនាយក របស់ក្រុមហ៊ុនអាកាសចរណ៍ JC International Airlines ចូលជួបសម្ដែង ការគួរសម និងពិភាក្សាការងារស្តីពីស្ថានភាព អាជីវកម្មក្រុមហ៊ុន នៅព្រឹកថ្ងៃទី ២៥ ខែមិថុនា ឆ្នាំ២០២០។
ឯកឧត្តមបណ្ឌិត ម៉ៅ ហាវណ្ណាល់ បានថ្លែងថា ក្នុងគ្រាលំបាកដែលយើងមិនមានការហោះហើរច្រើនក្រុមហ៊ុនត្រូវរៀបចំផែនការយុទ្ធសាស្ត្រឱ្យបានល្អត្រៀមសម្រាប់ក្រោយវិបត្តិជំងឺ COVID-19 ចប់ និងយកចិត្តទុកដាក់ថែរក្សាធនធានមនុស្ស ជាពិសេស បុគ្គលិកខ្មែរដែលបម្រើការងារឱ្យក្រុមហ៊ុន ត្រូវរក្សាពួកគាត់ទុកបម្រើការងារវិញនៅពេលវិបត្តិ COVID-19 ត្រូវបញ្ចប់។ ឯកឧត្តមរដ្ឋមន្ត្រីបានធ្វើការវាយតម្លៃខ្ពស់ចំពោះក្រុមហ៊ុនអាកាសចរណ៍ JC International Airlines បើទោះបីមានការលំបាកយ៉ាងណាក៏ដោយក៏ក្រុមហ៊ុននៅតែធ្វើការហោះហើរដឹកអ្នកដំណើរដែលនៅជាប់គាំងក្នុងប្រទេសនានាតាមលទ្ធភាពក្នុងទម្រង់ជើងហោះហើរពាណិជ្ជកម្ម។ ឯកឧត្ដមបានចាត់ទុកសកម្មភាពទាំងអស់នេះគឺជាការចូលចំណែកយ៉ាងសកម្មក្នុងការបន្ថយការលំបាករបស់ប្រទេសកម្ពុជា និងជួយដឹកពលរដ្ឋខ្មែរមកកាន់មាតុប្រទេសវិញ។
លោក Zhao Wei ប្រធានក្រុមប្រឹក្សាភិបាលបានរាយការណ៍អំពីសកម្មភាពអាជីវកម្មក្រុមហ៊ុនក្នុងពេលដ៏លំបាកនៃវិបត្តិជំងឺ COVID-19 នាចុងឆ្នាំ២០១៩ និងដើមឆ្នាំ២០២០ និងស្នើសុំអនុសាសន៍ណែនាំពីឯកឧត្តម រដ្ឋមន្ត្រីបន្ទុករដ្ឋលេខាធិការដ្ឋានអាកាសចរណ៍ស៊ីវិល ដើម្បីរៀបចំផែនការយុទ្ធសាស្ត្របន្តថែមទៀត៕
（ប្រភពព័ត៌មាន: akp.gov.kh）
មតិពីមិត្តអ្នកអាន