វៀតណាមយកចិត្តទុកដាក់យ៉ាងខ្លាំងចំពោះទំនាក់ទំនងមិត្តភាពជាប្រពៃណីជាមួយឈីលី

លោក Bui Thanh Son រដ្ឋមន្ត្រីក្រសួងការបរទេស និងលោក Alberto Van Klaveren រដ្ឋមន្ត្រីការបរទេសឈីលី

លោករដ្ឋមន្ត្រី Bui Thanh Son បានអះអាងថា វៀតណាមយកចិត្តទុកដាក់យ៉ាងខ្លាំងចំពោះទំនាក់ទំនងមិត្តភាពជាប្រពៃណីជាមួយឈីលី ដែលជាប្រទេសដំបូងគេនៅអាមេរិកខាងត្បូងបង្កើតទំនាក់ទំនងការទូតជាមួយវៀតណាម (ថ្ងៃទី២៥ ខែមីនា ឆ្នាំ១៩៧១) ព្រមទាំងសម្តែងនូវសេចក្តីរីករាយចំពោះការអភិវឌ្ឍនៃទំនាក់ទំនងភាពជាដៃគូគ្រប់ជ្រុងជ្រោយរវាងប្រទេសទាំងពីរ ជាពិសេសទំនាក់ទំនងសេដ្ឋកិច្ច ពាណិជ្ជកម្មទ្វេភាគីមានលើសពី ២ ពាន់លានដុល្លារអាមេរិក។ លោករដ្ឋមន្ត្រី Bui Thanh Son បានសង្កត់ធ្ងន់ថា វៀតណាមមានបំណងចង់ពង្រឹងទំនាក់ទំនងជាមួយឈីលីលើវិស័យនយោបាយ-ការទូត សេដ្ឋកិច្ច-ពាណិជ្ជកម្ម ការវិនិយោគ វប្បធម៌-អប់រំ វិទ្យាសាស្ត្រ-បច្ចេកវិទ្យា ការពារជាតិ សន្តិសុខ និងការជួបប្រាស្រ័យរវាងប្រជាជន និងប្រជាជន។ ទន្ទឹមនឹងនោះ គាំទ្របោះជំហានរបស់ឈីលី ក្នុងការពង្រឹងទំនាក់ទំនងជាមួយអាស៊ាន និងតំបន់អាស៊ីបូព៌ា-ប៉ាស៊ីហ្វិក។

លោករដ្ឋមន្ត្រី Alberto Van Klaveren បានអះអាងថា រដ្ឋាភិបាលឈីលីតែងតែយកចិត្តទុកដាក់យ៉ាងខ្លាំង និងមានបំណងចង់ពង្រឹងទំនាក់ទំនងជាមួយវៀតណាមក្នុងគោលនយោបាយរួមរបស់ខ្លួនឆ្ពោះទៅតំបន់អាស៊ីប៉ាស៊ីហ្វិក។ល។

ភាគីទាំងពីរបានពិភាក្សា និងឯកភាពលើវិធានការមួយចំនួន ដើម្បីបន្តជំរុញទំនាក់ទំនងរវាងប្រទេសទាំងពីរឲ្យកាន់តែស៊ីជម្រៅនាពេលខាងមុខ ព្រមទាំងពិនិត្យ និងឯកភាពជំរុញ និងចរចាលើកិច្ចព្រមព្រៀងសហប្រតិបត្តិការមួយចំនួនលើវិស័យពាណិជ្ជកម្ម គយ កសិកម្ម ការពារជាតិ សន្តិសុខ និងការអនុវត្តច្បាប់។ល។ ពិភាក្សាអំពីបញ្ហាអន្តរជាតិ និងតំបន់ដែលមានការយកចិត្តទុកដាក់ដូចគ្នា រដ្ឋមន្ត្រីទាំងពីរបានឯកភាពថា ជម្លោះអន្តរជាតិចាំបាច់ត្រូវបានដោះស្រាយដោយសន្តិវិធី ដោយឈរលើមូលដ្ឋាននៃការគោរពច្បាប់អន្តរជាតិ រួមចំណែកដល់សន្តិភាព ស្ថិរភាព កិច្ចសហប្រតិបត្តិការ ការអភិវឌ្ឍក្នុងតំបន់ និងនៅលើពិភពលោក៕

និស្សិតវៀតណាមយ៉ាងផុសផុលមផ្សព្វផ្សាយវប្បធម៌ប្រពៃណីជាតិ យុគសម័យ - កម្មវិធីវប្បធម៌ដូចជាទិវាវៀតណាមរបស់ក្រុមនិស្សិតវៀតណាមនៅសាកលវិទ្យាល័យបច្ចេកវិទ្យារដ្ឋម៉ូស្គូ គឺជាឱកាសសម្រាប់ជនជាតិរុស្ស៊ីដើម្បីស្វែងយល់អំពីវប្បធម៌ប្រទេស និងប្រជាជនវៀតណាម។

វៀតណាមយកចិត្តទុកដាក់យ៉ាងខ្លាំងចំពោះការជំរុញកិច្ចសហប្រតិបត្តិការរវាងមូលដ្ឋានជាមួយជប៉ុន យុគសម័យ - នារសៀលថ្ងៃទី៣ ខែសីហា នៅទីស្នាក់ការរដ្ឋាភិបាល ឧបនាយករដ្ឋមន្ត្រីអចិន្ត្រៃយ៍លោក Pham Binh Minh បានទទួលជួបអភិបាលខេត្ត Gunma លោក Yamamoto Ichita ដែលកំពុងបំពេញទស្សនកិច្ចនៅវៀតណាម។