ការបង្កើនការត្រួតពិនិត្យដំណើរការបោះពុម្ពផ្សាយដើម្បីបង្ការនិងទប់ស្កាត់ការបំពាន

សន្និបាតនេះត្រូវបានដឹកនាំដោយលោក Ngo Van Cuong អនុលេខានៃគណៈកម្មាធិការបក្សរណសិរ្សមាតុភូមិនិងបណ្តាអង្គការមហាជនថ្នាក់មជ្ឈិម ព្រមទាំងលោក Nguyen Minh Chung សមាជិកណៈអចិន្ត្រៃយ៍និងជាប្រធានគណៈប្រពន្ធព្វផ្សាយនិងចលនាមហាជននៃគណៈកម្មាធិការបក្សរណសិរ្សមាតុភូមិនិងបណ្តាអង្គការមហាជនថ្នាក់មជ្ឈិម។ នៅក្នុងសន្និបាតនេះ តម្រូវការនៃការបង្កើនការត្រួតពិនិត្យដំណើរការ ការលើកកម្ពស់សីលធម៌វិជ្ជាជីវៈនិងការម្ចាស់ការបង្ការទប់ស្កាត់ការបំពាននៅក្នុងសកម្មភាពបោះពុម្ពផ្សាយ ត្រូវបានសង្កត់ធ្ងន់ជាពិសេស។

ការលើកកម្ពស់សីលធម៌វិជ្ជាជីវៈ

បើតាមរបាយការណ៍នៅក្នុងសន្និបាតបានឱ្យដឹងថា នាពេលកន្លងមក សកម្មភាពបោះពុម្ពផ្សាយមានការផ្លាស់ប្តូរវិជ្ជមានជាច្រើន ដោយបានផ្លាស់ប្តូរថ្មីវិធីសាស្ត្រគ្រប់គ្រងជាជំហានៗ ការអនុវត្តបច្ចេកវិទ្យានិងការពង្រីកសមត្ថភាពនៃការចូលទៅជិតមិត្តអ្នកអាន។ ទោះជាយ៉ាងណាក៏ដោយ ព្រឹត្តិការណ៍មួយចំនួនដែលបានកើតឡើងនាពេលថ្មីៗនេះ ក៏បានបង្ហាញឱ្យឃើញនូវកម្រិតកំណត់មួយចំនួននៅក្នុងដំណើរការកែសម្រួល ការវាយតម្លៃនិងការត្រួតពិនិត្យខ្លឹមសារនៃផលិតផលបោះពុម្ពផ្សាយផងដែរ។

ចំណុចដែលគួរឱ្យយកចិត្តទុកដាក់នោះគឺនៅក្នុងខែមិថុនា ឆ្នាំ ២០២៦ គ្រឹះស្ថានបោះពុម្ពផ្សាយសមាគមអ្នកនិពន្ធ ត្រូវបានពិន័យជាប្រាក់ចំនួន ១០០ លានដុងនិងផ្អាកសកម្មភាពក្នុងរយៈពេល ២ ខែ ដើម្បីធ្វើការត្រួតពិនិត្យនិងកែសម្រួលឡើងវិញទាំងស្រុងនូវសកម្មភាពជំនាញដែលពាក់ព័ន្ធនឹងការបោះពុម្ពផ្សាយសៀវភៅ «Chuyen voi Thanh - Loi ke moi ve anh sang»។ ជាមួយគ្នានេះដែរ គ្រឹះស្ថានបោះពុម្ពផ្សាយត្រូវតែបំផ្លាញចោលនូវចំនួនផលិតផលបោះពុម្ពផ្សាយដែលត្រូវប្រមូលត្រឡប់មកវិញទាំងអស់ ព្រមទាំងប្រគល់ជូនវិញនូវប្រាក់ចំណេញខុសច្បាប់ដែលទទួលបានពីការទម្លាក់ផ្សាយសៀវភៅនេះ។

លោក Ngo Van Cuong អនុលេខានៃគណៈកម្មាធិការបក្សរណសិរ្សមាតុភូមិនិងបណ្តាអង្គការមហាជនថ្នាក់មជ្ឈិម បានថ្លែងមតិ។

បើតាមសេចក្តីសម្រេចចិត្តពិន័យ ផលិតផលបោះពុម្ពផ្សាយមានព័ត៌មាននិងការវាយតម្លៃមួយចំនួនមិនទាន់ត្រឹមត្រូវអំពីឥស្សរជននិងព្រឹត្តិការណ៍ប្រវត្តិសាស្ត្រ ព្រមទាំងប្រើប្រាស់ភាសាមិនទាន់សមស្របនៅពេលសរសេរអំពីប្រធាន ហូ ជីមិញ និងសមូហមិត្តថ្នាក់ដឹកនាំជាន់ខ្ពស់ជំនាន់មុនៗរបស់បក្ស។

ព្រឹត្តិការណ៍នេះបង្ហាញឱ្យឃើញថា ត្រឹមតែការចន្លោះប្រហោងមួយនៅក្នុងដំណើរការកែសម្រួល ការវាយតម្លៃនិងការត្រួតពិនិត្យខ្លឹមសារ ក៏អាចនាំឱ្យកើតមាននូវវិបាកធំធេងផងដែរ ដែលមិនត្រឹមតែចំពោះផលិតផលបោះពុម្ពផ្សាយមួយប៉ុណ្ណោះទេ ប៉ុន្តែថែមទាំងប៉ះពាល់ដល់កិត្តិយសរបស់គ្រឹះស្ថានបោះពុម្ពផ្សាយនិងទំនុកចិត្តរបស់មិត្តអ្នកអានទៀតផង។ ប្រការនេះដាក់ចេញនូវតម្រូវការថា រាល់ដំណាក់កាលទាំងអស់នៅក្នុងដំណើរការបោះពុម្ពផ្សាយ ត្រូវតែបានអនុវត្តយ៉ាងម៉ត់ចត់និងត្រឹមត្រូវតាមបទប្បញ្ញត្តិ ដោយមានការទទួលខុសត្រូវជាក់ស្តែងរបស់បុគ្គលនិងអង្គភាពពាក់ព័ន្ធនីមួយៗ។

ក្នុងបរិបទដែលសកម្មភាពភ្ជាប់ទំនាក់ទំនងបោះពុម្ពផ្សាយកាន់តែមានការអភិវឌ្ឍ តម្រូវការអំពីសមត្ថភាពនិងសីលធម៌វិជ្ជាជីវៈរបស់ក្រុមអ្នកធ្វើការងារបោះពុម្ពផ្សាយកាន់តែមានសារៈសំខាន់ខ្លាំងឡើង។ អ្នកធ្វើការងារបោះពុម្ពផ្សាយមិនត្រឹមតែត្រូវការកម្រិតវិជ្ជាជីវៈប៉ុណ្ណោះទេ ប៉ុន្តែថែមទាំងត្រូវមានជំហរនយោបាយរឹងមាំ ស្មារតីទទួលខុសត្រូវ សមត្ថភាពក្នុងការផ្ទៀងផ្ទាត់ព័ត៌មាននិងការសម្គាល់បណ្តាបញ្ហាដែលស្ដែងចេញនូវផលប៉ះពាល់អវិជ្ជមាន នៅពេលផលិតផលបោះពុម្ពផ្សាយត្រូវបានទម្លាក់ផ្សាយជូនសាធារណជន។

សារាចរលេខ 04-CT/TW ថ្ងៃទី ១៧ ខែមីនា ឆ្នាំ ២០២៦ របស់គណៈលេខាធិការស្តីពីការបង្កើនការដឹកនាំរបស់បក្សចំពោះសកម្មភាពបោះពុម្ពផ្សាយក្នុងបរិបទស្ថានភាពថ្មី ដាក់ចេញនូវតម្រូវការកសាងក្រុមមន្ត្រីដឹកនាំ អ្នកគ្រប់គ្រងនិងនិពន្ធនាយកបោះពុម្ពផ្សាយឱ្យមានជំហរនយោបាយរឹងមាំ សីលធម៌វិជ្ជាជីវៈបរិសុទ្ធនិងកម្រិតវិជ្ជាជីវៈខ្ពស់ ដើម្បីឆ្លើយតបនឹងតម្រូវការអភិវឌ្ឍន៍នៃវិស័យនេះ។

ជាមួយគ្នានេះដែរ សារាចរបានតម្រូវឱ្យបង្កើនការអធិការកិច្ច ការត្រួតពិនិត្យ និងចាត់វិធានការដោះស្រាយយ៉ាងម៉ឺងម៉ាត់ទាន់ពេលវេលាចំពោះបណ្តាអំពើបំពានសីលធម៌វិជ្ជាជីវៈនិងច្បាប់ស្តីពីការបោះពុម្ពផ្សាយ ព្រមទាំងលើកកម្ពស់ការទទួលខុសត្រូវរបស់ស្ថាប័នគ្រប់គ្រងផ្ទាល់ អ្នកដឹកនាំនិងបុគ្គលនីមួយៗដែលចូលរួមក្នុងសកម្មភាពបោះពុម្ពផ្សាយ។

តួនាទី «អ្នកយាមទ្វារ» របស់គ្រឹះស្ថានបោះពុម្ពផ្សាយ

សារាចរលេខ 04-CT/TW ថ្ងៃទី ១៧ ខែមីនា ឆ្នាំ ២០២៦ របស់គណៈលេខាធិការស្តីពីការបង្កើនការដឹកនាំរបស់បក្សចំពោះសកម្មភាពបោះពុម្ពផ្សាយក្នុងបរិបទស្ថានភាពថ្មីបានកំណត់ថា ការបោះពុម្ពផ្សាយគឺជាវិស័យសកម្មភាពសតិអារម្មណ៍ដ៏មុតស្រួចរបស់បក្ស រដ្ឋនិងប្រជាជន ដែលមានភារកិច្ចឃោសនា ផ្សព្វផ្សាយ កសាងនិងការពារគ្រឹះស្ថានសតិអារម្មណ៍របស់បក្ស គោលនយោបាយនិងច្បាប់របស់រដ្ឋ។

ជាមួយនឹងលក្ខណៈពិសេសនោះ ផលិតផលបោះពុម្ពផ្សាយគឺជាទំនិញដែលមានតម្លៃសេដ្ឋកិច្ចដែលរងផលប៉ះពាល់ពីច្បាប់ទីផ្សារផង និងអនុវត្តមុខងារសតិអារម្មណ៍និងវប្បធម៌ផង។ សាស្ត្រាចារ្យ បណ្ឌិត Dinh Xuan Dung អតីតអនុប្រធានទទួលបន្ទុកក្រុមប្រឹក្សាលទ្រឹស្តីនិងរិះគន់អក្សរសាស្ត្រសិល្បៈថ្នាក់មជ្ឈិម ធ្លាប់បានសង្កត់ធ្ងន់ថា នេះគឺជា «មុខងារទ្វេ» ដែលបង្កើតជាលក្ខណៈពិសេសនៃវិស័យបោះពុម្ពផ្សាយវៀតណាម។

ប្រការនេះក៏ដាក់ចេញនូវតម្រូវការពិសេសចំពោះតួនាទី «អ្នកយាមទ្វារ» របស់គ្រឹះស្ថានបោះពុម្ពផ្សាយផងដែរ។ បើតាមបទប្បញ្ញត្តិនាពេលបច្ចុប្បន្ន គ្រឹះស្ថានបោះពុម្ពផ្សាយរក្សាបាននូវតួនាទីយ៉ាងសំខាន់នៅក្នុងដំណាក់កាលត្រួតពិនិត្យជាមុន។ ចាប់តាំងពីការទទួល ការជ្រើសរើសសេចក្តីព្រាងអត្ថបទ ការកែសម្រួល ការវាយតម្លៃរហូតដល់ការសម្រេចបោះពុម្ពផ្សាយ គឺសុទ្ធតែត្រូវឆ្លងកាត់ដំណើរការត្រួតពិនិត្យមុនពេលផលិតផលបោះពុម្ពផ្សាយត្រូវបានទម្លាក់ផ្សាយជូនសាធារណជន។ នៅក្នុងនោះ និពន្ធនាយកចូលរួមត្រួតពិនិត្យខ្លឹមសារដោយផ្ទាល់ ចំណែកឯអ្នកដឹកនាំគ្រឹះស្ថានបោះពុម្ពផ្សាយទទួលខុសត្រូវក្នុងការសម្រេចចិត្តបោះពុម្ពផ្សាយ។ ហេតុដូច្នេះហើយ ការបណ្តោយឱ្យលេចធ្លាយនូវផលិតផលបោះពុម្ពផ្សាយដែលមានខ្លឹមសារបំពានច្បាប់ ភាន់ច្រឡំអំពីប្រវត្តិសាស្ត្រ វប្បធម៌ ឬបង្កផលប៉ះពាល់អវិជ្ជមានដល់សង្គម គឺដាក់ចេញនូវការទទួលខុសត្រូវជាបឋមចំពោះគ្រឹះស្ថានបោះពុម្ពផ្សាយនិងបុគ្គលពាក់ព័ន្ធនៅក្នុងដំណើរការនេះ។

សន្និបាតដាក់ឱ្យអនុវត្តសារាចររបស់គណៈលេខាធិការស្តីពីការបង្កើនការដឹកនាំរបស់បក្សចំពោះសកម្មភាពបោះពុម្ពផ្សាយក្នុងបរិបទស្ថានភាពថ្មី ព្រមទាំងប្រជុំប្រគល់ភារកិច្ចការងារបោះពុម្ពផ្សាយឆ្នាំ ២០២៦។

នៅក្នុងសន្និបាតដាក់ឱ្យអនុវត្តសារាចររបស់គណៈលេខាធិការនិងប្រជុំប្រគល់ភារកិច្ចការងារបោះពុម្ពផ្សាយឆ្នាំ ២០២៦ កម្រិតកំណត់នៅក្នុងការងារគ្រប់គ្រងខ្លឹមសារ ការកែសម្រួល ការវាយតម្លៃនិងការត្រួតពិនិត្យដំណើរការបោះពុម្ពផ្សាយ ត្រូវបានបន្តលើកយកមកពិភាក្សា។ បើតាមរបាយការណ៍របស់គ្រឹះស្ថានបោះពុម្ពផ្សាយចំនួន ៨ ក្នុងចំណោម ៩ បន្ទាប់ពីដំណើរការរៀបចំរចនាសម្ព័ន្ធក្បាលម៉ាស៊ីនឡើងវិញ បណ្តាអង្គភាពជាមូលដ្ឋានបានរក្សាសកម្មភាពទៅតាមមុខងារនិងភារកិច្ច ការផ្លាស់ប្តូរថ្មីវិធីសាស្ត្រគ្រប់គ្រងជាជំហានៗ ការអនុវត្តបច្ចេកវិទ្យាព័ត៌មាន ការផ្លាស់ប្តូរឌីជីថលនិងការផ្លាស់ប្តូរថ្មីវិធីសាស្ត្រទម្លាក់ផ្សាយ។ ទោះជាយ៉ាងណាក៏ដោយ ទន្ទឹមនឹងការលំបាកអំពីប្រភពសេចក្តីព្រាងអត្ថបទដែលមានគុណភាព ទីផ្សារទម្លាក់ផ្សាយនិងការអភិវឌ្ឍផលិតផលឌីជីថល ការងារត្រួតពិនិត្យខ្លឹមសារនៅតាមអង្គភាពមួយចំនួននៅតែមានកម្រិតកំណត់ដែលចាំបាច់ត្រូវតែធ្វើការកែទម្រង់។

ថ្លែងមតិនៅក្នុងសន្និបាត លោក Ngo Van Cuong អនុលេខានៃគណៈកម្មាធិការបក្សរណសិរ្សមាតុភូមិនិងបណ្តាអង្គការមហាជនថ្នាក់មជ្ឈិម បានស្នើឱ្យបង្កើនការដឹកនាំរបស់គណៈកម្មាធិការបក្សចំពោះសកម្មភាពបោះពុម្ពផ្សាយ នៅក្នុងនោះគណៈកម្មាធិការបក្សនិងអ្នកដឹកនាំត្រូវតែដឹកនាំ ចង្អុលបង្ហាញនិងអនុវត្តយ៉ាងម៉ឺងម៉ាត់នូវបណ្តាបទប្បញ្ញត្តិរបស់បក្សនិងច្បាប់របស់រដ្ឋដោយផ្ទាល់។ ការងារអធិការកិច្ចនិងការត្រួតពិនិត្យត្រូវតែយកចិត្តទុកដាក់និងម្ចាស់ការបង្ការទប់ស្កាត់ការបំពានចាប់តាំងពីដំណាក់កាលជ្រើសរើសប្រធានបទ ការកែសម្រួល ការវាយតម្លៃរហូតដល់ការភ្ជាប់ទំនាក់ទំនងបោះពុម្ពផ្សាយ។

តម្រូវការនេះកាន់តែមានសារៈសំខាន់នៅពេលដែលសកម្មភាពភ្ជាប់ទំនាក់ទំនងបោះពុម្ពផ្សាយកាន់តែមានការអភិវឌ្ឍ។ ការសហការជាមួយដៃគូភ្ជាប់ទំនាក់ទំនងមិនមែនមានន័យថាគ្រឹះស្ថានបោះពុម្ពផ្សាយអាចប្រគល់ការទទួលខុសត្រូវក្នុងការត្រួតពិនិត្យខ្លឹមសារនោះឡើយ។ ផ្ទុយទៅវិញ តួនាទី «អ្នកយាមទ្វារ» តម្រូវឱ្យគ្រឹះស្ថានបោះពុម្ពផ្សាយត្រូវតែធានាថាកម្មវិធីកែសម្រួលនិងការវាយតម្លៃត្រូវបានអនុវត្តជាលក្ខណៈជាក់ស្តែង ដោយមិនបណ្តោយឱ្យផលប្រយោជន៍សេដ្ឋកិច្ច ឬការពឹងផ្អែកលើដៃគូមកប៉ះពាល់ដល់គុណភាពនិងភាពត្រឹមត្រូវនៃផលិតផលបោះពុម្ពផ្សាយឡើយ។

ទន្ទឹមនឹងការទទួលខុសត្រូវក្នុងការត្រួតពិនិត្យជាមុនរបស់គ្រឹះស្ថានបោះពុម្ពផ្សាយ ស្ថាប័នគ្រប់គ្រងរដ្ឋអនុវត្តមុខងារគ្រប់គ្រង ការត្រួតពិនិត្យនិងការចាត់វិធានការដោះស្រាយបណ្តាផលិតផលបោះពុម្ពផ្សាយដែលបំពានទៅតាមបទប្បញ្ញត្តិ។ ទោះជាយ៉ាងណាក៏ដោយ ការបង្ការទប់ស្កាត់ការបំពានមិនអាចរំពឹងតែលើការរកឃើញ ការប្រមូលត្រឡប់មកវិញ ឬការចាត់វិធានការដោះស្រាយបន្ទាប់ពីផលិតផលបោះពុម្ពផ្សាយត្រូវបានទម្លាក់ផ្សាយរួចរាល់នោះឡើយ។ អ្វីដែលសំខាន់នោះគឺត្រូវតែទប់ស្កាត់ហានិភ័យចាប់តាំងពីខាងក្នុងនៃដំណើរការបោះពុម្ពផ្សាយមកម្ល៉េះ។

ហេតុដូច្នេះហើយ ដើម្បីឱ្យតួនាទី «អ្នកយាមទ្វារ» អាចពង្រីកប្រសិទ្ធភាពពិតប្រាកដ ការទទួលខុសត្រូវចាំបាច់ត្រូវតែបានកំណត់យ៉ាងច្បាស់លាស់នៅគ្រប់ដំណាក់កាលនិងបុគ្គលនីមួយៗ ចាប់តាំងពីនិពន្ធនាយករហូតដល់អ្នកដឹកនាំគ្រឹះស្ថានបោះពុម្ពផ្សាយនិងស្ថាប័នគ្រប់គ្រងផ្ទាល់។ អមដោយការលើកកម្ពស់សមត្ថភាពជំនាញ ជំហរនយោបាយនិងសីលធម៌វិជ្ជាជីវៈរបស់ក្រុមអ្នកធ្វើការងារបោះពុម្ពផ្សាយ ការរឹតបន្តឹងដំណើរការត្រួតពិនិត្យជាមុនគឺជាខ្សែត្រៀមបង្ការដំបូងគេ ក្នុងគោលបំណងរកឃើញនិងដោះស្រាយបណ្តាបញ្ហាអំពីខ្លឹមសារមុនពេលផលិតផលបោះពុម្ពផ្សាយធ្លាក់ដល់ដៃមិត្តអ្នកអាន។

វៀតណាម – ប្រេស៊ីល៖ បង្កើនកិច្ចសហប្រតិបត្តិការនៅក្នុងវិស័យថាមពលកកើតឡើងវិញ យុគសម័យ - នាថ្ងៃទី ១៦ ខែមិថុនា ឆ្នាំ ២០២៦ នៅរដ្ឋធានី Brasilia ស្ថានទូតវៀតណាមប្រចាំនៅប្រេស៊ីល បានរៀបចំប្រកបដោយជោគជ័យនូវសិក្ខាសាលាដែលមានប្រធានបទ «វៀតណាម-ប្រេស៊ីល ២០២៦៖ បង្កើនកិច្ចសហប្រតិបត្តិការនៅក្នុងវិស័យថាមពលកកើតឡើងវិញ»។

ដំណើរទស្សនកិច្ចរបស់រដ្ឋមន្ត្រីការបរទេស លោក Le Hoai Trung ក្នុងគោលបំណងបង្កើនទំនុកចិត្តខាងនយោបាយ ពង្រឹង និងធ្វើឱ្យកាន់តែស៊ីជម្រៅថែមទៀតនូវទំនាក់ទំនងវៀតណា យុគសម័យ - តបតាមការអញ្ជើញរបស់រដ្ឋមន្ត្រីការបរទេសនៃសាធារណរដ្ឋបូលីវ៉ារីវេណេស៊ុយអេឡា លោក Yván Gil Pinto រដ្ឋមន្ត្រីការបរទេសវៀតណាម លោក Le Hoai Trung នឹងអញ្ជើញទៅបំពេញទស្សនកិច្ចផ្លូវការនៅប្រទេសវេណេស៊ុយអេឡា ចាប់ពីថ្ងៃទី ២៣ ដល់ថ្ងៃទី ២៤ ខែមិថុនា។ ក្នុងឱកាសនេះ ឯកអគ្គរដ្ឋទូតវៀតណាមប្រចាំនៅប្រទេសវេណេស៊ុយអេឡា លោក Vu Trung My បានចែករំលែកជាមួយកាសែតពិភពលោក និងវៀតណាម អំពីបណ្តាអត្ថន័យចម្បងៗនៃដំណើរទស្សនកិច្ច ព្រមទាំងការរំពឹងទុកនៅក្នុងទំនាក់ទំនងរវាងប្រទេសទាំងពីរ។

ឌឹកអាញ់

thoidai.com.vn