វៀតណាម និងរុស្ស៊ីជំរុញកិច្ចសហប្រតិបត្តិការនៅវេទិកាអង្គការសហប្រជាជាតិ

កម្ពុជាលើកឡើងគំនិតផ្តួចផ្តើមស្តីពីកិច្ចសហប្រតិបត្តិការរវាងគណបក្សនយោបាយអាស៊ាន និងរុស្ស៊ី

ប្រមុខការទូតកម្ពុជា នឹងចូលរួមកិច្ចប្រជុំពិសេសរវាងរដ្ឋមន្ត្រីការបរទេសអាស៊ាន និងរុស្ស៊ី ស្ដីពីជម្ងឺឆ្លងកូវីដ-១៩ តាមរយៈប្រព័ន្ធវីដេអូអនឡាញ

អនុរដ្ឋមន្ត្រីការបរទេស Dang Hoang Giang បានទទួលជួបឯកអគ្គរដ្ឋទូតរុស្ស៊ី Gennady S. Bezdetko

ភាគីទាំងពីរបានសម្តែងនូវក្តីរីករាយចំពោះការអភិវឌ្ឍន៍ប្រកបដោយជោគជ័យនៃភាពជាដៃគូយុទ្ធសាស្ត្រគ្រប់ជ្រុងជ្រោយរវាងប្រទេសទាំងពីរក្នុងទិដ្ឋភាពជាច្រើន ដែលបានបង្ហាញយ៉ាងច្បាស់តាមរយៈដំណើរទស្សនកិច្ចជាផ្លូវការនៅសហព័ន្ធរុស្ស៊ីរបស់ ប្រធានរដ្ឋ Nguyen Xuan Phuc កាលពីពេលថ្មីៗនេះ។

ក្នុងជំនួបនោះ ភាគីទាំងពីរ បានវាយតម្លៃខ្ពស់ចំពោះកិច្ចសហប្រតិបត្តិការយ៉ាងស្អិតរមួត ប្រកបដោយប្រសិទ្ធភាព និងសុច្ឆន្ទៈរវាងប្រទេសទាំងពីរនៅវេទិកាពហុភាគី ជាពិសេសអង្គការសហប្រជាជាតិ។ លោកបានកត់សម្គាល់ថា ភាគីទាំងពីរតែងតែចែករំលែក និងសម្របសម្រួលគោលជំហររបស់ខ្លួនលើបញ្ហាតំបន់ និងសកលលោកជាច្រើន ក្នុងស្មារតីបើកចំហ តម្លាភាព និងទំនុកចិត្តគ្នាទៅវិញទៅមក រួមចំណែកយ៉ាងសកម្មក្នុងការនាំទំនាក់ទំនងទ្វេភាគីទៅកាន់ទិសដៅដ៏ស៊ីជម្រៅ។

អនុរដ្ឋមន្ត្រី Dang Hoang Giang បានវាយតម្លៃខ្ពស់ចំពោះកិច្ចសហប្រតិបត្តិការរវាងប្រទេសទាំងពីរនៅវេទិកាពហុភាគី ជាពិសេសនៅក្រុមប្រឹក្សាសន្តិសុខអង្គការសហប្រជាជាតិ រួមចំណែកជួយវៀតណាមបញ្ចប់អាណត្តិជាសមាជិកមិនអចិន្ត្រៃយ៍នៃក្រុមប្រឹក្សាសន្តិសុខអង្គការសហប្រជាជាតិប្រកបដោយជោគជ័យ។ ឆ្នាំ

លោកអនុរដ្ឋមន្ត្រីបានស្នើឱ្យភាគីទាំងពីរបន្តស្មារតីរួមវិភាគទានក្នុងការដោះស្រាយរាល់កង្វល់រួមរបស់សហគមន៍អន្តរជាតិ ជាពិសេសក្នុងវិស័យសន្តិភាព និងសន្តិសុខអន្តរជាតិ ព្រមទាំងជំរុញការអនុវត្តរដ្ឋធម្មនុញ្ញ និងគោលការណ៍របស់អង្គការសហប្រជាជាតិ។

ចែករំលែកមតិរបស់អនុរដ្ឋមន្ត្រី Dang Hoang Giang ឯកអគ្គរដ្ឋទូតរុស្ស៊ីបានវាយតម្លៃខ្ពស់ចំពោះភាពស្រដៀងគ្នាក្នុងទស្សនៈ និងគោលនយោបាយនៃប្រទេសទាំងពីរ ក៏ដូចជាការជឿទុកចិត្ត ស្មោះត្រង់ និងតម្លាភាពរវាងភាគីទាំងពីរនៅពេលពិភាក្សាអំពីបញ្ហាសិទ្ធិមនុស្ស និងបញ្ហាសំខាន់ៗផ្សេងទៀតក្នុង ប្រព័ន្ធអង្គការសហប្រជាជាតិ។

ក្នុងឱកាសនេះ ភាគីរុស្ស៊ីបានថ្លែងអំណរគុណវៀតណាមចំពោះការគាំទ្រនូវគំនិតផ្តួចផ្តើមរបស់រុស្ស៊ីជាច្រើននៅវេទិកាពហុភាគី; បានស្វាគមន៍ចំពោះការបន្តរក្សាការផ្លាស់ប្តូរ និងការសន្ទនារបស់ភាគីទាំងពីរនៅគ្រប់កម្រិត រួមទាំងការពិគ្រោះយោបល់ប្រចាំឆ្នាំរវាងក្រសួងការបរទេសទាំងពីរស្តីពីកិច្ចសហប្រតិបត្តិការនៅអង្គការសហប្រជាជាតិ និងស្តីពីកិច្ចសហប្រតិបត្តិការលើបញ្ហាសិទ្ធិមនុស្ស។

ភាគីទាំងពីរក៏បានឯកភាពបន្តការផ្លាស់ប្តូរ និងកិច្ចសន្ទនាដើម្បីបង្កើនការយោគយល់គ្នាទៅវិញទៅ មកលើបញ្ហាដែលមានការយកចិត្តទុកដាក់ទៅវិញទៅមក និងកិច្ចសហប្រតិបត្តិការលើវិស័យឯកទេសផ្សេងៗទៀត៕

ហេង វុធ្ធី

baoquocte