យុគសម័យ - នៅថ្ងៃទី ២០ ខែសីហា មន្ទីរទេសចរណ៍ទីក្រុង Ho Chi Minh បានរៀបចំវគ្គបណ្តុះបណ្តាលដំបូងនៅក្នុងខ្សែសង្វាក់នៃកម្មវិធីបណ្តុះបណ្តាលចំនួន ៣ ស្តីពីការគ្រប់គ្រង ប្រតិបត្តិការ និងការអភិវឌ្ឍសេវាកម្មសណ្ឋាគារតាមស្តង់ដារបៃតង និងនិន្នាការសមាហរណកម្មឆ្នាំ ២០២៦។ សកម្មភាពនេះប្រព្រឹត្តទៅក្នុងបរិបទដែលចំនួនភ្ញៀវទេសចរ និងចំណូលពីវិស័យទេសចរណ៍កើនឡើងយ៉ាងខ្លាំងក្លា ដោយបានដាក់ចេញនូវតម្រូវការឱ្យបណ្តាគ្រឹះស្ថានស្នាក់នៅ ទាំងលើកកម្ពស់ស្តង់ដារបម្រើសេវាកម្ម ទាំងសន្សំសំចៃធនធាន និងអភិវឌ្ឍតាមទិសដៅប្រកបដោយចីរភាព។
| ជំរុញល្បឿននៃការស្វែងរក និងប្រមូលផ្តុំអដ្ឋិធាតុយុទ្ធជនពលីនៅសួនច្បារ Le Thi Rieng ក្រសួងការពារប្រទេសជំរុញខ្លាំងការអនុវត្ត AI ក្នុងការគ្រប់គ្រង បញ្ជា និងធានាសុវត្ថិភាពព័ត៌មាន |
សិក្ខាកាមជិត ២០០ នាក់ ដែលមកពីបណ្តាសណ្ឋាគារ និងគ្រឹះស្ថានស្នាក់នៅនានានៅក្នុងភូមិសាស្ត្រ បានចូលរួមប្រធានបទដំបូងស្តីពីការអនុវត្តជាក់ស្តែងនូវស្តង់ដារបៃតង និង ESG ក្នុងការគ្រប់គ្រង។
យោងតាមលោក Le Truong Hien Hoa អនុប្រធានមន្ទីរទេសចរណ៍ទីក្រុង Ho Chi Minh ESG មិនគួរត្រូវបានមើលឃើញត្រឹមតែជាសំណុំលក្ខណៈវិនិច្ឆ័យបម្រើឱ្យការទទួលបានវិញ្ញាបនបត្រនោះឡើយ។ អ្វីដែលសំខាន់ជាងនេះ គឺការប្រែក្លាយបណ្តាគោលការណ៍ស្តីពីបរិស្ថាន សង្គម និងអភិបាលកិច្ច ទៅជាដំណោះស្រាយជាក់ស្តែងនៅក្នុងសកម្មភាពគ្រប់គ្រង និងប្រតិបត្តិការប្រចាំថ្ងៃ។
នៅពេលត្រូវបានអនុវត្តយ៉ាងមានប្រសិទ្ធភាព ESG អាចជួយគ្រឹះស្ថានស្នាក់នៅទាំងកាត់បន្ថយផលប៉ះពាល់ដល់បរិស្ថាន ទាំងសន្សំសំចៃការចំណាយ លើកកម្ពស់គុណភាពសេវាកម្ម ពង្រឹងម៉ាកសញ្ញា និងបង្កើតប្រៀបខ្លាំងប្រកួតប្រជែងយូរអង្វែង។
«ធ្វើបៃតងកម្ម» ចាប់ពីការផ្លាស់ប្តូរនានានៅក្នុងប្រតិបត្តិការ
ខ្លឹមសារបណ្តុះបណ្តាលបានផ្តោតលើបណ្តាដំណោះស្រាយដែលអាចអនុវត្តដោយផ្ទាល់នៅគ្រឹះស្ថានស្នាក់នៅ ដូចជាការសន្សំសំចៃថាមពល ទឹក និងធនធាន ការកាត់បន្ថយកាកសំណល់ ការកម្រិតការប្រើប្រាស់ប្លាស្ទិកប្រើម្តងបោះចោល និងការដាក់បញ្ចូលគោលការណ៍ ESG ទៅក្នុងសកម្មភាពអភិបាលកិច្ច។
 |
| តំណាងបណ្តាសណ្ឋាគារ គ្រឹះស្ថានស្នាក់នៅ ចូលរួមវគ្គបណ្តុះបណ្តាលស្តីពីស្តង់ដារបៃតង និង ESG នៅទីក្រុង Ho Chi Minh នាថ្ងៃទី ២០ ខែសីហា។ |
ដំណើរការធ្វើបរិវត្តកម្មបៃតងអាចចាប់ផ្តើមពីការផ្លាស់ប្តូរដែលសាមញ្ញសមស្របនៅក្នុងប្រតិបត្តិការ។
បណ្តាសណ្ឋាគារអាចលើកទឹកចិត្តភ្ញៀវឱ្យបោកគក់ផ្លាស់ប្តូរកន្សែង និងស្រោមពូកលុះត្រាតែមានការចាំបាច់ ផ្គត់ផ្គង់សម្ភារប្រើប្រាស់ផ្ទាល់ខ្លួនតាមតម្រូវការជំនួសឱ្យការដាក់ជាប្រចាំ ប្រើប្រាស់ដបដែលអាចប្រើប្រាស់ឡើងវិញបាន កម្រិតផលិតផលប្លាស្ទិកប្រើម្តងបោះចោល និងកាត់បន្ថយការខ្ជះខ្ជាយអាហារនៅភោជនីយដ្ឋាន។
ទន្ទឹមនឹងនោះ ការកែលម្អប្រព័ន្ធម៉ាស៊ីនត្រជាក់ឱ្យដំណើរការប្រសើរបំផុត ការកែសម្រួលលំហូរទឹក ការគ្រប់គ្រងកាកសំណល់នៅតំបន់ផ្ទះបាយ ការអនុវត្តប្រព័ន្ធគ្រប់គ្រងអគារ និងឧបករណ៍វាស់វែងឆ្លាតវៃ អាចជួយគ្រឹះស្ថានស្នាក់នៅកំណត់អត្តសញ្ញាណប្រភពនៃការប្រើប្រាស់ខ្ជះខ្ជាយដែលមិនចាំបាច់ ដើម្បីមានវិធានការកាត់បន្ថយប្រកបដោយភាពសមស្រប។
យោងតាមអ្នកជំនាញ និងសហគ្រាសនានាដែលបានចូលរួមក្នុងកម្មវិធី ការអភិវឌ្ឍប្រកបដោយចីរភាពកំពុងក្លាយជាកត្តាមួយក្នុងចំណោមកត្តាទាំងឡាយដែលជះឥទ្ធិពលដល់ការសម្រេចចិត្តជ្រើសរើសកន្លែងស្នាក់នៅរបស់ភ្ញៀវទេសចរជាបណ្តើរៗ។
អាស្រ័យហេតុនេះ បណ្តាសណ្ឋាគារមិនអាចត្រឹមតែឈប់នៅការផ្សព្វផ្សាយរូបភាព “បៃតង” ប៉ុណ្ណោះទេ ប៉ុន្តែចាំបាច់ត្រូវស្តែងចេញតាមរយៈការផ្លាស់ប្តូរជាក់ស្តែងនានានៅក្នុងសកម្មភាពប្រចាំថ្ងៃ។
ការសន្សំសំចៃថាមពល ការកាត់បន្ថយកាកសំណល់ ឬការប្រើប្រាស់ផលិតផលដែលជាមិត្តនឹងបរិស្ថាន ទាំងឆ្លើយតបបានតាមការរំពឹងទុកកាន់តែខ្ពស់របស់អតិថិជន ទាំងអាចនាំមកនូវប្រសិទ្ធភាពសេដ្ឋកិច្ចសម្រាប់សហគ្រាស។
កំណើនទេសចរណ៍បង្កើតបន្ថែមនូវសម្ពាធលើកកម្ពស់ស្តង់ដារ
តម្រូវការធ្វើបរិវត្តកម្មកាន់តែមានភាពច្បាស់ក្រឡែតឡើង នៅពេលដែលទីផ្សារទេសចរណ៍ទីក្រុង Ho Chi Minh កំពុងមានកំណើនយ៉ាងខ្លាំងក្លា។
ក្នុងរយៈពេល ៧ ខែដើមឆ្នាំ ២០២៦ ទីក្រុងបានទទួលភ្ញៀវទេសចរអន្តរជាតិជាង ៧,១ លានលើកនាក់ និងភ្ញៀវទេសចរក្នុងស្រុកជិត ៣១,៧ លានលើកនាក់។ ចំណូលសរុបពីវិស័យទេសចរណ៍ប៉ាន់ស្មានសម្រេចបានជាង ២៣៧ ០០០ ប៊ីលានដុង កើនឡើង ៥៥,៣% បើធៀបនឹងរយៈពេលដូចគ្នាក្នុងឆ្នាំ ២០២៥។
ចំណូលពីសេវាកម្មស្នាក់នៅ និងហូបចុកសម្រេចបានជាង ១៣៩ ០០០ ប៊ីលានដុង កើនឡើង ១៣,៧% ដោយឡែកវិស័យស្នាក់នៅកើនឡើង ១២%។
សន្ទុះកំណើននៃបរិមាណភ្ញៀវ និងចំណូល បានបើកចេញនូវកាលានុវត្តភាពសម្រាប់វិស័យសណ្ឋាគារ ប៉ុន្តែទន្ទឹមនឹងនោះក៏បង្កើតបន្ថែមនូវសម្ពាធលើសមត្ថភាពប្រកួតប្រជែងផងដែរ។
 |
| ទីក្រុង Ho Chi Minh ជំរុញការអនុវត្តស្តង់ដារបៃតង និង ESG នៅក្នុងសណ្ឋាគារ។ |
បណ្តាគ្រឹះស្ថានស្នាក់នៅនាពេលបច្ចុប្បន្ន មិនត្រឹមតែប្រកួតប្រជែងតាមរយៈទីតាំង ភាពងាយស្រួល ឬតម្លៃបន្ទប់ប៉ុណ្ណោះទេ ប៉ុន្តែថែមទាំងកាន់តែត្រូវយកចិត្តទុកដាក់លើប្រសិទ្ធភាពនៃការប្រើប្រាស់ថាមពល ការសន្សំសំចៃទឹក ការកាត់បន្ថយកាកសំណល់ ការកម្រិតប្លាស្ទិកប្រើម្តងបោះចោល ព្រមទាំងការទទួលខុសត្រូវចំពោះពលករ និងសហគមន៍ផងដែរ។
ទន្ទឹមនឹងតម្រូវការធ្វើបៃតងកម្ម ធនធានមនុស្សគឺជាកត្តាគន្លឹះមួយ។ នៅពេលដែលចំនួនភ្ញៀវទេសចរអន្តរជាតិកើនឡើងយ៉ាងឆាប់រហ័ស បុគ្គលិកសណ្ឋាគារត្រូវតែមានសមត្ថភាពបម្រើក្រុមភ្ញៀវផ្សេងៗគ្នាទាំងផ្នែកវប្បធម៌ អាកប្បកិរិយា ភាសា និងការរំពឹងទុក។
ហេតុដូច្នេះហើយ ជំនាញនានាដូចជាការប្រាស្រ័យទាក់ទងអន្តរវប្បធម៌ ការគ្រប់គ្រងបទពិសោធន៍អតិថិជន និងការដោះស្រាយស្ថានការណ៍ កាន់តែបានក្លាយជាតម្រូវការដ៏សំខាន់សម្រាប់កម្លាំងពលកម្មនៅក្នុងវិស័យស្នាក់នៅ។
បន្ទាប់ពីកម្មវិធីស្តីពី ESG មន្ទីរទេសចរណ៍ទីក្រុង Ho Chi Minh គ្រោងនឹងបន្តរៀបចំវគ្គបណ្តុះបណ្តាលនានាស្តីពីការគ្រប់គ្រងបទពិសោធន៍អតិថិជន ការប្រាស្រ័យទាក់ទងអន្តរវប្បធម៌ ការដោះស្រាយស្ថានការណ៍ និងប្រតិបត្តិការ ផ្គត់ផ្គង់សេវាកម្មសណ្ឋាគារផ្សារភ្ជាប់ជាមួយស្តង់ដារបៃតង។
ដោយសារល្បឿនកំណើននៃទីផ្សារ វិស័យសណ្ឋាគារទីក្រុង Ho Chi Minh កំពុងឈរនៅចំពោះមុខតម្រូវការធ្វើបរិវត្តកម្មលើពីរទិដ្ឋភាព៖ លើកកម្ពស់គុណភាពសេវាកម្មដើម្បីឆ្លើយតបនឹងចំនួនភ្ញៀវទេសចរអន្តរជាតិកាន់តែច្រើនឡើង និងធ្វើបៃតងកម្មសកម្មភាពនានាសំដៅសម្របខ្លួនទៅនឹងនិន្នាការអភិវឌ្ឍន៍ប្រកបដោយចីរភាព។
នៅពេលដែលស្តង់ដារបៃតងត្រូវបានបញ្ចូលទៅក្នុងអភិបាលកិច្ចជំនួសឱ្យការត្រឹមតែឈប់នៅការទទួលបានវិញ្ញាបនបត្រ នេះមិនត្រឹមតែជាតម្រូវការផ្នែកបរិស្ថានប៉ុណ្ណោះទេ ប៉ុន្តែថែមទាំងអាចក្លាយជាយុទ្ធសាស្ត្រធុរកិច្ច ជួយឱ្យគ្រឹះស្ថានស្នាក់នៅសន្សំសំចៃការចំណាយ លើកកម្ពស់បទពិសោធន៍អតិថិជន និងបង្កើនភាពប្រកួតប្រជែងនៃគោលដៅទេសចរណ៍ទីក្រុង Ho Chi Minh នៅលើទីផ្សារអន្តរជាតិ៕
 បរិយាកាសបោះឆ្នោតដ៏អ៊ូអរកំពុងគ្របដណ្ដប់នៅក្នុងសង្កាត់ជាច្រើននៅទីក្រុងហាណូយ យុគសម័យ - នៅព្រឹកថ្ងៃទី១៥ ខែមីនា អ្នកបោះឆ្នោតនៅការិយាល័យបោះឆ្នោតលេខ២៥ សង្កាត់ហ័នគៀម និងការិយាល័យបោះឆ្នោតលេខ១ សង្កាត់វិញហ៊ុង (ហាណូយ) បានបោះឆ្នោតជ្រើសរើសតំណាងរាស្ត្រនីតិកាលទី១៦ និងក្រុមប្រឹក្សាប្រជាជនសម្រាប់អាណត្តិ២០២៦-២០៣១។ |
 វៀតណាម - ឥណ្ឌា ជំរុញសហប្រតិបត្តិការអភិវឌ្ឍន៍ប្រភពធនធានមនុស្ស វិទ្យាសាស្ត្រ បច្ចេកវិទ្យា នវានុវត្តន៍ និងបរិវត្តកម្មឌីជីថល យុគសម័យ - យោងតាមបេសកជនពិសេសរបស់ទីភ្នាក់ងារសារព័ត៌មានវៀតណាម ក្នុងក្របខ័ណ្ឌនៃដំណើរទស្សនកិច្ចផ្លូវរដ្ឋនៅសាធារណរដ្ឋឥណ្ឌា នារសៀលថ្ងៃទី ០៦ ខែឧសភា (ម៉ោងក្នុងតំបន់) នៅរដ្ឋធានីញូវដេលី ក្រសួងវិទ្យាសាស្ត្រ និងបច្ចេកវិទ្យាវៀតណាម បានសម្របសម្រួលជាមួយក្រសួងអេឡិចត្រូនិច និងបច្ចេកវិទ្យាព័ត៌មានឥណ្ឌា រៀបចំ “វេទិកានវានុវត្តន៍វៀតណាម - ឥណ្ឌា” ក្រោមប្រធានបទ៖ “សហប្រតិបត្តិការអភិវឌ្ឍន៍ប្រភពធនធានមនុស្ស វិទ្យាសាស្ត្រ បច្ចេកវិទ្យា នវានុវត្តន៍ និងបរិវត្តកម្មឌីជីថល”។ អគ្គលេខាបក្ស និងជាប្រធានរដ្ឋ លោក To Lam បានអញ្ជើញចូលរួម និងមានប្រសាសន៍ដឹកនាំនៅក្នុងវេទិកានេះ។ |
មតិពីមិត្តអ្នកអាន