យុគសម័យ - នៅព្រឹកថ្ងៃទី ២១ ខែសីហាលោកស្រី Le Thi Nguyet អនុប្រធានមន្ទីរកិច្ចការបរទេសនៃខេត្ត Khanh Hoa បានឲ្យដឹងថាលោកស្រីទើបតែបញ្ចប់ការប្រគល់អំណោយដល់ជនជាតិរុស្ស៊ីដែលរស់នៅទីក្រុងញ៉ាត្រាងដែលកំពុងជួបការលំបាកដោយសារស្ថានភាពនៃការរីករាលដាលនៃជំងឺកូវីដ-១៩ ។
 កំពុងផែ Nha Rong និងសារមន្ទីរហូជីមិញ - កន្លែងចារឹកជីវិត និងបុព្វហេតុរបស់លោកប្រធានហូជីមិញ |
 សម្រស់វាលស្រែអំបិល Hon Khoi នៅជិតទីក្រុង Nha Trang |
 |
| ពិធីផ្តល់ជំនួយឧបត្ថម្ភដល់ជនជាតិរុស្ស៊ីនៅញ៉ាត្រាង (Nha Trang) ដែលជួបការលំបាកដោយសារកូវីដ-១៩ |
មន្ទីរកិច្ចការបរទេសបានសម្របសម្រួលជាមួយសហភាពអង្គការមិត្តភាព សហភាពយុវជនខេត្តនិងនគរបាលខេត្តខាញ់ហ័រ ៊(Khanh Hoa) ដើម្បីផ្តល់អំណោយ ១៥០កញ្ចប់ដល់ពលរដ្ឋរុស្ស៊ីនៅតាមឃុំ/សង្កាត់។
អំណោយដែលបានផ្តល់ជូនរួមមានអង្ករមីកញ្ចប់ ប្រេងឆា ត្រីកំប៉ុង ពងមាន់ ... ដែលឧបត្ថម្ភដោយមជ្ឈមណ្ឌលជួយសង្គ្រោះខេត្តខាញ់ហ័រ រួមទាំងអង្គការនិងសប្បុរសជនមួយចំនួន។ គណៈប្រតិភូបានចុះទៅដល់តំបន់នីមួយៗដែលមានជនជាតិរុស្ស៊ីរស់នៅដើម្បីផ្តល់អំណោយ។
លោកឌូហ្គីនដេនីស (Dugin Denis) សញ្ជាតិរុស្ស៊ីដែលរស់នៅផ្លូវ Pho Duc Chinh (សង្កាត់ Vinh Hai) បានឲ្យដឹងថា “ខ្ញុំមានអារម្មណ៍រំជើបរំជួលខ្លាំងណាស់ដែលអ្នកបានផ្តល់អំណោយដ៏មានអត្ថន័យដល់យើងខ្ញុំជួយយើងខ្ញុំកាត់បន្ថយការលំបាកព្រមទាំងមានអារម្មណួទទួលបាននូវការយកចិត្តទុកដាក់យ៉ាងខ្លាំងពីប្រទេសមិត្តតែម្តង” ។
តាមលោកស្រីង៉្វៀត មានពលរដ្ឋរុស្ស៊ីចំនួន ៧៨០ នាក់កំពុងរស់នៅសិក្សានិងធ្វើការនៅខេត្តខាញ់ហ័រ ជាពិសេសនៅទីក្រុងញ៉ាត្រាង។ សម្រាប់ពលរដ្ឋរុស្ស៊ីដែលត្រូវការវិលត្រឡប់ទៅមាតុប្រទេសវិញសមាគមមិត្តភាពវៀតណាម - រុស្ស៊ីនិងក្រសួងការបរទេសខាញ់ហូបានទាក់ទងជើងហោះហើរជួយសង្គ្រោះដើម្បីនាំពួកគេបានវិលត្រឡប់ទៅផ្ទះវិញ។ ប៉ុន្តែពលរដ្ឋរុស្ស៊ីភាគច្រើនដែលស្នាក់នៅទីនេះចាត់ទុកញ៉ាត្រាងជាស្រុកកំណើតទី ២ របស់ពួកគេដោយនាំគ្រួសារទាំងមូលរបស់ពួកគេមកទីនេះដើម្បីធ្វើអាជីវកម្មនិងរស់នៅទីនេះផងដែរ៕
tuoitre.vn
មតិពីមិត្តអ្នកអាន