ឱកាសជួបជាមួយអ្នកនិពន្ធអឺរ៉ុបសហសម័យជាច្រើនរូប ក្នុងកម្មវិធី “ទិវាអក្សរសាស្ត្រអឺរ៉ុប ២០២៦” នៅវៀតណាម

យោងតាមព័ត៌មានពីវិទ្យាស្ថាន Goethe កម្មវិធីនេះនឹងប្រព្រឹត្តទៅចាប់ពីថ្ងៃទី ០៦ ដល់ថ្ងៃទី ១៧ ខែឧសភា នៅទីក្រុងហាណូយ ហ្វេ និងទីក្រុងហូជីមិញ ដែលរៀបចំឡើងដោយ EUNIC វៀតណាម ដែលជាបណ្តាញនៃបណ្តាវិទ្យាស្ថានវប្បធម៌ជាតិចំណុះសហភាពអឺរ៉ុបប្រចាំនៅវៀតណាម។ នេះគឺជាសកម្មភាពផ្លាស់ប្តូរវប្បធម៌ប្រចាំឆ្នាំ ដែលត្រូវបានផ្តួចផ្តើមឡើងតាំងពីឆ្នាំ ២០១១ សំដៅជំរុញការសន្ទនាផ្នែកអក្សរសាស្ត្រ និងបង្កើនការយល់ដឹងរវាងវៀតណាម ជាមួយនឹងបណ្តាប្រទេសអឺរ៉ុប។

ទិដ្ឋភាពទូទៅនៃសន្និសីទសារព័ត៌មាន "ទិវាអក្សរសាស្ត្រអឺរ៉ុបឆ្នាំ ២០២៦"

ថ្លែងមតិក្នុងសន្និសីទសារព័ត៌មានប្រកាសកម្មវិធី កាលពីថ្ងៃទី ០៦ ខែឧសភា នៅវិទ្យាស្ថាន Goethe ទីក្រុងហាណូយ លោក Oliver Brandt នាយកវិទ្យាស្ថាន Goethe ទីក្រុងហាណូយ បានឱ្យដឹងថា ប្រធានបទឆ្នាំនេះឆ្លុះបញ្ចាំងពីសភាពការណ៍លក្ខណៈនៃជីវិតសម័យទំនើប នៅពេលដែលមនុស្សកាន់តែប្រឈមមុខនឹងអារម្មណ៍ឯកោក្នុងបរិបទនៃបច្ចេកវិទ្យាដែលរីកចម្រើនយ៉ាងឆាប់រហ័ស ភាពខុសគ្នារវាងជំនាន់ និងវប្បធម៌កាន់តែច្បាស់ឡើង។ តាមលោក នាយកវិទ្យាស្ថាន អក្សរសាស្ត្រអាចក្លាយជាស្ពានតភ្ជាប់ជួយឱ្យមនុស្សស្វែងរកការយល់ចិត្ត និងការតភ្ជាប់នៅក្នុងពិភពលោកដែលមានបម្រែបម្រួលជាច្រើន។

ក្នុងក្របខ័ណ្ឌនៃមហោស្រពនេះ សាធារណជនវៀតណាមនឹងមានឱកាសជួបជាមួយអ្នកនិពន្ធអឺរ៉ុបសហសម័យល្បីៗជាច្រើនរូប ដូចជា Sasha Marianna Salzmann, Miku Sophie Kühmel, Rebecca Watson, Peter Simon Altmann និង Thibault Clemenceau។ បណ្តាអ្នកនិពន្ធនាំមកនូវទស្សនៈខុសៗគ្នាអំពីអត្តសញ្ញាណ, ប្រវត្តិសាស្ត្រ, ការផ្លាស់ទីលំនៅ, ផ្ទៃក្នុងរបស់មនុស្ស និងទម្រង់នៃការបញ្ចេញមតិថ្មីៗនៅក្នុងអក្សរសាស្ត្រ។

គណៈកម្មការរៀបចំបានឱ្យដឹងថា កម្មវិធីឆ្នាំនេះរួមមានអង្គពិភាក្សាសរុបចំនួន ៤, សិក្ខាសាលា (Workshop) តែងនិពន្ធប្រកបដោយភាពច្នៃប្រឌិត, សិក្ខាសាលាសរសេរអត្ថបទសម្រាប់ឆាកសិល្បៈ, សកម្មភាពដាក់តាំងបង្ហាញសៀវភៅ និងទម្រង់នៃអន្តរកម្មថ្មីៗជាច្រើនទៀត។ ចំណុចលេចធ្លោមួយដែលគួរឱ្យកត់សម្គាល់ គឺសកម្មភាពដើរកម្សាន្ត និងអានអត្ថបទអក្សរសាស្ត្រនាពេលរាត្រីនៅទីក្រុងហាណូយ ដែលនាំយកអក្សរសាស្ត្រចេញពីលំហប្រពៃណី ដើម្បីផ្សារភ្ជាប់ជាមួយនឹងជីវិតទីក្រុង និងបទពិសោធន៍របស់សាធារណជន។

ក្រៅពីសកម្មភាពផ្លាស់ប្តូរអក្សរសាស្ត្រ កម្មវិធីឆ្នាំនេះក៏ត្រូវបានកត់សម្គាល់ដោយបណ្តាគម្រោងសហប្រតិបត្តិការអន្តរជាតិផងដែរ។ យោងតាមសារព័ត៌មាន VietnamPlus មជ្ឈមណ្ឌលឆែក ទីក្រុងហាណូយ នឹងប្រគល់ម៉ាស៊ីនចាក់តន្ត្រី និងសូត្រកំណាព្យស្វ័យប្រវត្តិក្រៅផ្ទះ Poesiomat ជូនដល់លំហច្នៃប្រឌិត Complex 01 នៅទីក្រុងហាណូយ នាថ្ងៃទី ១២ ខែឧសភា។ នេះជាលើកដំបូងហើយដែលគម្រោងសិល្បៈសាធារណៈនេះ បង្ហាញខ្លួននៅតំបន់អាស៊ីអាគ្នេយ៍។

គណៈកម្មការរៀបចំបានវាយតម្លៃថា "ទិវាអក្សរសាស្ត្រអឺរ៉ុប ២០២៦" មិនត្រឹមតែជាឱកាសណែនាំអក្សរសាស្ត្រអឺរ៉ុបសហសម័យជូនដល់អ្នកអានវៀតណាមប៉ុណ្ណោះទេ ប៉ុន្តែថែមទាំងរួមចំណែកជំរុញការសន្ទនាវប្បធម៌ លើកទឹកចិត្តដល់ស្មារតីនៃការចែករំលែក និងបង្កើនការតភ្ជាប់រវាងបណ្តាសហគមន៍តាមរយៈអក្សរសាស្ត្រ។ ក្នុងបរិបទដែលប្រទេសជាច្រើនយកចិត្តទុកដាក់លើការអភិវឌ្ឍឧស្សាហកម្មវប្បធម៌ និងពង្រីកការផ្លាស់ប្តូរអន្តរជាតិ បណ្តាសកម្មភាពបែបនេះបន្តបង្ហាញឱ្យឃើញពីតួនាទីរបស់អក្សរសាស្ត្រ ក្នុងការបង្កើតលំហសន្ទនា និងការយល់ដឹងពីគ្នាទៅវិញទៅមករវាងបណ្តាវប្បធម៌៕

និន្នាការទេសចរណ៍ពិភពលោកឆ្នាំ ២០២៦៖ Mui Ne របស់ វៀតណាម ក្លាយជាចំណុចដៅដែលមិនអាចរំលងបាន យុគសម័យ - តំបន់ Mui Ne របស់ប្រទេស វៀតណាម កំពុងលេចធ្លោឡើងជាចំណុចដៅមួយក្នុងចំណោមចំណុចដៅដែលគួរឱ្យកត់សម្គាល់បំផុតនៅលើសកលលោកក្នុងឆ្នាំ ២០២៦ នៅពេលដែលនិន្នាការទេសចរណ៍អន្តរជាតិ កាន់តែឆ្ពោះទៅរកបទពិសោធន៍ប្លែកៗ ធម្មជាតិដើម និងបណ្តាចំណុចដៅតំបន់ឆ្នេរដែលកំពុងលេចធ្លោថ្មីៗ នេះបើតាមការចុះផ្សាយរបស់ទស្សនាវដ្តីអាមេរិក Travel and Tour World (TTW) ដែលមានទីស្នាក់ការនៅសហរដ្ឋអាមេរិក។

ពិព័រណ៍ទេសចរណ៍អន្តរជាតិឆ្នាំ ២០២៦៖ ខ្សែទស្សនកិច្ច និងផលិតផលទេសចរណ៍បញ្ចុះតម្លៃជាង ១៥.០០០ សម្រាប់ភ្ញៀវទេសចរ យុគសម័យ - ពិព័រណ៍ទេសចរណ៍អន្តរជាតិឆ្នាំ ២០២៦ បានទាក់ទាញការចូលរួមពីបណ្ដាស្ថាប័នគ្រប់គ្រង ស្ថាប័នជំរុញទេសចរណ៍ និងអាជីវកម្មទេសចរណ៍មកពី ៣១ ខេត្ត ក្រុងនៃប្រទេសវៀតណាម ព្រមទាំងប្រទេស និងតំបន់ដែនដីចំនួន ២០ ដោយមានសហគ្រាសជាង ៦០០ មានស្ដង់តាំងបង្ហាញនៅក្នុងពិព័រណ៍នេះ។

ឌឹកអាញ់

thoidai.com.vn