ផ្សព្វផ្សាយរូបភាពវៀតណាមដល់មិត្តភក្តិដាណឺម៉ាក និងអន្តរជាតិ

ព្រឹត្តិការណ៍ "វៀតណាមនាពេលបច្ចុប្បន្ន៖ សញ្ញាសម្គាល់នៃការអភិវឌ្ឍ វប្បធម៌ និងមនុស្ស" ត្រូវបានរៀបចំឡើងដោយស្ថានទូតវៀតណាមប្រចាំនៅប្រទេសដាណឺម៉ាក។

តាមព័ត៌មានពីស្ថានទូតវៀតណាមប្រចាំនៅប្រទេសដាណឺម៉ាក អញ្ជើញចូលរួមក្នុងព្រឹត្តិការណ៍នេះមាន ប្រធាន និងសមាជិកានៃក្លឹបស្ត្រីអន្តរជាតិនៅទីក្រុង Copenhagen ព្រមទាំងតំណាងបណ្តាស្ថាប័ន អង្គការ វិស័យអប់រំ និងសារព័ត៌មានដាណឺម៉ាក។

ថ្លែងមតិបើកកម្មវិធី ឯកអគ្គរដ្ឋទូតវៀតណាមប្រចាំនៅប្រទេសដាណឺម៉ាក លោកស្រី Nguyen Le Thanh បានឱ្យដឹងថា ព្រឹត្តិការណ៍នេះគឺជាឱកាសដើម្បីនាំវៀតណាមឱ្យកាន់តែខិតជិតមិត្តភក្តិដាណឺម៉ាក និងអន្តរជាតិ មិនត្រឹមតែតាមរយៈចម្ងាយភូមិសាស្ត្រប៉ុណ្ណោះទេ ប៉ុន្តែអ្វីដែលសំខាន់ជាងនេះទៅទៀតនោះ គឺការយល់ដឹង និងការតភ្ជាប់រវាងមនុស្ស និងមនុស្ស។ ឯកអគ្គរដ្ឋទូតបានបញ្ជាក់ថា វៀតណាមគឺជាប្រទេសដែលមានភាពរស់រវើក ច្នៃប្រឌិត និងកំពុងអភិវឌ្ឍយ៉ាងឆាប់រហ័ស និងប្រកបដោយចីរភាព។ លោកស្រីបានសម្តែងនូវបំណងប្រាថ្នាថា តាមរយៈសកម្មភាពផ្លាស់ប្តូរវប្បធម៌ អប់រំ និងកិច្ចសហប្រតិបត្តិការលើវិស័យជាច្រើន ប្រទេសទាំងពីរនឹងបន្តពង្រឹងគ្រឹះនៃទំនាក់ទំនងមិត្តភាពជិតស្និទ្ធ ពង្រីក និងធ្វើឱ្យកិច្ចសហប្រតិបត្តិការលើវិស័យនានាកាន់តែស៊ីជម្រៅថែមទៀត ជាពិសេសគឺការច្នៃប្រឌិតថ្មី ការផ្លាស់ប្តូរឌីជីថល និងការអភិវឌ្ឍប្រកបដោយចីរភាព។

ក្នុងព្រឹត្តិការណ៍នេះ អ្នកនិពន្ធ Soren Davidsen អនុប្រធានសម្ព័ន្ធក្រុមហ៊ុន Davidsen-K ដែលធ្លាប់រស់នៅ និងធ្វើការជាច្រើនឆ្នាំនៅវៀតណាម បានចែករំលែកទស្សនៈពីមិត្តភក្តិដាណឺម៉ាកអំពីវប្បធម៌ និងមនុស្សវៀតណាម។ លោកបានវាយតម្លៃខ្ពស់ចំពោះស្មារតីឯករាជ្យ ម្ចាស់ការ គោលនយោបាយការបរទេស ការធ្វើសមាហរណកម្មអន្តរជាតិ និងសមិទ្ធផលអភិវឌ្ឍន៍ដ៏ឆ្នើមរបស់វៀតណាម; ដោយសង្កត់ធ្ងន់លើតម្លៃពិសេសៗ ដូចជាស្មារតីរាក់ទាក់កក់ក្តៅ ភាពរស់រវើក សមត្ថភាពបន្សាំ និងសេចក្តីប្រាថ្នាចង់ឈានឡើងរបស់ប្រជាជនវៀតណាម។ តាមលោក ទំនាក់ទំនងវៀតណាម - ដាណឺម៉ាក កំពុងអភិវឌ្ឍកាន់តែខ្លាំងឡើងតាមទិសដៅជាដៃគូស្មើភាព ជឿទុកចិត្តគ្នា រួមគ្នាចែករំលែកផលប្រយោជន៍ និងចក្ខុវិស័យរួម ក្នុងបរិបទនៃកិច្ចសហប្រតិបត្តិការអន្តរជាតិកាន់តែស៊ីជម្រៅ។

បណ្តាប្រតិភូដែលចូលរួម បានពិភាក្សា និងចែករំលែកអារម្មណ៍ ក៏ដូចជាបទពិសោធន៍អំពីវៀតណាម ដោយសម្តែងនូវការចាប់អារម្មណ៍ចំពោះសម្រស់ធម្មជាតិ ភាពសម្បូរបែបនៃវប្បធម៌ និងមនុស្សដែលរួសរាយរាក់ទាក់។ មតិជាច្រើនក៏បានរំលឹកឡើងវិញនូវអនុស្សាវរីយ៍ដែលមិនអាចបំភ្លេចបាន ក្នុងដំណើរទស្សនកិច្ចនៅវៀតណាម និងសម្តែងនូវការកោតសរសើរចំពោះប្រវត្តិសាស្ត្រនៃការតស៊ូដ៏អង់អាចក្លាហានរបស់ប្រជាជាតិវៀតណាម។

ភ្ញៀវកិត្តិយសទាំងឡាយ បានវាយតម្លៃខ្ពស់ចំពោះផែនការរៀបចំបណ្តាសកម្មភាពអបអរសាទរខួបលើកទី ៥៥ នៃទំនាក់ទំនងការទូតនៃប្រទេសទាំងពីរ និងបានសម្តែងនូវបំណងចង់ចូលរួម ព្រមទាំងចាត់ទុកវៀតណាមជាគោលដៅទេសចរណ៍នាពេលខាងមុខផងដែរ៕

មហោស្រពវៀតណាមឆ្នាំ ២០២៤ នៅខេត្ត Osaka៖ នាំយកតម្លៃនៃវប្បធម៌វៀតណាមទៅកាន់មិត្តជប៉ុន និងអន្តរជាតិ ពីថ្ងៃទី ២៧ ដល់ថ្ងៃទី ២៨ ខែមេសា ស្ថានអគ្គកុងស៊ុលវៀតណាមប្រចាំនៅខេត្ត Osaka (ប្រទេសជប៉ុន) បានសម្របសម្រួលជាមួយអាជ្ញាធរខេត្ត និងសមាគមអាណិកជនវៀតណាមក្នុងតំបន់ Kansai រៀបចំមហោស្រពវៀតណាមឆ្នាំ ២០២៤ នៅខេត្ត Osaka។

សមាគមសហគ្រិនវ័យក្មេងវៀតណាមលើកកំពស់សមត្ថភាពប្រកួតប្រជែងឈានដល់កម្រិតតំបន់ និងអន្តរជាតិ នារសៀលថ្ងៃទី ២៧ វិច្ឆិកា នៅទីក្រុងហាណូយ នាយករដ្ឋមន្ត្រីវៀតណាមលោក Pham Minh Chinh បានអញ្ជើញចូលរួមពិធីរំលឹកខួបលើកទី ៣០ នៃចលនាសហគ្រិនវ័យក្មេងវៀតណាម។

ឌឹកអាញ់

thoidai.com.vn