យុគសម័យ - នាថ្ងៃទី ១៣ ខែសីហា ប្រធានាធិបតីអាមេរិក លោក Donald Trump បានគំរាមដកអាមេរិកចេញពីអង្គការពាណិជ្ជកម្មពិភពលោក (WTO) ប្រសិនបើស្ថានភាពមិនប្រែប្រួលតាមទិសល្អប្រសើរឡើង។
ប្រធានាធិបតីអាមេរិក លោក Donald Trump (រូបថត៖ vov.vn)
លោក Donald Trump បានមានប្រសាសន៍នៅក្នុងកិច្ចសន្ទនាជាមួយកម្មករនៅពេលលោកទៅទស្សនាការងារនៅរោងចក្រគីមី Shell នៅរដ្ឋ Pennsylvania ថា "យើងនឹងចាកចេញប្រសិនបើយើងត្រូវបានបង្ខំឱ្យធ្វើដូចអញ្ចឹង"។ លោកក៏បានបញ្ជាក់ផងដែរថា“ យើងដឹងថាគេបានបោកយើងអស់រយៈពេលជាច្រើនឆ្នាំហើយ រឿងនេះនឹងមិនកើតឡើងទៀតទេ” ។
គួរជម្រាបថា ប្រធានាធិបតីអាមេរិក លោក Trump ធ្លាប់បានដាក់ពាក្យយ៉ាងធ្ងន់ធ្ងន់ជាច្រើនលើកច្រើនសារលើអង្គការពាណិជ្ជកម្មពិភពលោកហើយ ដោយគំរាមដកអាមេរិកចេញពីអង្គការនេះនៅពេលដែលចាត់ទុកថាសហរដ្ឋអាមេរិកមិនត្រូវបានគេប្រព្រឹត្តសមភាពនោះឡោះយ ហើយអះអាងថាទីក្រុងវ៉ាស៊ីនតោនមិនចាំបាច់គោរពតាមច្បាប់របស់អង្គការពាណិជ្ជកម្មពិភពលោកទេ។
ប្រធានាធិបតីអាមេរិក លោក Donald Trump និងប្រធានរដ្ឋចិន លោក ស៊ី ជីងពីង (រូបថត៖ soha.vn)
លោក Trump បានរិះគន់យ៉ាងជាក់លាក់ចំពោះលក្ខខណ្ឌសម្រាប់ប្រទេសចិននៅពេលដែលប្រទេសនេះចូលរួមជាសមាជិកក្នុងអង្គការពាណិជ្ជកម្មពិភពលោក ក៏ដូចជាលោកបានត្អូញត្អែរអំពីការដែលក្រុមហ៊ុនចិន“ លួច” បច្ចេកវិទ្យាពីអាមេរិកផងដែរ។
អ្នកជំនាញខាងពាណិជ្ជកម្មនៅវិទ្យាស្ថានសេដ្ឋកិច្ចអន្តរជាតិ Peterson លោក Chad Brown បានវាយតម្លៃថាទង្វើរដែលធ្វើបន្សោយអង្គការពាណិជ្ជកម្មពិភពលោក នឹងនាំឱ្យមាន "ផលវិបាក ជារយៈពេលវែង" ដែលមិនមែនអ្វីទាំងអស់អាចត្រូវបានបញ្ច្រាសបាននោះទេ៕
（យោងតាមvov.vn បកប្រែដោយ ហេង វុធ្ធី）
មតិពីមិត្តអ្នកអាន