លោក Tran Thanh Man ប្រធានរដ្ឋសភាវៀតណាម បានទទួលជួបលោក Suvon Luongbunmi អនុប្រធានរដ្ឋសភាឡាវ

លោក Tran Thanh Man ប្រធានរដ្ឋសភាវៀតណាម បានទទួលជួបលោក Suvon Luongbunmi អនុប្រធានរដ្ឋសភាឡាវ

ដោយសម្តែងនូវក្តីរីករាយចំពោះការអភិវឌ្ឍពីមួយថ្ងៃទៅមួយថ្ងៃ នៃទំនាក់ទំនងមិត្តភាពដ៏មហិមា សាមគ្គីភាពពិសេស និងកិច្ចសហប្រតិបត្តិការគ្រប់ជ្រុងជ្រោយវៀតណាម-ឡាវ រួមទាំងកិច្ចសហប្រតិបត្តិការដ៏ជិតស្និទ្ធ និងប្រកបដោយប្រសិទ្ធភាព រវាងសភានៃប្រទេសទាំងពីរ លោក Tran Thanh Man ប្រធានរដ្ឋសភា បានស្នើឲ្យសភានៃប្រទេសទាំងពីរបន្តសម្របសម្រួលយ៉ាងជិតស្និទ្ធ និងត្រួតពិនិត្យការអនុវត្តកិច្ចព្រមព្រៀងកម្រិតខ្ពស់ប្រកបដោយប្រសិទ្ធភាព ពង្រឹងការផ្លាស់ប្តូរគណៈប្រតិភូ ព័ត៌មាន និងបទពិសោធន៍ក្នុងវិស័យរៀបចំស្ថាប័នរដ្ឋសភាឡើងវិញ និងសកម្មភាពនីតិប្បញ្ញត្តិ។ល។

លោក Suvon Luongbunmi អនុប្រធានរដ្ឋសភាឡាវ បានជម្រាបជូនលោក Tran Thanh Man ប្រធានរដ្ឋសភា អំពីលទ្ធផលនៃកិច្ចសហប្រតិបត្តិការដ៏ល្អរវាងសភានៃប្រទេសទាំងពីរក្នុងរយៈពេលកន្លងមក។ លោក Suvon Luongbunmi បានទទួលស្គាល់ដោយគោរពនូវមតិរបស់លោក Tran Thanh Man ស្តីពីការជំរុញទំនាក់ទំនងសហប្រតិបត្តិការរវាងស្ថាប័ននីតិប្បញ្ញត្តិនៃប្រទេសទាំងពីរឱ្យកាន់តែជិតស្និទ្ធ និងប្រកបដោយប្រសិទ្ធភាពថែមទៀត។ លោក Suvon Luongbunmi បានអះអាងថានឹងសម្របសម្រួលយ៉ាងជិតស្និទ្ធជាមួយរដ្ឋសភាវៀតណាមក្នុងការត្រួតពិនិត្យការអនុវត្តកិច្ចព្រមព្រៀងដែលបានចុះហត្ថលេខា ជាពិសេសគម្រោងវិនិយោគរបស់វៀតណាមនៅឡាវ។

* នាថ្ងៃដដែល លោក Tran Quang Phuong អនុប្រធានរដ្ឋសភាវៀតណាម បានជួបពិភាក្សាជាមួយលោក Suvon Luongbunmi អនុប្រធានរដ្ឋសភាឡាវ។ ភាគីទាំងពីរបានផ្លាស់ប្តូរព័ត៌មានអំពីស្ថានភាពនៅក្នុងប្រទេសនីមួយៗ និងលទ្ធផលមួយចំនួននៃសកម្មភាពរបស់សភានៃប្រទេសទាំងពីរ។ ភាគីទាំងពីរបានវាយតម្លៃខ្ពស់ និងសម្តែងនូវសេចក្តីរីករាយចំពោះការអភិវឌ្ឍដ៏ល្អនៃទំនាក់ទំនងសហប្រតិបត្តិការរវាងសភាទាំងពីរនាពេលថ្មីៗនេះ ទាំងក្នុងយន្តការសហប្រតិបត្តិការទ្វេភាគី ក៏ដូចជានៅក្នុងវេទិកាសភាតំបន់ និងអន្តរជាតិ។ ភាគីទាំងពីរបានឯកភាពបន្តពង្រឹងការពិគ្រោះយោបល់ និងការសម្របសម្រួលយ៉ាងជិតស្និទ្ធនៅវេទិកាសភាពហុភាគី។ ភាគីទាំងពីរក៏បានពិភាក្សា និងចែករំលែកបទពិសោធន៍ក្នុងការងារសភា ជាពិសេសក្នុងការត្រួតពិនិត្យការអនុវត្តកិច្ចព្រមព្រៀងកម្រិតខ្ពស់ រួមទាំងការអនុវត្តគម្រោងសហប្រតិបត្តិការយុទ្ធសាស្ត្រលើការអភិវឌ្ឍសេដ្ឋកិច្ចសង្គម និងហេដ្ឋារចនាសម្ព័ន្ធនៃប្រទេសទាំងពីរ រួមចំណែករក្សាសន្តិសុខ និងស្ថិរភាពនៅតាមតំបន់ព្រំដែន ក៏ដូចជាការជំរុញកិច្ចសហប្រតិបត្តិការក្នុងមូលដ្ឋានរវាងប្រទេសទាំងពីរ៕

ឧបនាយករដ្ឋមន្ត្រី រដ្ឋមន្ត្រីក្រសួងការបរទេស វៀតណាមលោក Bui Thanh Son បានជួបសន្ទនាការងារតាមទូរស័ព្ទជាមួយឧបនាយក រដ្ឋមន្ត្រី រដ្ឋមន្ត្រីក្រសួងការបរទេស និង ក្នុងជំនួបសន្ទនាតាមទូរស័ព្ទ ឧបនាយករដ្ឋមន្ត្រី រដ្ឋមន្ត្រីទាំងពីររូបបានឯកភាព ថា នាពេលខាងមុខ បន្តបង្កើនដំណើរទស្សនកិច្ចនិងជំនួបប្រាស្រ័យជាន់ខ្ពស់លើគ្រប់ បណ្តាញរបស់បក្ស រដ្ឋ រដ្ឋសភា រដ្ឋាភិបាល រណសិរ្ស ក៏ដូចជារវាងក្រសួង គណៈ កម្មាធិការ ផ្នែក មូលដ្ឋាន និងការជួបប្រាស្រ័យរវាងប្រជាជនជាមួយប្រជាជន។

លោកប្រធានរដ្ឋសភា Tran Thanh Man ទទួលជួបព្រះរាជសវនាការ​ ព្រះករុណា ព្រះបាទសម្តេចព្រះបរមនាថ នរោត្តម សីហមុនី នារសៀលថ្ងៃទី ២៨ ខែវិច្ឆិកា នៅវិមានរដ្ឋសភា លោក Tran Thanh Man ប្រធានរដ្ឋសភាវៀតណាម បានទទួលជួបព្រះរាជសវនាការព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ដែលកំពុង​យាង​បំពេញព្រះរាជទស្សនកិច្ចផ្លូវរដ្ឋនៅប្រទេសវៀតណាម។