ឯកអគ្គកុងស៊ុលកម្ពុជាប្រចាំទីក្រុងហូជីមិញ លោក ចាន់ សុរិកាន់៖ ពង្រឹងទំនាក់ទំនងរវាងភ្នំពេញ និងទីក្រុងហូជីមិញ

លោកស្រី Tran Thi Dieu Thuy អនុប្រធានគណៈកម្មាធិការប្រជាជនទីក្រុងហូជីមិញ បានផ្តល់ផ្កា និងជូនពរដល់មន្ត្រី និងបុគ្គលិកនៃស្ថានឯកអគ្គកុងស៊ុលកម្ពុជាប្រចាំទីក្រុងហូជីមិញ ក្នុងឱកាសបុណ្យចូលឆ្នាំថ្មី។

លោកស្រី Tran Thi Dieu Thuy បានជូនពរចំពោះសមិទ្ធផលដែលប្រទេស និងប្រជាជនកម្ពុជាសម្រេចបានក្នុងឆ្នាំកន្លងមក។​ លោកស្រីអនុប្រធានគណៈកម្មាធិការប្រជាជនទីក្រុងហូជីមិញ បានសង្កត់ធ្ងន់ថា ទីក្រុងហូជីមិញតែងតែឱ្យតម្លៃ និងខិតខំអស់ពីសមត្ថភាពដើម្បីរក្សា ពង្រឹង និងលើកស្ទួយទំនាក់ទំនងដ៏ល្អប្រសើរជាមួយកម្ពុជាជារួម និងមូលដ្ឋាននានារបស់កម្ពុជាជាពិសេស។ ក្នុងនោះ យកចិត្តទុកដាក់ជាពិសេសក្នុងការជំរុញការផ្លាស់ប្តូរ និងកិច្ចសហប្រតិបត្តិការរវាងសហគ្រាស ការលើកកម្ពស់ពាណិជ្ជកម្ម ការផ្លាស់ប្តូរទំនិញ ដើម្បីធ្វើឱ្យសក្តានុពលនៃកិច្ចសហប្រតិបត្តិការសេដ្ឋកិច្ច ពាណិជ្ជកម្ម និងការវិនិយោគរវាងទីក្រុងហូជីមិញ និងមូលដ្ឋាន ព្រមទាំងដៃគូកម្ពុជា ក្លាយជាការពិត។

ទិដ្ឋភាពនៃជំនួប។

ឯកអគ្គកុងស៊ុលកម្ពុជាប្រចាំទីក្រុងហូជីមិញ​ លោក ចាន់ សុរិកាន់ បានអះអាងថា លោកនឹងខិតខំអស់ពីសមត្ថភាពក្នុងតួនាទីជាឯកអគ្គកុងស៊ុលកម្ពុជាប្រចាំទីក្រុងហូជីមិញ ដើម្បីជំរុញឱ្យកាន់តែខ្លាំងឡើងនូវទំនាក់ទំនងរវាងរដ្ឋធានីភ្នំពេញ និងទីក្រុងហូជីមិញជាពិសេស និងរវាងកម្ពុជា និងវៀតណាមជារួម ជាពិសេសក្នុងវិស័យវប្បធម៌ អប់រំ ទេសចរណ៍ និងការទំនាក់ទំនងប្រជាជន។

ទន្ទឹមនឹងនេះ លោក ចាន់ សុរិកាន់ បានសម្តែងនូវបំណងឱ្យទីក្រុងហូជីមិញបន្តផ្តល់លក្ខខណ្ឌអំណោយផលដល់សហគ្រាសនៃប្រទេសទាំងពីរ ដើម្បីស្វែងយល់ ជំរុញពាណិជ្ជកម្ម និងការវិនិយោគទៅក្នុងទីផ្សាររបស់គ្នាទៅវិញទៅមក ដើម្បីនាំមកនូវផលប្រយោជន៍រួមសម្រាប់ភាគីទាំងពីរ៕

ជំរុញកិច្ចសហប្រតិបត្តិការការពារជាតិ វៀតណាម - កម្ពុជា ក្នុងឱកាសបុណ្យចូលឆ្នាំថ្មី នាថ្ងៃទី ១ មេសា គណៈប្រតិភូស្ថានទូតវៀតណាមប្រចាំនៅកម្ពុជា ដឹកនាំដោយលោកឯកអគ្គរដ្ឋទូត Nguyen Minh Vu បានអញ្ជើញចូលជួបសម្តែងការគួរសម និងជូនពរឆ្នាំថ្មីជូនចំពោះអគ្គមេបញ្ជាការ នៃកងយោធពលខេមរភូមិន្ទ និងបញ្ជាការដ្ឋានកងទ័ពជើងគោក ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ។

វៀតណាម៖ សិក្ខាសាលាវិទ្យាសាស្ត្រ «ពង្រឹងចំណងសាមគ្គីភាពនៃប្រទេសទាំងបី វៀតណាម - ឡាវ - កម្ពុជា ក្នុងស្ថានភាពថ្មី» នោះគឺជាប្រធានបទនៃសិក្ខាសាលាវិទ្យាសាស្ត្រថ្នាក់ជាតិ លើកទី ៣ ដែលរៀបចំដោយក្រសួងការពារប្រទេសវៀតណាមនាពេលថ្មីៗនេះ។ គម្រោងនេះ ដោយលោកនាយឧត្តមសេនីយ៍ បណ្ឌិត Phan Van Giang សមាជិកការិយាល័យនយោបាយ អនុលេខាគណៈកម្មាធិការបក្សយោធាមជ្ឈិម រដ្ឋមន្ត្រីក្រសួងការពារប្រទេស ជាប្រធាន។ លោកនាយឧត្តមសេនីយ៍ Nguyen Tan Cuong សមាជិកគណៈកម្មាធិការមជ្ឈិមបក្ស សមាជិកអចិន្ត្រៃយ៍នៃគណៈកម្មាធិការបក្សយោធាមជ្ឈិម ប្រធានអគ្គសេនាធិការនៃកងទ័ពប្រជាជនវៀតណាម អនុរដ្ឋមន្ត្រីក្រសួងការពារប្រទេស អនុប្រធានគម្រោង បានអញ្ជើញជាអធិបតីក្នុងសិក្ខាសាលានេះ