ជំរុញកិច្ចសហប្រតិបត្តិការការពារជាតិ វៀតណាម - កម្ពុជា ក្នុងឱកាសបុណ្យចូលឆ្នាំថ្មី

ក្នុងជំនួបទាំងនេះ លោកឯកអគ្គរដ្ឋទូត Nguyen Minh Vu បានជូនពរឆ្នាំថ្មីជូនចំពោះថ្នាក់ដឹកនាំ និងនាយទាហាន នាយទាហានរង ពលទាហាន នៃកងយោធពលខេមរភូមិន្ទ ព្រមទាំងបានថ្លែងអរគុណកម្ពុជាដែលបានផ្តល់ការគាំទ្រ និងជំនួយដ៏មានតម្លៃ​ ជូន​ចំពោះ​ប្រទេស និងប្រជាជនវៀតណាម នាពេល​កន្លង​មក។ លោកឯកអគ្គរដ្ឋទូត Nguyen Minh Vu ជឿជាក់ថា កិច្ចសហប្រតិបត្តិការលើវិស័យការពារជាតិ ដែលជាសសរស្តម្ភសំខាន់ក្នុងទំនាក់ទំនងរវាងប្រទេសទាំងពីរ នឹងបន្តត្រូវបានជំរុញ និងពង្រឹងបន្ថែមទៀត នាពេលខាងមុខ។

លោកឯកអគ្គរដ្ឋទូត Nguyen Minh Vu អញ្ជើញចូលជួបសម្តែងការគួរសម និងជូនពរឆ្នាំថ្មីជូនចំពោះលោកនាយឧត្តមសេនីយ៍ វង្ស ពិសេន អគ្គមេបញ្ជាការនៃកងយោធពលខេមរភូមិន្ទ

លោកឯកអគ្គរដ្ឋទូតបានស្នើឱ្យកងទ័ពនៃប្រទេសទាំងពីរបន្តពង្រឹងសកម្មភាពសហប្រតិបត្តិការ ជាពិសេសកិច្ចសហប្រតិបត្តិការលើវិស័យបណ្តុះបណ្តាលធនធានមនុស្ស ព្រមទាំងស្នើ​ឲ្យ​អង្គភាពយោធាកម្ពុជាបន្តជួយគាំទ្រ និងសម្របសម្រួលយ៉ាងជិតស្និទ្ធជាមួយប្រទេសវៀតណាមក្នុងក្របខណ្ឌគណៈកម្មាធិការជំនាញនៃរដ្ឋាភិបាលទាំងពីរ ដើម្បីបំពេញបានល្អនូវ​ការងារស្វែងរក ប្រមូល និងធ្វើមាតុភូមិនិវត្តន៍អដ្ឋិធាតុកងទ័ពស្ម័គ្រចិត្ត និងអ្នកជំនាញវៀតណាមដែលបានពលីជីវិតនៅកម្ពុជាក្នុងសម័យសង្គ្រាម។

លោកនាយឧត្តមសេនីយ៍ វង្ស ពិសេន អគ្គមេបញ្ជាការ នៃកងយោធពលខេមរភូមិន្ទ និងលោកនាយឧត្តមសេនីយ៍ ម៉ៅ សុផាន់ អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក បានថ្លែងអំណរគុណចំពោះលោកឯកអគ្គរដ្ឋទូត Nguyen Minh Vu លោកនាយការិយាល័យអនុព័ន្ធយោធាវៀតណាមប្រចាំកម្ពុជា និងបុគ្គលិកនៃស្ថានទូតវៀតណាមប្រចាំនៅកម្ពុជា ដែលបានអញ្ជើញមកសម្តែងការគួរសម និងជូនពរឆ្នាំថ្មីជូនចំពោះថ្នាក់ដឹកនាំ នាយទាហាន នាយទាហានរង និងពលទាហាន នៃកងយោធពលខេមរភូមិន្ទ ព្រមទាំង​បញ្ជាក់ថា វៀតណាម និងកម្ពុជា គឺជាអ្នកជិតខាងល្អ​ តែងតែប្រកៀកស្មាគ្នា និងជួយ​គាំទ្រគ្នានៅក្នុង​គ្រប់កាលៈទេសៈ។

លោកនាយឧត្តមសេនីយ៍ វង្ស ពិសេន និងលោកនាយឧត្តមសេនីយ៍ ម៉ៅ សុផាន់ បានថ្លែងអំណរគុណចំពោះបក្ស រដ្ឋាភិបាល និងប្រជាជនវៀតណាម ជាពិសេសកងទ័ពប្រជាជនវៀតណាម ដែលបានជួយកម្ពុជាផ្តួលរំលំរបបប្រល័យពូជសាសន៍ ប៉ុល ពត និងបន្តជួយកម្ពុជាស្តារ កសាង និងអភិវឌ្ឍប្រទេស នាពេលកន្លងមក ព្រមទាំង​បាន​សន្យាថានឹងបន្តពង្រឹងចំណងសាមគ្គីភាព និងមិត្តភាពវៀតណាម-កម្ពុជា ឲ្យមានការរីកចម្រើនកាន់តែខ្លាំងក្លាថែមទៀត៕

វៀតណាម៖ សិក្ខាសាលាវិទ្យាសាស្ត្រ «ពង្រឹងចំណងសាមគ្គីភាពនៃប្រទេសទាំងបី វៀតណាម - ឡាវ - កម្ពុជា ក្នុងស្ថានភាពថ្មី» នោះគឺជាប្រធានបទនៃសិក្ខាសាលាវិទ្យាសាស្ត្រថ្នាក់ជាតិ លើកទី ៣ ដែលរៀបចំដោយក្រសួងការពារប្រទេសវៀតណាមនាពេលថ្មីៗនេះ។ គម្រោងនេះ ដោយលោកនាយឧត្តមសេនីយ៍ បណ្ឌិត Phan Van Giang សមាជិកការិយាល័យនយោបាយ អនុលេខាគណៈកម្មាធិការបក្សយោធាមជ្ឈិម រដ្ឋមន្ត្រីក្រសួងការពារប្រទេស ជាប្រធាន។ លោកនាយឧត្តមសេនីយ៍ Nguyen Tan Cuong សមាជិកគណៈកម្មាធិការមជ្ឈិមបក្ស សមាជិកអចិន្ត្រៃយ៍នៃគណៈកម្មាធិការបក្សយោធាមជ្ឈិម ប្រធានអគ្គសេនាធិការនៃកងទ័ពប្រជាជនវៀតណាម អនុរដ្ឋមន្ត្រីក្រសួងការពារប្រទេស អនុប្រធានគម្រោង បានអញ្ជើញជាអធិបតីក្នុងសិក្ខាសាលានេះ

តន្ត្រី​បង្រួបបង្រួម​មនោសញ្ចេតនា​ប្រជាជន​វៀតណាម និង​កម្ពុជា ពីសម័យសង្រ្គាមរហូតដល់សម័យសន្តិភាព តន្ត្រីបានក្លាយជាស្ពានតភ្ជាប់ដួងចិត្តរបស់ប្រជាជនវៀតណាម និងកម្ពុជា។ សាច់ភ្លេងមិនត្រឹមតែបន្លឺឡើងក្នុងកម្មវិធីផ្លាស់ប្តូរប៉ុណ្ណោះទេ ថែមទាំងជ្រាបចូលយ៉ាងជ្រៅទៅក្នុងជីវិត ដោយភ្ជាប់ប្រជាជាតិទាំងពីរជាមួយនឹងមិត្តភាព។

វិច្ឆិកា