កម្ពុជា និងឡាវ ផ្លាស់ប្ដូរបទពិសោធ និងពង្រឹងពង្រីកកិច្ចសហប្រតិបត្តិការប្រយុទ្ធប្រឆាំងអំពើពុករលួយឆ្លងដែន ក្នុងនាមជាប្រទេសជាប់ព្រំដែន ដើម្បីលើកកម្ពស់ស្ថាប័នអង្គភាពអំពើពុករលួយទ្វេភាគី និងពង្រីកកិច្ចសហប្រតិបត្តិការថ្មីៗរួមគ្នាបន្ថែមទៀតសម្រាប់ផលប្រយោជន៍ប្រទេស និងប្រជាជន។
| សកម្មភាពស្ម័គ្រចិត្តរបស់និស្សិតឡាវ និងខ្មែរនៅវៀតណាម៖ គុណចិត្តមេត្តា តន្ត្រីបង្រួបបង្រួមមនោសញ្ចេតនាប្រជាជនវៀតណាម និងកម្ពុជា |
 |
| កម្ពុជា-ឡាវ ផ្លាស់ប្ដូរបទពិសោធ និងពង្រីកកិច្ចសហប្រតិបត្តិការប្រយុទ្ធប្រឆាំងអំពើពុករលួយ |
ការពង្រីកកិច្ចសហប្រតិបត្តិការប្រយុទ្ធប្រឆាំងអំពើពុករលួយទ្វេភាគីខាងលើនេះ ធ្វើឡើងក្នុងជំនួបពិភាក្សាការងាររវាងលោក ឱម យ៉ិនទៀង ប្រធានអង្គភាពប្រឆាំងអំពើពុករលួយ និងលោក សុនសាយ សីផាន់ដន នាយករដ្ឋមន្ត្រីឡាវ និងមន្ត្រីអាជ្ញាធរអធិការកិច្ចរដ្ឋឡាវ នៅទីក្រុងវៀងច័ន្ទន៍ ប្រទេសឡាវ កាលពីថ្ងៃអង្គារ។
កាលពីថ្ងៃអង្គារ អង្គភាពប្រឆាំងអំពើពុករលួយកម្ពុជា ប្រកាសព័ត៌មានថា ភាគីកម្ពុជា និងឡាវ បានសម្ដែងការរីករាយ និងសាទរនៃកិច្ចសហប្រតិបត្តិការរវាងស្ថាប័នទាំងពីរក្នុងពេលកន្លងមក ជាពិសេសបានពិភាក្សា និងផ្លាស់ប្ដូរគ្នាទៅវិញទៅមកពីស្ថានភាពទូទៅពាក់ព័ន្ធសេដ្ឋកិច្ច និងនយោបាយក្នុងប្រទេសទាំងពីរ។
លោក សុនសាយ សីផាន់ដន បានផ្តាំផ្ញើសួរសុខទុក្ខលោក ហ៊ុន ម៉ាណែត នាយករដ្ឋមន្ត្រីកម្ពុជា និងបានចូលរួមអបអរសាទរចំពោះលទ្ធផលការងាររបស់រដ្ឋាភិបាលកម្ពុជា ដែលទទួលបានជោគជ័យក្នុងរយៈពេលមួយឆ្នាំ និងបានចេញដំណើរបំពេញការងារប្រកបដោយស្វាហាប់ និងឈ្លាសវៃ។
ភាគីទាំងពីរបានពិភាក្សាស៊ីជម្រៅ ចែករំលែក និងផ្លាស់ប្ដូរបទពិសោធរវាងស្ថាប័នទាំងពីរលើការងារប្រយុទ្ធប្រឆាំងអំពើពុករលួយក្នុងប្រទេស អំពើពុករលួយឆ្លងដែន និងការប្រយុទ្ធប្រឆាំងអំពើពុករលួយនៅក្នុងតំបន់ និងពិភពលោក ជាពិសេសប្ដេជ្ញាពង្រឹង និងពង្រីកកិច្ចសហប្រតិបត្តិការបន្ថែមរវាងប្រទេស ដើម្បីប្រយុទ្ធប្រឆាំងអំពើពុករលួយ ក្នុងនាមជាបងប្អូន និងជាអ្នកជិតខាងល្អ។
លោក ឱម យ៉ិនទៀង និងលោក សុនសាយ សីផាន់ដន ក៏បានវាយតម្លៃខ្ពស់ចំពោះកិច្ចសហប្រតិបត្តិការប្រយុទ្ធប្រឆាំងអំពើពុករលួយរវាងអាជ្ញាធរអធិការកិច្ចរដ្ឋឡាវ និងអង្គភាពប្រឆាំងអំពើពុករលួយកម្ពុជា ទាំងអតីតកាល និងបច្ចុប្បន្ន។
អង្គភាពប្រឆាំងអំពើពុករលួយកម្ពុជា បញ្ជាក់ថា កម្ពុជា-ឡាវ បានផ្តល់ការគាំទ្រ និងលើកទឹកចិត្តដល់ស្ថាប័នទាំងពីរបន្ត និងពង្រីកកិច្ចសហប្រតិបត្តិការលើវិស័យពាក់ព័ន្ធបន្ថែមទៀត ដើម្បីផលប្រយោជន៍រួមរវាងប្រទេស និងប្រជាជន៕
 លើកកំពស់ប្រសិទ្ធភាពនៃសកម្មភាពផ្លាស់ប្តូរប្រជាជននៃប្រទេសទាំងបី វៀតណាម - ឡាវ - កម្ពុជា តាមរយៈការផ្លាស់ប្តូរកីឡា យុគសម័យ - ការប្រកួតកីឡាបានបង្កើតកន្លែងលេងកីឡាប្រកបដោយសុខភាពល្អ និងគួរឱ្យរំភើបចិត្តសម្រាប់ប្រជាជននៃប្រទេសទាំងបី វៀតណាម-ឡាវ-កម្ពុជា ដើម្បីប្រាស្រ័យទាក់ទងនិងពង្រឹងសាមគ្គីភាព។ |
 កិច្ចសហប្រតិបត្តិការលើវិស័យការពារជាតិរវាងវៀតណាម-ឡាវ-កម្ពុជាបន្តសម្រេចបានលទ្ធផលជាក់ស្តែង និងមានប្រសិទ្ធភាពជាច្រើន នារសៀលថ្ងៃទី២៥ ខែវិច្ឆិកា នៅរាជធានីភ្នំពេញ បានប្រព្រឹត្តទៅកិច្ចប្រជុំប្រចាំឆ្នាំថ្នាក់រដ្ឋមន្ត្រីក្រសួងការពារជាតិ វៀតណាម-ឡាវ-កម្ពុជា។ |
មតិពីមិត្តអ្នកអាន