អគ្គលេខាបក្ស To Lam អញ្ជើញចូលរួមពិធីរំលឹកខួបលើកទី ៧៥ នៃទិវាប្រពៃណីនៃគណៈកម្មាធិការកិច្ចការបរទេសមជ្ឈឹម

អគ្គលេខាបក្ស លោក To Lam អញ្ជើញថ្លែងក្នុងពិធី

អញ្ជើញថ្លែងមតិក្នុងពិធីនេះ អគ្គលេខាបក្ស លោក To Lam បានសង្កត់ធ្ងន់ថា ពិភពលោកកំពុងស្ថិតក្នុងដំណាក់កាលនៃការផ្លាស់ប្តូរមានលក្ខណៈសម័យកាល ដោយបរិយាកាសសន្តិសុខអន្តរជាតិកាន់តែតានតឹងនិងស្មុគស្មាញ។ ក្រៅពីនេះ បដិវត្តន៍ឧស្សាហកម្មលើកទី៤ មិនត្រឹមតែបង្កើតឱកាសនិងគុណសម្បត្តិប៉ុណ្ណោះទេ ថែមទាំងនាំមកនូវបញ្ហាប្រឈមធំៗដល់បុព្វហេតុកសាងនិងការពារមាតុភូមិ។

យោងតាមលោកអគ្គលេខាបក្ស To Lam ស្ថានភាពនេះបង្កើតតម្រូវការថ្មីខ្ពស់ សម្រាប់ការរៀបចំផែនការ និងការរៀបចំការអនុវត្តគោលនយោបាយការបរទេសរបស់បក្ស ក្នុងសម័យកាលថ្មី ហើយនេះក៏ជាភារកិច្ចដ៏រុងរឿងរបស់គណៈកម្មាធិការកិច្ចការបរទេសមជ្ឈឹមផងដែរ។ ក្នុងស្មារតីនេះ លោកអគ្គលេខាបក្សបានលើកមក ៥ ចំណុច សម្រាប់គណៈកម្មាធិការកិច្ចការបរទេសមជ្ឈិមអនុវត្តនាពេលខាងមុខ ក្នុងនោះមានការបំពេញមុខងារសេនាធិការនិងរៀបចំផែនការគោលនយោបាយការបរទេសរបស់បក្សក្នុងដំណាក់កាលថ្មី រួមចំណែកអនុវត្តប្រកបដោយជោគជ័យ គោលដៅយុទ្ធសាស្ត្រ ១០០ ឆ្នាំ ក្រោមការដឹកនាំរបស់បក្ស (១០៣០-២០៣០), រយៈពេល ១០០ ឆ្នាំនៃការបង្កើតសាធារណរដ្ឋប្រជាធិបតេយ្យវៀតណាម បច្ចុប្បន្នជាសាធារណៈរដ្ឋសង្គមនិយមវៀតណាម (១៩៤៥-២០៤៥)។

“យើងត្រូវតែតម្រង់ទិស ដើម្បីជំរុញធនធានផ្ទៃក្នុងឲ្យបានខ្លាំងក្លា ឆ្លៀត យកផលប្រយោជន៍ពេញលេញពីឱកាស និងគុណសម្បត្តិ។ ជាមួយគ្នានោះ រុញថយក្រោយរាល់ហានិភ័យ បញ្ហាប្រឈម និងបង្កើនធនធានសម្រាប់កសាង និងការពារមាតុភូមិ អភិវឌ្ឍន៍ប្រទេសជាតិក្នុងបរិបទសមាហរណកម្មអន្តរជាតិយ៉ាងស៊ីជម្រៅ ; បង្កើតការស្ទុះឈានមុខ បង្កើនការរួមចំណែក និងការទទួលខុសត្រូវរបស់វៀតណាមក្នុងខឿននយោបាយពិភពលោក សេដ្ឋកិច្ចពិភពលោក អរិយធម៌មនុស្សជាតិ និងចលនាបដិវត្តន៍ពិភពលោក”។ នេះបើយើងតាមប្រសាសន៍របស់អគ្គលេខាបក្ស To Lam។

អគ្គលេខាបក្ស លោក To Lam បានស្នើថា គណៈកម្មាធិការកិច្ចការបរទេសមជ្ឈឹមនាពេលខាងមុខបន្តរៀបចំនិងអនុវត្តគោលនយោបាយការបរទេសរបស់បក្សប្រកបដោយប្រសិទ្ធភាពលើ ប្រព័ន្ធនយោបាយទាំងមូលនិងប្រទេសទាំងមូល ដោយនាំមកភាពពេញលេញរវាងទំនាក់ទំនងការទូតបក្ស ការទូតរដ្ឋ និងប្រជាជន៕

អគ្គលេខាបក្ស ប្រធានរដ្ឋវៀតណាម លោក To Lam អញ្ជើញទស្សនាកេរ្តិ៍ដំណែលសមាគមយុវជនបដិវត្តន៍វៀតណាមនៅខេត្តក្វាងតុង នាព្រឹកថ្ងៃទី១៨ ខែសីហា អគ្គលេខាបក្ស ប្រធានរដ្ឋវៀតណាម លោក To Lam និងលោកជំទាវ រួមជាមួយគណៈប្រតិភូជាន់ខ្ពស់វៀតណាម បានមកដល់អាកាសយានដ្ឋាន Baiyun ក្នុងទីក្រុងក្វាងចូវ (Guangzhou) ខេត្តក្វាងតុង (Guangdong) ចាប់ផ្តើមដំណើរទស្សនកិច្ចផ្លូវរដ្ឋនៅប្រទេសចិន។

អគ្គលេខាបក្ស ប្រធានរដ្ឋវៀតណាមលោក To Lam នឹងអញ្ជើញទៅបំពេញទស្សនកិច្ចផ្លូវរដ្ឋនៅប្រទេសចិន ដំណើរទស្សនកិច្ចនឹងធ្វើឡើងចាប់ពីថ្ងៃទី១៨ ដល់ថ្ងៃទី២០ ខែសីហា ឆ្នាំ២០២៤។

យោងតាមវិទ្យុសំលេងវៀតណាម