មហាសន្និបាតតំណាងរណសិរ្សមាតុភូមិវៀតណាមលើកទី ១០ អាណត្តិ ២០២៤ - ២០២៩៖ សាមគ្គីជនជាតិដើម្បីបម្រើគោលដៅអភិវឌ្ឍន៍

វៀតណាមបានឆ្លងកាត់ ២/៣ នៃកំណាត់ផ្លូវអនុវត្តសេចក្តីសម្រេចចិត្តនៃមហាសន្និបាតលើកទី ១៣ របស់បក្សកុម្មុយនិស្តវៀតណាម ក្នុងបរិបទដែលពិភពលោកនិងស្ថានភាពក្នុងតំបន់មានការវិវឌ្ឍន៍យ៉ាងឆាប់រហ័ស ស្មុគស្មាញ ពោរពេញទៅដោយការលំបាកនិងបញ្ហាប្រឈម។ ភារកិច្ចដែលបានដាក់ចេញមានច្រើនណាស់ ទាមទារឱ្យមានការខិតខំប្រឹងប្រែងខ្លាំងក្លា មានសាមគ្គីជនជាតិ ការស្រុះចិត្តគំនិតរបស់បក្សទាំងអស់ កងទ័ពទាំងមូល និងប្រជាជនទាំងមូល ដើម្បីសម្រេចបាននូវគោលដៅទាំងមូលប្រកបដោយជោគជ័យ។

ការយកចិត្តទុកដាក់ជាពិសេសរបស់បក្សចំពោះតួនាទីរបស់ប្រជាជន

រំលឹកដល់រណសិរ្សមាតុភូមិវៀតណាមគឺរំលឹកដល់តួនាទីប្រមូលផ្តុំកម្លាំងរបស់មហាជន។ កាលនៅរស់ លោកប្រធានហូជីមិញតែងតែអះអាងថា៖ មហាសាមគ្គីជនជាតិជាបញ្ហាសំខាន់ជាយុទ្ធសាស្ត្រ កំណត់ជោគជ័យនៃបដិវត្តន៍។

កាលពី ១១ ឆ្នាំមុន ក្នុងឆ្នាំ ២០១៣ ជាលើកដំបូងក្នុងប្រវត្តិសាស្ត្រ តួនាទីរបស់រណសិរ្សមាតុភូមិវៀតណាមតំណាងឱ្យផលប្រយោជន៍ស្របច្បាប់របស់ប្រជាជនត្រូវបានបញ្ជាក់យ៉ាងច្បាស់នៅក្នុងរដ្ឋធម្មនុញ្ញ។ ក៏ជាលើកដំបូងដែរ រដ្ឋធម្មនុញ្ញបានកំណត់តួនាទីត្រួតពិនិត្យនិងរិះគន់របស់រណសិរ្សមាតុភូមិវៀតណាម។ នេះជាជំហានថ្មីក្នុងដំណើរការអនុវត្តលទ្ធិប្រជាធិបតេយ្យ លើកកម្ពស់តួនាទីរបស់រណសិរ្សមាតុភូមិវៀតណាម សំដៅបង្កើនការស្រុះចិត្តក្នុងសង្គមសម្រាប់ការអភិវឌ្ឍរបស់ប្រទេសជាតិ។

នាយករដ្ឋមន្ត្រី Pham Minh Chinh និងប្រធានគណៈកម្មាធិការមជ្ឈឹមរណសិរ្សមាតុភូមិវៀតណាម លោក Do Van Chien បានចុះហត្ថលេខាលើកិច្ចព្រមព្រៀងសម្របសម្រួលរវាងរដ្ឋាភិបាល និងប្រធានគណៈកម្មាធិការមជ្ឈិមរណសិរ្សមាតុភូមិវៀតណាម។

រយៈពេល ១០ឆ្នាំក្រោយមក នៅឆ្នាំ២០២៣ ការិយាល័យនយោបាយបានចេញសេចក្តីសម្រេចមួយ ដើម្បីធ្វើឱ្យប្រសើរឡើងនូវគណៈកម្មាធិការរណសិរ្សមាតុភូមិវៀតណាម ពីការចំណុះគណៈលេខាទៅចំណុះការិយាល័យនយោ បាយវិញ។ នេះជាសេចក្តីសម្រេចជាប្រវត្តិសាស្ត្រ បង្ហាញថាតួនាទី និងបេសកកម្មរបស់រណសិរ្សមាតុភូមិវៀតណាមត្រូវបានដាក់លើកម្រិតថ្មីមួយក្នុងសម័យបដិវត្តន៍បច្ចុប្បន្ន។

ក៏ក្នុងឆ្នាំ២០២៣ គណៈកម្មាធិការមជ្ឈិមបក្សបានចេញសេចក្តីសម្រេចចិត្តលេខ៤៣ ចុះថ្ងៃទី២៤ ខែវិច្ឆិកា ស្តីពីការបន្តលើកតម្កើងប្រពៃណីនិងកម្លាំងនៃផែនមហាសាមគ្គីជនជាតិទាំងមូល កសាងប្រទេសឱ្យកាន់តែសម្បូររុងរឿងនិងសប្បាយរីករាយ។ ក្នុងនោះ រណសិរ្សមាតុភូមិវៀតណាមនិងអង្គការនយោបាយ-សង្គមដើរតួនាទីជាស្នូល ប្រមូលផ្តុំប្រជាជនយ៉ាងទូលំទូលាយ ដើម្បីរួមកម្លាំងកាយចិត្តសម្រេចបាននូវសេចក្តីប្រាថ្នាក្នុងការកសាងប្រទេសរឹងមាំ និងអភិវឌ្ឍន៍ប្រកបដោយសុខសន្តិភាព។

អគ្គលេខាបក្សនិងជាប្រធានរដ្ឋ To Lam បានធ្វើជាសាក្សីប្រធានគណៈកម្មាធិការមជ្ឈិមរណសិរ្សមាតុភូមិវៀតណាមលោក Do Van Chien ប្រគល់ថវិកាឧបត្ថម្ភជុំទីមួយចំនួន ២០ ពាន់លានដុងពីគណៈកម្មាធិការចលនាសង្គ្រោះមជ្ឈិមដល់ខេត្ត Tuyen Quang ជំនះពុះពារលើផលវិបាក ព្យុះទី ៣ ។

បញ្ហាយុទ្ធសាស្ត្រដែលបានរៀបរាប់ខាងលើបង្ហាញពីការយកចិត្តទុកដាក់ពិសេសរបស់បក្សចំពោះតួនាទីរបស់ប្រជាជនដែលរណសិរ្សមាតុភូមិវៀត ណាមមានបេសកកម្មប្រមូលផ្តុំ សាមគ្គី និងលើកកម្ពស់ភាពច្នៃប្រឌិតរបស់ប្រជាជនទាំងមូលក្នុងការកសាង និងការពារមាតុភូមិ។ អតីតប្រធានរណសិរ្សមាតុភូមិវៀតណាម លោក Huynh Dam បានមានប្រសាសន៍ថា៖ “តាំងពីដើមមក បក្សកុម្មុយនិស្តវៀតណាមបានកំណត់ថា បើចង់ឲ្យបុព្វហេតុបដិវត្តន៍ទទួលជោគជ័យ ត្រូវតែជឿជាក់ ពឹងពាក់ និងលើកកំពស់កម្លាំងជនជាតិទាំងមូល ហើយត្រូវបញ្ជាក់ថា យកប្រជាជនជាឫសគល់។ ទស្សនៈទាំងនេះត្រូវបានទទួលមរតក ផ្សព្វផ្សាយ និងកាន់តែសុក្រិតពីមួយថ្ងៃទៅមួយថ្ងៃ។ មហាសាមគ្គី គឺជាកត្តាកំណត់ ជ័យជំនះប្រកបដោយនិរន្តរភាពនៃបុព្វហេតុបដិវត្តន៍វៀតណាម។

លើកកម្ពស់សាមគ្គីភាពក្នុងយុគសម័យស្ទុះឈានទៅមុខ

សមិទ្ធិផលនៃសម័យកាលឯករាជ្យ សេរីភាព និងសមិទ្ធិផលធំធេង មានអត្ថន័យប្រវត្តិសាស្ត្រនៃយុគសម័យនវានុវត្តន៍ និងអភិវឌ្ឍន៍បានបង្កើតឡើងនូវគោលបំនងដ៏រឹងមាំសម្រាប់វៀតណាមឈានចូលយុគសម័យថ្មី ដែលជាយុគសម័យស្ទុះឈានទៅមុខរបស់ប្រទេសជាតិ។

គណៈកម្មាធិការមជ្ឈិមរណសិរ្សមាតុភូមិវៀតណាមបានរៀបចំសន្និសីទរិះគន់សង្គមអំពីគម្រោងច្បាប់ភូមិបាល (កែប្រែ)។

មហាសន្និបាតបក្សលើកទី១៣ (២០២១) គូសបញ្ជាក់អំពីគោលដៅដល់ឆ្នាំ២០៤៥ វៀតណាមនឹងក្លាយជាប្រទេសអភិវឌ្ឍន៍ និងមានប្រាក់ចំណូលខ្ពស់។ ដើម្បីទទួលបានជោគជ័យ គឺត្រូវការខិតខំប្រឹងប្រែងរបស់បក្សទាំងមូល និងប្រជាជនទាំងមូល។ អញ្ជើញថ្លែងមតិក្នុងសន្និសីទសារព័ត៌មាននាថ្ងៃទី ៣ សីហា នៅទីក្រុងហាណូយ បន្ទាប់ពីត្រូវបានសន្និបាតគណៈកម្មាធិការមជ្ឈិមបក្សលើកទី ១៣ ជ្រើសរើសកាន់តំណែង អគ្គលេខាបក្ស ប្រធានរដ្ឋ តូ ឡឹមបានអះអាងថា៖ “ពង្រីកកម្លាំងមហាសាមគ្គីជនជាតិទាំងមូលក្នុងបុព្វហេតុកសាងនិងការពារមាតុភូមិ។ រក្សាជំហរ ទស្សនៈនិងការអនុវត្តយ៉ាងម៉ឺងម៉ាត់ដោយ “ប្រជាជនជាឫសគល់” “ប្រជាជនជាម្ចាស់កម្មវត្ថុ ជាមជ្ឈមណ្ឌលនៃកិច្ចការផ្លាស់ប្តូរថ្មី”; ធានាថា ប្រជាជនទាំងអស់រីករាយនឹងផ្លែផ្កាពីកិច្ចការផ្លាស់ប្តូរថ្មីនិងការអភិវឌ្ឍ ហើយបានរស់នៅប្រកបដោយភាពរីករាយក្នុងបរិយាកាសសុវត្ថិភាព ហើយគ្មាននរណាម្នាក់ត្រូវទុកចោលនៅពីក្រោយឡើយ”។

នៅមហាសន្និបាតតំណាងរណសិរ្សមាតុភូមិវៀតណាមលើកទី១០ អាណត្តិ ២០២៤ - ២០២៩ រណសិរ្សនឹងផ្ញើសារ និងអំពាវនាវឲ្យប្រជាជនលើកតម្កើងស្មារតីនៃការពឹងផ្អែកលើខ្លួនឯង ភាពជឿជាក់លើខ្លួនឯង និងគំនិតច្នៃប្រឌិត ដោយមានគោលដៅ “ប្រជាជនអ្នកមាន ប្រទេសជាតិសម្បូរធូធារ ប្រជាធិបតេយ្យ យុត្តិធម៌ អរិយធម៌” ដែលមានលក្ខណៈស្រដៀងគ្នា។ ការបង្កើនកម្លាំងនៃមហាសាមគ្គីភាព រួមកម្លាំងកាយចិត្ត នឹងនាំប្រទេសជាតិឱ្យឈានចូលយុគសម័យស្ទុះឈានទៅមុខ៕

វៀតណាម៖ មហាសន្និបាតតំណាងទូទាំងប្រទេសនៃសមាគមកសិករវៀតណាមលើកទី ៨ អាណត្តិ ២០២៣-២០២៨ បើកជាផ្លូវការ ប្រតិភូបានពិភាក្សា និងផ្តល់យោបល់លើសេចក្តីព្រាងឯកសារសំខាន់ៗដូចជា៖របាយការណ៍នយោបាយរបស់គណៈកម្មាធិការមជ្ឈិមសមគមកសិករវៀតណាម អាណត្តិទី ៧។

មហាសន្និបាតតំណាងសមាគមមិត្តភាពវៀតណាម-កម្ពុជា ខេត្ត Tay Ninh លើកទី ២ អាណត្តិ ២០២៣-២០២៨ នាថ្ងៃទី ២០ ខែធ្នូ បានប្រព្រឹត្តទៅមហាសន្និបាតតំណាងសមាគមមិត្តភាពវៀតណាម-កម្ពុជា ខេត្ត Tay Ninh លើកទី ២ អាណត្តិ ២០២៣-២០២៨។

យោងតាមវិទ្យុសំលេងវៀតណាម