វៀតណាម៖​ សកម្មភាពអបអរសាទរទិវាបុណ្យឯករាជ្យជាតិប្រព្រឹត្តទៅយ៉ាងគគ្រឹកគគ្រេងលើទូទាំងប្រទេស

នាព្រឹកថ្ងៃទី១ ខែកញ្ញា មន្ទីរទេសចរណ៍ហាណូយបានសម្របសម្រួលជាមួយមជ្ឈមណ្ឌលអភិរក្សបេតិកភណ្ឌហាណូយថាំងឡុង និងក្លឹបសហគមន៍ភូមិវៀតណាមរៀបចំកម្មវិធីដង្ហែរអោវដាយដែលមានឈ្មោះថា “Ao Dai តភ្ជាប់ផលិតផលទេសចរណ៍និងបេតិកភណ្ឌហាណូយឆ្នាំ២០២៤”។

កម្មវិធីនេះបានទាក់ទាញការឆ្លើយតបរបស់មន្ត្រី មន្ត្រីរាជការនៃស្ថាប័ន អង្គភាពនានានៅទីក្រុងហាណូយ រួមជាមួយនឹងប្រជាជនយ៉ាងច្រើនកុះករក្នុងរាជធានី មិត្តភក្តិក្នុងស្រុក និងអន្តរជាតិ។

កម្មវិធីត្រូវបានរៀបចំឡើងដើម្បីផ្សព្វផ្សាយ និងណែនាំតំបន់ទេសចរណ៍នៅទីក្រុងហាណូយ។ នេះក៏ជាសកម្មភាពពិសោធន៍ថ្មីមួយ ដែលទាក់ទាញភ្ញៀវទេសចរជាតិ និងអន្តរជាតិយ៉ាងច្រើនមកទីក្រុងហាណូយ ដោយហេតុនេះជំរុញតម្រូវការទេសចរណ៍។

ការរួមបញ្ចូលគ្នានៃការជិះកង់ និងពាក់ Ao dai ដើម្បីស្វែងយល់ពីតំបន់បេតិកភណ្ឌវប្បធម៌ធម្មតានៅទីក្រុងហាណូយ បង្កប់នូវអត្ថន័យដ៏ជ្រាលជ្រៅជាច្រើន រួមចំណែកក្នុងការតភ្ជាប់ទេសចរណ៍ និងបេតិកភណ្ឌតាមរបៀបពិសេស និងមានប្រសិទ្ធភាព។ អាស្រ័យហេតុនេះ លើកតម្កើងភាពស្រស់ស្អាតបែបប្រពៃណី និងទំនើប ដោយភ្ជាប់ភ្ញៀវទេសចរជាមួយនឹងបេតិកភណ្ឌ។

សកម្មភាពអបអរសាទរទិវាបុណ្យឯករាជ្យជាតិប្រព្រឹត្តទៅយ៉ាងគគ្រឹកគគ្រេងនៅខេត្ត Nghe An

នៅស្រុកព្រំដែន Ky Son ខេត្ត Nghe An ប្រជាជនបានព្យួរទង់ជាតិយ៉ាងអន្ទះសារ និងស្លៀកពាក់យ៉ាងស្រស់ស្អាតទៅកាន់មណ្ឌលស្រុកដើម្បីអបអរសាទរបុណ្យ តេតឯករាជ្យ។ លោក Lo Thanh Vinh ឃុំ Ta Ca ស្រុក Ky Son បានឲ្យដឹងថា៖ “ក្នុងឱកាសថ្ងៃទី ២ ខែកញ្ញាជារៀងរាល់ឆ្នាំ ប្រជាជនគ្រប់គ្នាសុទ្ធតែទន្ទឹងរង់ចាំទិវា បុណ្យឯករាជ្យជាតិ ដើម្បីចូលរួមក្នុងភាពដ៏សប្បាយរីករាយ ហាត់ប្រាណ កីឡា ហើយ សម្ដែងវប្បធម៌ និងសិល្បៈ”។

នៅស្រុកព្រំដែន Ky Son ប៉ុន្មានថ្ងៃនេះ គ្រួសារទាំងអស់បានត្រៀមរៀបចំស្ពក សែនដើម្បីថ្វាយអាសនៈលោកប្រធានហូជីមិញ និងអាសនៈដូនតា។ លោក Tho Ba Re អនុប្រធានគណៈកម្មាធិការប្រជាជនស្រុក Ky Son បានឲ្យដឹងថា ប្រជាជនដឹង គុណជានិច្ចចំពោះបក្ស លោកប្រធានហូជីមិញ អាជ្ញាធរគ្រប់ជាន់ថ្នាក់ដែលបានយក ចិត្តទុកដាក់ និងជួយឧបត្ថម្ភ ដើម្បីប្រជាជនមានជីវភាពរស់នៅប្រកបដោយសេចក្តី សុខដូចសព្វថ្ងៃនេះ។ “រាល់សកម្មភាពហ្វឹកហាត់កាយសម្បទានិងកីឡា ដើម្បីអបអរសាទរខួបលើក ទី៧៩ ទិវាបុណ្យជាតិ ទី២ ខែកញ្ញា ប្រព្រឹត្តទៅយ៉ាងផុសផុលនៅមូលដ្ឋាន រួមចំណែក បង្កើតបរិយាកាសដ៏សប្បាយរីករាយ ជូនប្រជាពលរដ្ឋ បង្ហាញពីទឹកចិត្តស្នេហាជាតិ សេចក្ដីស្រឡាញ់មាតុភូមិ និងការខិតខំប្រឹងប្រែងប្រឡងប្រណាំងធ្វើមានស្របច្បាប់ អភិវឌ្ឍន៍សេដ្ឋកិច្ច-សង្គមនៅស្រុក Ky Son”។

សកម្មភាពអបអរសាទរទិវាបុណ្យឯករាជ្យជាតិប្រព្រឹត្តទៅយ៉ាងគគ្រឹកគគ្រេងនៅខេត្ត Tuyen Quang

ក្នុងឱកាសទិវាបុណ្យជាតិឆ្នាំនេះ ភ្ញៀវទេសចររាប់ពាន់នាក់បានមកដល់ទីក្រុង Tuyen Quang ដើម្បីទស្សនាទេសភាពដ៏ស្រស់ស្អាតនៃ “រដ្ឋធានីរបស់ចលនាតស៊ូ បដិវត្តន៍”។ លោក Nguyen Minh Tu មកពីទីក្រុង Thai Nguyen បានចែករំលែកថា៖ “ជារៀងរាល់ឆ្នាំ ខេត្ត Tuyen Quang តែងតែរៀបចំពិធីបុណ្យដ៏ធំជាងគេក្នុងប្រទេស ដូច្នេះគ្រួសារខ្ញុំក៏ចង់ទៅលេងទីនេះម្ដង។ ភាពច្នៃប្រឌិតជាមួយនឹងគំរូអំពី ជនបទ លោកប្រធានហូជីមិញ និងមាតុប្រទេស ធ្វើឱ្យខ្ញុំចាប់អារម្មណ៍យ៉ាងខ្លាំង”។

ទង់ជាតិពណ៌ក្រហមទុំបក់រវិចៗ នៅក្នុងគ្រប់ទីក្រុង ពីវាលទំនាបទៅភូមិភ្នំ និងកោះ។ សកម្មភាពវប្បធម៌ កីឡាដ៏គគ្រឹកគគ្រេងនិងរីករាយ។ ទិវាបុណ្យឯករាជ្យជាតិ គឺជាឱកាសសម្រាប់ប្រជាជនរំលឹកដល់ឫសគល់របស់ខ្លួន ហើយខិតខំកសាងមាតុភូមិ និងប្រទេសជាតិបន្ថែមទៀត៕

ទិវាបុណ្យឯករាជ្យជាតិ ថ្ងៃទី ២ ខែកញ្ញា ឆ្នាំ ១៩៤៥ តាមរយៈការចងចាំរបស់សាក្សីបរទេស នាថ្ងៃទី ២ ខែកញ្ញា ឆ្នាំ ១៩៤៥ នៅទីលាន Ba Dinh ទីក្រុងហាណូយ ប្រធានហូជីមិញបានអានសេចក្តីប្រកាសឯករាជ្យផ្តល់កំណើតដល់សាធារណៈរដ្ឋប្រជាធិបតេយ្យវៀតណាម បើកសករាជថ្មីក្នុងប្រវត្តិសាស្ត្រវៀតណាម។ សាក្សី​ក្នុង​ព្រឹត្តិការណ៍​ប្រវត្តិសាស្ត្រ​ដ៏​សំខាន់​នេះ​មាន​ជនបរទេស​ជាច្រើន​នាក់ រួមទាំង​មន្ត្រី​ចារកម្ម​អាមេរិក Archimedes LA Patti ផងដែរ។

ពិធីអបអរសាទរខួបលើកទី ៧៩ នៃបដិវត្តន៍ខែសីហា (១៩ សីហា ១៩៤៥ - ១៩ សីហា ២០២៤) និងទិវាបុណ្យឯករាជ្យជាតិនៃសាធារណរដ្ឋសង្គមនិយមវៀតណាម (២ កញ្ញា ១៩៤៥ - ២ កញ្ញា ២០២ នាយប់ថ្ងៃទី ៣០ សីហា នៅរាជធានីភ្នំពេញ ស្ថានទូតវៀតណាមប្រចាំព្រះរាជាណាចក្រកម្ពុជា បានប្រារព្ធពិធីអបអរសាទរខួបលើកទី ៧៩ នៃបដិវត្តន៍ខែសីហា (១៩ សីហា ១៩៤៥ - ១៩ សីហា ២០២៤) និងទិវាបុណ្យឯករាជ្យជាតិនៃសាធារណរដ្ឋសង្គមនិយមវៀតណាម (២ កញ្ញា ១៩៤៥ - ២ កញ្ញា ២០២៤)។

យោងតាមវិទ្យុសំលេងវៀតណាម