វៀតណាមនិង UAE ជំរុញការបញ្ចប់ការចរចា និងចុះហត្ថលេខាលើកិច្ចព្រមព្រៀង CEPA

លោក Pham Minh Chinh នាយករដ្ឋមន្ត្រីវៀតណាម និងលោក Thani bin Ahmed Al Zeyoudi​ រដ្ឋលេខាធិការទទួលបន្ទុកពាណិជ្ជកម្មក្រៅប្រទេសនៃក្រសួងសេដ្ឋកិច្ចអេមីរ៉ាតអារ៉ាប់រួម

ស្វាគមន៍រដ្ឋលេខាធិការ Thani bin Ahmed Al Zeyoudi និងថ្នាក់ដឹកនាំធុរកិច្ចធំៗ របស់ UAE លើវិស័យជាច្រើនដូចជា logistics ថាមពល រ៉ែ អាហារ មូលនិធិវិនិយោគ ហិរញ្ញវត្ថុ ធនាគារ ... មកបំពេញទស្សនកិច្ចនៅវៀតណាម លោកនាយករដ្ឋមន្ដ្រីវៀតណាមបានវាយតម្លៃខ្ពស់ចំពោះកិច្ចខិតខំប្រឹងប្រែង និងវឌ្ឍនភាពដែលភាគីទាំងពីរសម្រេចបានក្នុងការចរចាកិច្ចព្រមព្រៀង CEPA រួមទាំងតួនាទីរបស់លោករដ្ឋលេខាធិការជាប្រធានក្រុមចរចា UAE ។

លោកនាយករដ្ឋមន្ត្រី Pham Minh Chinh បានអះអាងថា វៀតណាមយកចិត្ដទុកដាក់យ៉ាងខ្លាំងចំពោះទំនាក់ទំនងមិត្តភាព និងកិច្ចសហប្រតិបត្តិការលើគ្រប់វិស័យជាមួយ UAE ដែលជាដៃគូសេដ្ឋកិច្ចឈានមុខគេមួយរបស់វៀតណាមនៅក្នុងតំបន់មជ្ឈិមបូព៌ា។

លោកនាយករដ្ឋមន្ត្រីវៀតណាម និងលោករដ្ឋលេខាធិការ UAE បានសង្កត់ធ្ងន់លើការប្តេជ្ញាចិត្តក្នុងការបន្តជំរុញកិច្ចសហប្រតិបត្តិការលើគ្រប់វិស័យ ជាពិសេសការលើកកម្ពស់ទំនាក់ទំនងទ្វេភាគី និងបញ្ចប់ឲ្យបានឆាប់នូវការការចរចា និងចុះហត្ថលេខាលើកិច្ចព្រមព្រៀង CEPA ។

លោកនាយករដ្ឋមន្ត្រី Pham Minh Chinh បន្ថែមថា ភាគីទាំងពីរត្រូវតែបង្កើនការផ្លាស់ប្តូរគណៈប្រតិភូគ្រប់ជាន់ថ្នាក់ ជាពិសេសគណៈប្រតិភូជាន់ខ្ពស់; បញ្ចប់ឲ្យបានឆាប់នូវការចរចា និងចុះហត្ថលេខាលើកិច្ចព្រមព្រៀង CEPA និងផ្ដល់ផលប្រយោជន៍គ្នាទៅវិញទៅមក។ ទន្ទឹមនឹងនោះ បង្កើតលក្ខខណ្ឌអំណោយផលសម្រាប់ធុរកិច្ចនៃប្រទេសទាំងពីរដើម្បីធ្វើកិច្ចសហប្រតិបត្តិការ និងវិនិយោគ; ស្រាវជ្រាវ និងពិចារណាកាត់បន្ថយអត្រាពន្ធលើផលិតផលមួយចំនួន និងឆ្ពោះទៅគោលដៅសម្រេចបានទំហំពាណិជ្ជកម្មទ្វេភាគីចំនួន ១០ ពាន់លានដុល្លារ អាមេរិក។

លោករដ្ឋលេខាធិការ Thani bin Ahmed Al Zeyoudi បានជម្រាបជូនលោកនាយករដ្ឋមន្ត្រី Pham Minh Chinh អំពីដំណើរការចរចាស្ដីពីកិច្ចព្រមព្រៀង CEPA; ព្រមទាំងបានឲ្យដឹងថា ក្រសួង ស្ថាប័ននានារបស់ UAE កំពុងធ្វើការយ៉ាងសកម្មជាមួយក្រសួង ស្ថាប័នវៀតណាម ដើម្បីបញ្ចប់ការចរចា និងចុះហត្ថលេខាលើកិច្ចព្រមព្រៀងនេះក្នុងពេលឆាប់ៗនេះ។ អេមីរ៉ាតអារ៉ាប់រួមចង់ពង្រឹងកិច្ចសហប្រតិបត្តិការជាមួយសហគ្រាសផលិត និងកែច្នៃអាហារហាឡាល់នៅវៀតណាម។

លោករដ្ឋលេខាធិការ Thani bin Ahmed Al Zeyoudi បានឲ្យដឹងថា ភាគី UAE នឹងបង្កើតក្រុមប្រឹក្សាសហប្រតិបត្តិការអាជីវកម្មជាមួយវៀតណាម សំដៅជំរុញកិច្ចសហប្រតិបត្តិការវៀតណាម- UAE ឲ្យកាន់តែស៊ីជម្រៅ ជាក់ស្តែងនិងមានប្រសិទ្ធភាព ជាពិសេសក្នុងវិស័យពាណិជ្ជកម្ម និងវិនិយោគ៕

ណែនាំអាហារប្រពៃណី និងតន្ត្រីរបស់ UAE នៅផ្លូវដើរថ្មើរជើងទីក្រុងហាណូយ យុគសម័យ - នៅខែមិថុនា ស្ថានទូតអេមីរ៉ាត់អារ៉ាប់រួម (UAE) ត្រូវបានគេរំពឹងថានឹងរៀបចំកម្មវិធីមួយដើម្បីណែនាំម្ហូបអាហារ និងតន្ត្រីប្រពៃណីរបស់ UAE នៅតំបន់ដើរថ្មើរជើងទីក្រុងហាណូយ។ ព័ត៌មាននេះត្រូវបានប្រកាសដោយឯកអគ្គរដ្ឋទូតថ្មីរបស់ UAE លោក Bader Abdulla Almatrooshi ក្នុងជំនួបជាមួយអនុរដ្ឋមន្ត្រីក្រសួងវប្បធម៌ កីឡា និងទេសចរណ៍ Ta Quang Dong នាថ្ងៃទី ១៧ ឧសភា។

វៀតណាម - UAE នៅតែមានសក្ដានុពលច្រើនក្នុងការអភិវឌ្ឍការផ្លាស់ប្តូរវប្បធម៌និងភាសា យុគសម័យ - នេះជាសេចក្តីថ្លែងការណ៍របស់ឯកអគ្គរដ្ឋទូតអារ៉ាប់រួម (UAE) ប្រចាំនៅវៀតណាម លោក Bader Abdulla Almatrooshi ក្នុងជំនួបជាមួយប្រធានសម្ព័ន្ធអង្គការមិត្តភាពវៀតណាម (VUFO) លោក Nguyen Phuong Nga នាថ្ងៃទី ២២ មិនា នៅទីក្រុងហាណូយ។