ប្រទេសកម្ពុជា៖ ពិធីបិទកម្មវិធីបំប៉នចំណេះដឹងកិច្ចការបរទេសជូនថ្នាក់ដឹកនាំវ័យក្មេងកម្ពុជា-វៀតណាម-ឡាវ

គណៈប្រតិភូវៀតណាមចូលរួមកម្មវិធីបំប៉ន

កម្មវិធីបំប៉នថ្នាក់ដឹកនាំវ័យក្មេងនៅតាមបណ្តាខេត្តជាប់ព្រំដែនកម្ពុជា-វៀតណាម-ឡាវ ដែលរៀបចំដោយគណបក្សប្រជាជនកម្ពុជា ក្រោមកិច្ចព្រមព្រៀងរវាង សម្តេចតេជោ ហ៊ុន សែន ប្រធានគណបក្សប្រជាជនកម្ពុជា លោក Thongloun Sisouthlit អគ្គលេខាបក្សប្រជាជនបដិវត្តន៍ឡាវ ប្រធានរដ្ឋឡាវ និងលោក Nguyen Phu Trong អគ្គលេខាបក្សកុម្មុយនិស្តវៀតណាម។

កម្មវិធីនេះមានគោលបំណងបំពាក់នូវចំណេះដឹង និងជំនាញអំពីកិច្ចការបរទេស និងបង្កើតបរិយាកាសផ្លាស់ប្តូរសម្រាប់មន្ត្រីវ័យក្មេងនៅតាមខេត្តជាប់ព្រំដែននៃប្រទេសទាំងបី កម្ពុជា-វៀតណាម-ឡាវ។

នៅពេលចូលរួមក្នុងកម្មវិធី ប្រតិភូបានស្តាប់របាយការណ៍ប្រធានបទទាក់ទងនឹងសកម្មភាពនៃប្រទេសទាំងបី រួមមាន៖ ប្រធានបទអំពីទំនាក់ទំនងនយោបាយស្តីពីតំបន់ត្រីកោណអភិវឌ្ឍន៍កម្ពុជា-វៀតណាម-ឡាវ; ទស្សនកិច្ចសហប្រតិបត្តិការសន្តិសុខព្រំដែន; កិច្ចសហប្រតិបត្តិការលើវិស័យទេសចរណ៍ និងវប្បធម៌នៃប្រទេសទាំងបី; ភូមិសាស្ត្រនយោបាយ និងកិច្ចសហប្រតិបត្តិការអន្តរជាតិ; គោលនយោបាយ និងយុទ្ធសាស្ត្រសម្រាប់ការអភិវឌ្ឍសេដ្ឋកិច្ច-សង្គមរបស់កម្ពុជាពីឆ្នាំ ១៩៩៣ ដល់បច្ចុប្បន្ន; កិច្ចសហប្រតិបត្តិការសេដ្ឋកិច្ច និងពាណិជ្ជកម្មក្នុងក្របខ័ណ្ឌអាស៊ាន និង RCEP; ទៅទស្សនាព្រះបរមរាជវាំង និងសារមន្ទីរប្រល័យពូជសាសន៍ទួលស្លែង។

មន្ត្រីមកពីប្រទេសទាំងបី កម្ពុជា-វៀតណាម-ឡាវ ស្រាវជ្រាវខ្លឹមសារនៃកម្មវិធី

នេះជាឱកាសសម្រាប់មន្ត្រីមកពីខេត្តជាប់ព្រំដែននៃបក្សទាំងបី និងប្រទេសទាំងបីបានផ្លាស់ប្តូរ និងពិនិត្យឡើងវិញនូវប្រពៃណីប្រវត្តិសាស្ត្រនៃចំណងសាមគ្គីភាព ការភ្ជាប់ទំនាក់ទំនង និងការជួយគ្នាទៅវិញទៅមករវាងគណបក្សទាំងបី និងប្រជាជននៃប្រទេសទាំងបី ចែករំលែកបទពិសោធន៍ក្នុងការកសាងប្រទេសរបស់បក្សនីមួយៗ និងប្រទេសនីមួយៗនាសព្វថ្ងៃនេះ។

គួរំលឹកថា គណៈប្រតិភូវៀតណាមបានអញ្ជើញចូលជួបសម្តែងការគួរសមជាមួយ សម្ដេចតេជោ ហ៊ុន សែន ប្រធានគណបក្សប្រជាជនកម្ពុជា ប្រធានព្រឹទ្ធសភា នៃព្រះរាជាណាចក្រកម្ពុជា។

លោក Phan Nhu Nguyen ប្រធានគណៈប្រតិភូវៀតណាមដែលចូលរួមក្នុងកម្មវិធីនេះបានចែករំលែកថា៖ “កម្ពុជា-វៀតណាម-ឡាវ ជាប្រទេសជិតខាងទាំងបី ផឹកទឹកទន្លេមេគង្គតែមួយ មានភូមិសាស្ត្រជិតនឹងគ្នា និងមានភាពស្រដៀងគ្នាខាងវប្បធម៌ និងប្រវត្តិសាស្ត្រជាច្រើន។ ទំនាក់ទំនងជិតស្និទ្ធ សាមគ្គីភាព កិច្ចសហប្រតិបត្តិការ និងការជួយគ្នាទៅវិញទៅមករវាងបក្សទាំងបី និងប្រទេសទាំងបី គឺជាទ្រព្យសម្បត្តិដែលមិនអាចកាត់ថ្លៃបានរបស់ប្រជាជននៃប្រទេសទាំងបី”។

លោកវរសេនីយ៍ឯកបំរុង Phung Duc Hung អនុប្រធាននាយកដ្ឋានច្រកទ្វារព្រំដែនវៀតណាម ជាសមាជិកដែលចូលរួមក្នុងកម្មវិធីបានឲ្យ​ដឹង​ថា៖ “នេះគឺជាសកម្មភាពជាក់ស្តែង និងមានអត្ថន័យជ្រាលជ្រៅ រួមចំណែកយ៉ាងសកម្មក្នុងដំណើរការអភិវឌ្ឍន៍របស់បក្សនីមួយៗ។ ប្រទេសនីមួយៗ បង្ហាញពីទំនុកចិត្តយ៉ាងជ្រាលជ្រៅរវាងបក្សទាំងបី និងប្រទេសទាំងបី។ នេះក៏ជាឱកាសដ៏មានតម្លៃសម្រាប់មន្ត្រីនៃប្រទេសទាំងបីបានស្រាវជ្រាវផ្លាស់ប្តូរទ្រឹស្តី និងការអនុវត្តជាក់ស្តែង ដែលបក្សទាំងបីមានការយកចិត្តទុកដាក់ដូចគ្នា និងចែករំលែកបទពិសោធន៍ រៀនសូត្រពីគ្នាទៅវិញទៅមក និងរួមគ្នាកសាងទំនាក់ទំនងសាមគ្គីភាព កិច្ចសហប្រតិបត្តិការជិតស្និទ្ធ និងនិរន្តរភាពជារៀងរហូត។

ខេត្ត Kom Tum (វៀតណាម) បំផុសចលនាប្រឡងប្រណាំង បំពេញភារកិច្ចល្អសម្រាប់ត្រៀមរៀបចំជំនួបប្រាស្រ័យមិត្ដភាពការពារជាតិព្រំដែនវៀតណាម ឡាវ និងកម្ពុជា នាថ្ងៃទី ១៤ ខែវិច្ឆិកា គណៈកម្មាធិការបក្ស និងបញ្ជាការដ្ឋានកងទ័ពការពារព្រំដែនខេត្ត Kon Tum វៀតណាមបានរៀបចំពិធីបំផុសចលនាប្រឡងប្រណាំង ក្រោមប្រធានបទ "សាមគ្គីភាព សហការគ្នា បំពេញភារកិច្ចល្អសម្រាប់ត្រៀមរៀបចំជំនួបប្រាស្រ័យមិត្ដភាព ការពារជាតិព្រំដែនវៀតណាម ឡាវ កម្ពុជាលើកទី ១ ឆ្នាំ ២០២៣"។

គណៈប្រតិភូរដ្ឋសភានៃប្រទេសទាំងបី វៀតណាម - ឡាវ - កម្ពុជា បានទៅពិនិត្យជាក់ស្ដែងនៅតំបន់ត្រីកោណអភិវឌ្ឍន៍ យោងតាមសេចក្តីជូនដំណឹងកាលពីថ្ងៃទី ២១ ខែតុលា ពីរដ្ឋសភាកម្ពុជា គណៈប្រតិភូរដ្ឋសភានៃប្រទេសទាំងបី វៀតណាម - ឡាវ - កម្ពុជា បានទៅពិនិត្យជាក់ស្ដែងនៅតំបន់ត្រីកោណអភិវឌ្ឍន៍ចាប់ពីថ្ងៃទី ១៧ ដល់ថ្ងៃទី២១ ខែតុលា ឆ្នាំ២០២៣។ នេះជាការពិនិត្យរួមលើកដំបូងរវាងរដ្ឋសភានៃប្រទេសទាំងបី។

យោងតាមកាសែតកងទ័ពប្រជាជន