គណៈប្រតិភូរដ្ឋសភានៃប្រទេសទាំងបី វៀតណាម - ឡាវ - កម្ពុជា បានទៅពិនិត្យជាក់ស្ដែងនៅតំបន់ត្រីកោណអភិវឌ្ឍន៍

វៀតណាម ឡាវ និង កម្ពុជា ជំរុញកិច្ចសហប្រតិបត្តិការពាណិជ្ជកម្ម និងវិនិយោគក្នុងបរិបទសេដ្ឋកិច្ចឌីជីថល

សមិទ្ធផលស្រាវជ្រាវពីបណ្ឌិត្យសភានៃប្រទេសទាំងបី វៀតណាម ឡាវ និងកម្ពុជា មានសារៈសំខាន់ណាស់ក្នុងការដាក់ចេញទិសដៅ និងជាមូលដ្ឋានគ្រឹះនៃការអភិវឌ្ឍឲ្យបានត្រឹមត្រ

គណៈប្រតិភូរដ្ឋសភានៃប្រទេសកម្ពុជា ឡាវ និងវៀតណាម ថតរូបទុកជាអនុស្សាវរីយ៍

គណៈប្រតិភូបានជួបជាមួយតំណាងខេត្តចំនួន ១២ នៅតំបន់ត្រីកោណអភិវឌ្ឍន៍ រួមមាន មូលដ្ឋាន ៤ នៅវៀតណាម មូលដ្ឋាន ៤ នៅប្រទេសកម្ពុជា និងមូលដ្ឋាន ៤ នៅឡាវ។ គណៈប្រតិភូក៏បានទៅទស្សនាគម្រោងអភិវឌ្ឍន៍មួយចំនួននៅក្នុងខេត្តនៃប្រទេសទាំងបីផងដែរ។

គណៈប្រតិភូបានពិភាក្សាអំពីកិច្ចសហប្រតិបត្តិការក្នុងការអនុវត្តកិច្ចព្រមព្រៀង ផែនការធ្វើសកម្មភាព និងកម្មវិធីសហប្រតិបត្តិការរួម ដែលត្រូវបានព្រមព្រៀង និងចុះហត្ថលេខា។ ក្នុងវិស័យសេដ្ឋកិច្ច វប្បធម៌-សង្គម ការពារជាតិ និងសន្តិសុខសាធារណៈ គណៈប្រតិភូរដ្ឋសភាវៀតណាម-ឡាវ-កម្ពុជា បានលើកឡើងនូវអនុសាសន៍ និងដំណោះស្រាយចំនួន៩ ក្នុងនោះមាន៖ ស្នើឲ្យរដ្ឋសភានៃប្រទេសទាំងបីបន្តតាមដាន ត្រួតពិនិត្យការអនុវត្តកិច្ចព្រមព្រៀង និងគំនិតផ្តួចផ្តើមអភិវឌ្ឍដែលព្រមព្រៀង និងចុះហត្ថលេខាដោយរដ្ឋាភិបាលកម្ពុជា-ឡាវ-វៀតណាម។

ទី២ លើកទឹកចិត្តសមាជិករដ្ឋសភានៅតាមបណ្តាខេត្តក្នុងតំបន់ត្រីកោណអភិវឌ្ឍន៍ បង្កើនការផ្លាស់ប្ដូរ ការដឹកនាំ និងការគ្រប់គ្រងបញ្ហាដែលកើតឡើង ហើយអាចដាក់ជូនរដ្ឋសភា ឬរដ្ឋាភិបាល កម្ពុជា-ឡាវ-វៀតណាម ដើម្បីពិនិត្យ និងដោះស្រាយ។ ទី៣ លើកទឹលចិត្តស្ថាប័ននីតិបញ្ញត្តិកម្ពុជា-ឡាវ-វៀតណាម ជំរុញកិច្ចសហប្រតិបត្តិការលើវិស័យសេដ្ឋកិច្ច ពាណិជ្ជកម្ម វិនិយោគ សុខាភិបាល ទេសចរណ៍ អប់រំ និងបណ្តុះបណ្តាល។ល។

ទី៤ ផ្តល់អនុសាសន៍ឲ្យរដ្ឋាភិបាលនៃប្រទាំងបី បន្តបញ្ចូលគោលដៅអភិវឌ្ឍន៍តំបន់ត្រីកោណអភិវឌ្ឍន៍ទៅក្នុងផែនការអភិវឌ្ឍន៍សេដ្ឋកិច្ចសង្គមជាតិ និងមូលដ្ឋាន ដោយផ្ដល់អាទិភាពលើការបែងចែកថវិកាជាតិ។ ទី៥ ផ្តល់អនុសាសន៍ឲ្យអភិវឌ្ឍហេដ្ឋារចនាសម្ព័ន្ធសម្រាប់តំបន់ព្រំដែននៃប្រទេសកម្ពុជា-ឡាវ-វៀតណាម ដើម្បីបង្កលក្ខណៈងាយសម្រួលសម្រាប់សកម្មភាពពាណិជ្ជកម្មឆ្លងដែន និងជំនួបប្រាស្រ័យរវាងប្រជាជននិងប្រជាជន។

ទី៦ អភិវឌ្ឍច្រករបៀងអភិរក្សជីវចម្រុះក្នុងតំបន់ត្រីកោណអភិវឌ្ឍន៍ ដើម្បីការពារ អភិរក្ស និងអភិវឌ្ឍប្រព័ន្ធអេកូឡូស៊ីធម្មជាតិ និងជីវចម្រុះ ធានាស្ថិរភាព និងភាពនៃអំពីអាហារ និងការការពារធម្មជាតិ។ ទី៧ ជំរុញការផ្លាស់ប្តូរចំណេះដឹង បទពិសោធន៍ និងជំនាញវិជ្ជាជីវៈ ដើម្បីជួយគាំទ្រដល់ការអភិវឌ្ឍវិស័យអប់រំ និងបណ្តុះបណ្តាល វិទ្យាសាស្ត្រ និងបច្ចេកវិទ្យាក្នុងវិស័យដែលពាក់ព័ន្ធ ជាពិសេសលើវិស័យកសិកម្ម និងឧស្សាហកម្មម្ហូបអាហារ ពាណិជ្ជកម្មអាហារ។

ទីប្រាំបី ផ្តល់អនុសាសន៍ឲ្យរដ្ឋាភិបាលនៃប្រទេសទាំងបី ផ្តល់អាទិភាពដល់ការផ្សព្វផ្សាយ និងជម្រុញការអនុវត្តកិច្ចព្រមព្រៀង និងឯកសារដែលបានចុះហត្ថលេខា។ ទីប្រាំបួន ស្នើឲ្យរដ្ឋាភិបាលនៃប្រទេសទាំងបី បន្តសហការក្នុងការស្វែងរក និងធ្វើមាតុភូមិនិវត្តន៍អដ្ឋិធាតុយុទ្ធជនពលីវៀតណាម ដែលពលីជីវិតក្នុងសង្គ្រាមនៅប្រទេសទាំងបី៕

យោងតាមកាសែតកងទ័ពប្រជាជន