ជោគជ័យរបស់អាណិកជនវៀតណាមនៅឯបរទេសក៏ជាជោគជ័យរបស់ប្រទេសជាតិផងដែរ

នាយករដ្ឋមន្ត្រី និងលោកជំទាវបានថតរូបអនុស្សាវរីយ៍ជាមួយកម្មាភិបាលនិងបុគ្គលិកនៃស្ថានទូតវៀតណាមប្រចាំនៅកូរ៉េខាងត្បូង។

ក្នុងជំនួបនេះ ឯកអគ្គរដ្ឋទូតវៀតណាមប្រចាំនៅកូរ៉េខាងត្បូង លោក Vu Ho បានជម្រាបជូនលោកនាយករដ្ឋមន្ត្រីពីស្ថានភាពរបស់សហគមន៍ជនវៀតណាមកំពុងរស់នៅ សិក្សារៀនសូត្រនិងធ្វើការនៅកូរ៉េខាងត្បូង។ យ៉ាងណាមិញ សហគមន៍ជនវៀតណាមតែងតែជួយគ្នាទៅវិញទៅមក សម្របខ្លួនយ៉ាងល្អប្រសើរជាមួយប្រទេសសាមី ព្រមទាំងរួមចំណែកយ៉ាងសកម្មក្នុងការផ្សព្វផ្សាយរូបភាព និងវប្បធម៌វៀតណាមនៅកូរ៉េខាងត្បូង។

អញ្ជើញថ្លែងមតិក្នុងពិធី នាយករដ្ឋមន្ត្រីលោក Pham Minh Chinh បានវាយតម្លៃថា ទំនាក់ទំនងវៀតណាម-កូរ៉េខាងត្បូងបច្ចុប្បន្ននេះ មិនដែលល្អប្រសើរជាងពេលណាៗទាំងអស់ លើគ្រប់វិស័យនោះទេ។ ទំនាក់ទំនងលើគ្រប់ជ្រុងជ្រោយនេះបង្កើតលក្ខខណ្ឌអំណោយផលសម្រាប់សហគមន៍ជនវៀតណាមរស់នៅ ធ្វើការ សិក្សា និងស្រាវជ្រាវនៅប្រទេសកូរ៉េខាងត្បូង។ លោកនាយករដ្ឋមន្ត្រីបានអះអាងថា បក្ស រដ្ឋ ជានិច្ចកាលចាត់ទុកសហគមន៍ជនវៀតណាមនៅបរទេសជាផ្នែកមួយដែលមិនអាចកាត់ផ្តាច់បាននៃសហគមន៍ជនជាតិវៀតណាម។ យោងតាមលោកនាយករដ្ឋមន្ត្រី ជនវៀតណាមនៅឯបរទេសដែលទទួលបានជោគជ័យ គឺរួមចំណែកដល់ប្រទេសជាតិ និងទំនាក់ទំនងទ្វេភាគី នេះក៏ជាជោគជ័យរបស់ប្រទេសជាតិ បក្ស និងរដ្ឋផងដែរ៕

មហាវិទ្យាល័យសន្តិសុខប្រជាជនលេខ១៖​ ពិធីប្រគល់សញ្ញាបត្រជូន​មន្ត្រីក្រសួងមហាផ្ទៃនៃព្រះរាជាណាចក្រកម្ពុជា នាថ្ងៃទី ២៨ មិថុនា នៅទីក្រុងហាណូយ មហាវិទ្យាល័យសន្តិសុខប្រជាជនលេខ១ បានរៀបចំពិធីបិទ និងប្រគល់សញ្ញាប័ត្រវគ្គបណ្តុះបណ្តាលថ្នាក់បរិញ្ញាប័ត្ររង ជំនាញឈ្លបយកការណ៍សន្តិសុខ ជូនមន្ត្រីក្រសួងមហាផ្ទៃនៃព្រះរាជាណាចក្រកម្ពុជា។

ថ្នាក់ដឹកនាំបក្សកុម្មុយនិស្តវៀតណាមអបអរសាទរខួបលើកទី៧៣ នៃការបង្កើតគណបក្សប្រជាជនកម្ពុជា ក្នុងឱកាសខួបលើកទី ៧៣ នៃការបង្កើតគណបក្សប្រជាជនកម្ពុជា (២៨ មិថុនា ១៩៥១ / ២៨ មិថុនា ២០២៤) គណៈកម្មាធិការមជ្ឈិមបក្សកុម្មុយនិស្តវៀតណាមបានផ្ញើសារទូលេខអបអរសាទរជូនចំពោះគណៈកម្មាធិការកណ្តាលគណបក្សប្រជាជនកម្ពុជា។

យោងតាមវិទ្យុសំលេងវៀតណាម