នគរបាលទីក្រុងហូជីមិញ និងនគរបាលខេត្ត Long An ជួបសំណេះសំណាលជាមួយនគរបាលខេត្តស្វាយរៀង

ប្រតិភូទាំងឡាយថតរូបអនុស្សាវរីយ៍នៅជំនួបសំណេះសំណាល

លោកឧត្តមសេនីយ៍ទោ Le Hong Nam នាយកនគរបាលទីក្រុងហូជីមិញ និងលោកវរសេនីយ៍ឯក Lam Minh Hong នាយកនគរបាលខេត្ត Long An បានអញ្ជើញជាអធិបតីក្នុងពិធីទទួលគណៈប្រតិភូនគរបាលកម្ពុជាដឹកនាំដោយលោកឧត្តមសេនីយ៍ទោ ពេជ្រ វីរៈ ស្នងការនគរបាលខេត្តស្វាយរៀង។

ក្នុងជំនួបនេះ លោកវរសេនីយ៍ឯក Lam Minh Hong បានឲ្យដឹងថា នាពេលកន្លងមក នគរបាលខេត្ត Long An និងនគរបាលទីក្រុងហូជីមិញ និងស្នងការដ្ឋាននគរបាលខេត្តស្វាយរៀងបានចុះកិច្ចព្រមព្រៀងជាច្រើន និងសម្រេចបានលទ្ធផលសំខាន់ៗជាច្រើនក្នុងការធានាសន្តិសុខ និងសណ្តាប់ធ្នាប់របស់មូលដ្ឋាននីមួយៗ។

នាពេលកន្លងមក ស្ថានភាពនៃឧក្រិដ្ឋកម្ម ជាពិសេសឧក្រិដ្ឋកម្មឆ្លងដែនមានការវិវឌ្ឍយ៉ាងស្មុគស្មាញ ដែលគម្រាមកំហែងដល់សន្តិភាព និងសន្តិសុខអន្តរជាតិ។ ដូច្នេះ កិច្ចសហប្រតិបត្តិការសន្តិសុខនិងចែករំលែកព័ត៌មានគឺជាខ្លឹមសារសំខាន់មួយដើម្បីរួមចំណែករក្សាស្ថិរភាពនយោបាយ អភិវឌ្ឍសេដ្ឋកិច្ចសង្គម និងធានាស្ថិរភាពសន្តិសុខនៃប្រទេសទាំងពីរ។

នាយកទីក្រុងហូជីមិញ ក៏បានអះអាងដែរថា ការធានារក្សាសណ្តាប់ធ្នាប់ និងសន្តិសុខនៅកន្លែងដែលដាក់ទីស្នាក់ការអគ្គកុងស៊ុល និងការិយាល័យពាណិជ្ជកម្មកម្ពុជាប្រចាំនៅទីក្រុងហូជីមិញគឺជាភារកិច្ចពិសេសដែលនគរបាលទីក្រុងយកចិត្តទុក ដាក់។

លោកឧត្តមសេនីយ៍ទោ Le Hong Nam សង្ឃឹមថា ភាគីទាំងពីរនឹងបន្តបង្កើនការផ្លាស់ប្តូរព័ត៌មាន និងបទពិសោធន៍ក្នុងការ ទប់ស្កាត់និងប្រយុទ្ធប្រឆាំងឧក្រិដ្ឋកម្ម; ផ្លាស់ប្តូរព័ត៌មាននិងសម្របសម្រួលការស៊ើបអង្កេតឧក្រិដ្ឋកម្មឆ្លងដែនជាមួយនគរបាលខេត្ត-ក្រុងរបស់កម្ពុជា ជាពិសេសខេត្តជាប់ព្រំដែនដូចជាខេត្តស្វាយរៀង។

ក្នុងឱកាសនេះ នគរបាលទីក្រុងហូជីមិញសហការជាមួយនគរបាលខេត្ត Long An ប្រគល់ម៉ូតូនាំផ្លូវគណៈប្រតិភូចំនួន ២​គ្រឿងជូនដល់ស្នងការដ្ឋាននគរបាលខេត្តស្វាយរៀង និងប្រគល់វត្ថុអនុស្សាវរីយ៍ជូនសមាជិកគណៈប្រតិភូនគរបាលកម្ពុជា។ ជាការឆ្លើយតប គណៈប្រតិភូនគរបាលកម្ពុជាក៏បានប្រគល់វត្ថុអនុស្សាវរីយ៍ជូនថ្នាក់ដឹកនាំនគរបាលទីក្រុងហូជីមិញនិងនគរបាល​ខេត្ដ Long An ផងដែរ៕

កិច្ចប្រជុំបូកសរុបលទ្ធផលនៃកិច្ចសហប្រតិបត្តិការរវាងស្នងការដ្ឋាននគរបាលខេត្តព្រៃវែង និងនគរបាលខេត្ត Dong Thap ឆ្នាំ ២០២៣ ស្តីពីការធានាសន្តិសុខ សណ្តាប់ធ្នា នាថ្ងៃទី២០ ខែកុម្ភៈ នៅស្នងការដ្ឋាននគរបាលខេត្តព្រៃវែង គណៈប្រតិភូនគរបាលខេត្ត Dong Thap (វៀតណាម) ដឹកនាំដោយលោកវរសេនីយ៍ឯក Nguyen Van Hieu នាយកនគរបាលខេត្ត បានអញ្ជើញចូលរួមកិច្ចប្រជុំបូកសរុបលទ្ធផលនៃកិច្ចសហប្រតិបត្តិការរវាងស្នងការដ្ឋាននគរបាលខេត្តព្រៃវែង និងនគរបាលខេត្ត Dong Thap ឆ្នាំ ២០២៣ ស្តីពីការធានាសន្តិសុខ សណ្តាប់ធ្នាប់សង្គម និងសុវត្ថិភាពនៅតាមតំបន់ព្រំដែន និងពិភាក្សាអំពីទិសដៅអនុវត្តក្នុងរយៈពេល ៦ ខែដើមឆ្នាំ ២០២៤។

កុមារ និងមនុស្សចាស់ត្រូវបានលើកលែង និងកាត់បន្ថយថ្លៃចូលទស្សនាឈូងសមុទ្រ Ha Long និង Bai Tu Long យុគសម័យ - ក្រុមប្រឹក្សាគ្រប់គ្រងឈូងសមុទ្រ Ha Long (Quang Ninh) បានចាប់ផ្តើមអនុវត្តគោលនយោបាយថ្មីនៃការលើកលែង និងកាត់បន្ថយថ្លៃសំបុត្រចូលទស្សនាឈូងសមុទ្រ Ha Long និង Bai Tu Long ចាប់ពីថ្ងៃទី ១៧ ខែកក្កដា ដោយជំនួសបទប្បញ្ញត្តិ និងគោលការណ៍ណែនាំពីមុន។

យោងតាមកាសែតកងទ័ពប្រជាជន