នាថ្ងៃទី ២៣ មិថុនា បញ្ជាការដ្ឋានទីក្រុងហូជីមិញបានសម្របសម្រួលជាមួយសមាគមមិត្តភាពវៀតណាម - កម្ពុជា នៃទីក្រុងហូជីមិញ សម្ព័ន្ធអង្គការមិត្តភាពខេត្ត Tay Ninh សមាគមមិត្តភាពវៀតណាម - កម្ពុជាខេត្ត Tay Ninh និងក្រុមគ្រូពេទ្យ Tam Viet រៀបចំកម្មវិធីពិនិត្យសុខភាព ចែកថ្នាំពេទ្យ និងផ្តល់អំណោយដល់ជនក្រីក្រនៅឃុំ Tan Binh ស្រុក Tan Bien ខេត្ត Tay Ninh និងឃុំកក់ ស្រុកពញាក្រែក ខេត្តត្បូងឃ្មុំ។
 |
| គណៈកម្មការរៀបចំផ្តល់អំណោយដល់ប្រជាពលរដ្ឋដែលមានស្ថានភាពលំបាក |
អញ្ជើញចូលរួមកម្មវិធីមានលោកឧត្តមសេនីយ៍ទោ Nguyen Van Nam មេបញ្ជាការបញ្ជាការដ្ឋានទីក្រុងហូជីមិញ ប្រធានសមាគមមិត្តភាពវៀតណាម-កម្ពុជានៃទីក្រុងហូជីមិញ
នៅក្នុងកម្មវិធីនោះ ប្រជាពលរដ្ឋក្រីក្រ មនុស្សចាស់ឯកោ កុមារកំព្រា និងសិស្សល្អសង្វាតសិក្សា ត្រូវបានពិនិត្យ ផ្តល់ប្រឹក្សាសុខភាព និងផ្តល់ថ្នាំពេទ្យដោយឥតគិតថ្លៃ។ លើសពីនេះ គណៈកម្មការរៀបចំក៏បានផ្តល់ថវិកាជាង ៣០០ លានដុង ដើម្បីសាងសង់ផ្ទះ «មនោសញ្ចេតនារវាងកងទ័ព - ប្រជាជន» ចំនួន ២ ខ្នង ជូនស្រុក Tan Bien ខេត្ត Tay Ninh និងផ្ទះចំនួន ២ ខ្នង ជូនឃុំ Tan Binh ស្រុក Tan Bien និងផ្តល់អំណោយចំនួន ៨០០ ជូនគ្រួសារមានស្ថានភាពលំបាក សរុប ១៦០ លានដុង។
អញ្ជើញថ្លែងមតិក្នុងកម្មវិធី លោកឧត្តមសេនីយ៍ទោ Nguyen Van Nam បានអះអាងថា៖ កម្មវិធីគឺជាសកម្មភាពជាក់ស្តែង និងមានអត្ថន័យ រួមចំណែកថែរក្សាជីវភាពរស់នៅរបស់ប្រជាជននៅតំបន់ព្រំដែននៃប្រទេសទាំងពីរឱ្យកាន់តែល្អប្រសើរ ដែលជាសក្ខីភាពនៃចំណងមិត្តភាពពិសេសរវាងប្រជាជនវៀតណាម និងកម្ពុជា។
លោកឧត្តមសេនីយ៍ទោ Nguyen Van Nam បានឲ្យដឹងថា នាពេលខាងមុខ បញ្ជាការដ្ឋានទីក្រុងហូជីមិញ និងសមាគមមិត្តភាពវៀតណាម-កម្ពុជានៃទីក្រុងហូជីមិញ នឹងបន្តសម្របសម្រួលជាមួយអង្គភាព និងមូលដ្ឋានរៀបចំសកម្មភាពជាក់ស្តែងជាច្រើន ដើម្បីរួមចំណែកក្នុងការពង្រឹង និងពង្រីកទំនាក់ទំនងមិត្តភាព និងកិច្ចសហប្រតិបត្តិការរវាងប្រទេសទាំងពីរកាន់តែរឹងមាំពីមួយថ្ងៃទៅមួយថ្ងៃ៕
 កងទ័ពប្រជាជនវៀតណាម អញ្ជើញទៅសួរសុខទុក្ខ និងជូនពរចូលឆ្នាំថ្មីប្រពៃណីជាតិខ្មែរ នៅកម្ពុជា ក្នុងឱកាសពិធីបុណ្យចូលឆ្នាំថ្មីប្រពៃណីជាតិខ្មែរ ចាប់ពីថ្ងៃទី២៨ ដល់ថ្ងៃទី៣០ ខែមីនា គណៈប្រតិភូយោធភូមិភាគទី៥ ដឹកនាំដោយលោកឧត្តមសេនីយ៍ទោ Trinh Dinh Thach ប្រធាននយោបាយយោធភូមិភាគ បានអញ្ជើញទៅសាកសួរសុខទុក្ខ ជូនពរចូលឆ្នាំថ្មី នៅអង្គភាពយោធា និងខេត្តក្រុងមួយចំនួន នៃព្រះរាជាណាចក្រកម្ពុជា។ |
 បើកវគ្គបំប៉នភាសាជនជាតិ Bru-Van Kieu (ភាសាជនជាតិភាគតិចវៀតណាម) វគ្គបំប៉នភាសាជនជាតិ Bru-Van Kieu មាន ៦៤ ពេល ហើយរៀនពេលយប់នៅថ្ងៃច័ន្ទ ពុធ សុក្រ និងថ្ងៃសៅរ៍្រប្រចាំសប្តាហ៍។ នេះជាសកម្មភាពក្នុងគោលបំណងអនុវត្ដតាមទិសដៅរបស់គណៈកម្មាធិការបក្ស បញ្ជាការដ្ឋានអង្គភាពលេខ១៥ ស្តីពីការងារចលនាមហាជន៖ "អង្គភាពផ្សារភ្ជាប់ជាមួយនឹងគ្រួសារជាជនជាតិភាគតិច" និងបាវចនារបស់អង្គភាពគឺ "រស់នៅ ធ្វើការ និយាយភាសាជនជាតិ"។ |
មតិពីមិត្តអ្នកអាន