វៀតណាមនិងកម្ពុជាចុះហត្ថ លេខាលើអនុស្សរណៈនៃការយោគយល់គ្នាស្តីពីកិច្ចសហប្រតិបត្តិការរវាងទីភ្នាក់ងារ ទាំងពីរ

អគ្គអធិការរដ្ឋាភិបាលវៀតណាម លោក Doan Hong Phong និងលោក ហួត ហាក់រដ្ឋមន្ត្រីក្រសួងអធិការកិច្ចនៃព្រះរាជាណាចក្រកម្ពុជា។

ថ្លែងមតិក្នុងជំនួបនេះ អគ្គអធិការរដ្ឋាភិបាលវៀតណាម លោក Doan Hong Phong បានសង្កត់ធ្ងន់ថា ដំណើរទស្សនកិច្ចការងាររបស់លោករដ្ឋមន្ត្រី ហួត ហាក់ និងគណៈប្រតិភូជាន់ខ្ពស់នៃក្រសួងអធិការកិច្ចកម្ពុជា មកវៀតណាមលើកនេះ គឺជាការបង្ហាញយ៉ាងរស់រវើកនៃទំនាក់ទំនងសហប្រតិបត្តិការមិត្តភាពល្អប្រសើររវាងអធិការកិច្ចរដ្ឋាភិបាលវៀតណាម និងក្រសួងអធិការកិច្ចកម្ពុជា ក្នុងប៉ុន្មានឆ្នាំកន្លងមកនេះ។ អគ្គអធិការរដ្ឋាភិបាល លោក Doan Hong Phong ជឿជាក់ថា ផ្នែកអធិការកិច្ចនៃ ប្រទេសទាំងពីរនឹងបន្តពង្រឹងទំនាក់ទំនងមិត្តភាពដ៏ល្អប្រសើរ កិច្ចសហប្រតិបត្តិការ ជាក់ស្តែង និងប្រកបដោយប្រសិទ្ធភាព។

រីឯខ្លួនវិញលោក ហួត ហាក់ រដ្ឋមន្ត្រីក្រសួងអធិការកិច្ចកម្ពុជា ក៏សម្ដែងជំនឿជាក់ថា ដំណើរទស្សនកិច្ចលើកនេះនឹងរួមចំណែកពង្រឹង និងពង្រីកថែមទៀតនូវទំនាក់ ទំនងរវាងប្រទេសទាំងពីរ។ តាមរយៈជំនួបធ្វើការនេះ ការអនុវត្តអនុស្សារណៈនៃការ យោគយល់គ្នារវាងស្ថាប័នអធិការកិច្ចទាំងពីរនឹងសម្រេចបាននូវជោគជ័យថ្មីៗ និងធំធេងជាច្រើនទៀត។​ បន្ទាប់ពីពិធីទទួល អគ្គអធិការកិច្ចរដ្ឋាភិបាលវៀតណាមបានជួបពិភាក្សាការងារ ជាមួយគណៈ​ប្រតិភូជាន់ខ្ពស់នៃក្រសួងអធិការកិច្ចកម្ពុជា។ ភាគីទាំងពីរក៏បានចុះហត្ថ លេខាលើអនុស្សរណៈនៃការយោគយល់គ្នាស្តីពីកិច្ចសហប្រតិបត្តិការរវាងទីភ្នាក់ងារ ទាំងពីរផងដែរ៕

វៀតណាមប្រឆាំងរាល់សកម្មភាពញុះញង់និងបំបែកបំបាក់មនោសញ្ជេតនារវាងវៀតណាមនិងកម្ពុជា នាថ្ងៃទី ២៣ ឧសភា អ្នកនាំពាក្យក្រសួងការបរទេសវៀតណាម លោកស្រី Pham Thu Hang បានលើកឡើងពីទស្សនៈរបស់វៀតណាមចំពោះសំណើរបស់កម្ពុជា ដែលស្នើឱ្យវៀតណាមសហការស៊ើបអង្កេតព័ត៌មានលើគណនីបណ្ដាញសង្គមមួយចំនួន ដែលត្រូវចាត់ទុកថា ជារបស់ជនជាតិវៀតណាមដែលប្រើពាក្យពេជន៏មិនសមរម្យលើគណនីបណ្តាញសង្គមរបស់ប្រធានព្រឹទ្ធសភា សម្តេចតេជោ ហ៊ុន សែន។

វៀតណាមនិងកម្ពុជាធ្វើការយាមល្បាតរួមលើកទី៧៤ ពីថ្ងៃទី ១៤ ដល់ថ្ងៃទី ១៥ ខែមីនា ក្នុងដែនទឹកប្រវត្តិសាស្ត្រវៀតណាម-កម្ពុជា កងទ័ពជើងទឹកប្រជាជនវៀតណាម និងកងទ័ពជើងទឹកកម្ពុជា បានធ្វើការយាមល្បាតរួមលើកទី ៧៤។

យោងតាមវិទ្យុសំលេងវៀតណាម