នារសៀលថ្ងៃទី ២១ ឧសភា នៅឈាបនដ្ឋានយុទ្ធជនពលីស្រុក Duc Co ខេត្ត Gia Lai ប្រទេសវៀតណាម គណៈកម្មាធិការប្រជាជនស្រុក Duc Co បានសម្របសម្រួលជាមួយសមាគមន៍ពុទ្ធសាសនាខេត្ត Gia Lai និងវត្ត Tu Quang រៀបចំពិធីសូត្រមន្តបង្សុកូលអដ្ឋិធាតុកងទ័ពស្ម័គ្រចិត្ត និងអ្នកជំនាញវៀតណាម ដែលពលីជីវិតកាលពីសម័យសង្គ្រាមនៅកម្ពុជា ទើបតែត្រូវបានប្រមូលនៅរដូវប្រាំងឆ្នាំ ២០២៣-២០២៤។
 ខេត្ត Quang Ninh (ប្រទេសវៀតណាម)៖ វៀតណាម - EU រួមដៃគ្នាដើម្បីបរិស្ថានស្អាត |
 ខេត្ត Hoa Binh (វៀតណាម)៖ ស្វែងយល់នូវវប្បធម៌ជនជាតិ Muong |
 |
| ខេត្ត Gia Lai (វៀតណាម)៖ ពិធីសូត្រមន្តបង្សុកូលអដ្ឋិធាតុកងទ័ពស្ម័គ្រចិត្ត និងអ្នកជំនាញវៀតណាមដែលពលីជីវិតនៅកម្ពុជា |
អញ្ជើញចូលរួមក្នុងពិធីនេះមានលោកស្រី Nguyen Thi Thanh Lich អនុប្រធានគណៈកម្មាធិការប្រជាជនខេត្ត ប្រធានគណៈកម្មការជំនាញខេត្ត រួមជាមួយសមាជិកគណៈកម្មការជំនាញខេត្ត ថ្នាក់ដឹកនាំមន្ទីរ ស្ថាប័ន អង្គភាព គណៈកម្មាធិការបក្ស អាជ្ញាធរ និងប្រជាជនស្រុក Duc Co។
ពិធីសូត្រមន្តបង្សុកូលបានប្រព្រឹត្តទៅក្នុងបរិយាកាសដ៏អធិកអធម និងបង្ហាញពីប្រពៃណីដ៏ល្អរបស់ប្រជាជាតិវៀតណាម និងអប់រំយុវជនជំនាន់ក្រោយអំពីប្រពៃណីស្នេហាជាតិ និងការដឹងគុណចំពោះការរួមវិភាគទានដ៏ធំធេងរបស់វីរយុទ្ធជនពលីដែលពលីជីវិតដើម្បីឯករាជ្យជាតិ និងកាតព្វកិច្ចអន្តរជាតិដ៏ថ្លៃថ្នូ។
ក្នុងពិធីនេះ ថ្នាក់ដឹកនាំខេត្ត ស្រុក និងប្រជាជនបានដាក់ផ្កា អុជធូបគោរពវិញ្ញាណក្ខន្ធសម្តែងនូវការដឹងគុណយ៉ាងជ្រាលជ្រៅចំពោះកងទ័ពស្ម័គ្រចិត្ត និងអ្នកជំនាញវៀតណាមដែលបានពលីជីវិតក្នុងសមរភូមិកម្ពុជា។ កម្មាភិបាល និងសមាជិកសមាគមអតីតយុទ្ធជនខេត្ត-ស្រុក ក៏បានអុជធូបសម្តែងនូវការដឹងគុណចំពោះយុទ្ធមិត្តផងដែរ។
គួរបញ្ជាក់ថា នៅរដូវប្រាំងឆ្នាំ២០២៣-២០២៤ ក្រុម K៥២ (បញ្ជាការដ្ឋានយោធាខេត្ត) បានប្រមូលអដ្ឋិធាតុយុទ្ធជនពលីចំនួន២១ អដ្ឋិធាតុនៅកម្ពុជា។ បន្ទាប់ពីពិធីសូត្រមន្តបង្សុកូលរួច អដ្ឋិធាតុយុទ្ធជនពលីចំនួន ២១ អដ្ឋិធាតុនឹងបន្តត្រូវបានរក្សាទុក និងបូជានៅគេហដ្ឋានរំលឹកវិញ្ញាណក្ខន្ធយុទ្ធជនពលីស្រុក Duc Co។
តាមការគ្រោងទុក នាព្រឹកថ្ងៃទី២៣ ឧសភា គណៈកម្មការជំនាញខេត្ត និងគណៈកម្មាធិការប្រជាជនស្រុក Duc Co នឹងរៀបចំពិធីបញ្ចុះអដ្ឋិធាតុយុទ្ធជនពលីចំនួន ២១ អដ្ឋិធាតុ នៅទីឈាបនដ្ឋានយុទ្ធជនពលីស្រុក Duc Co៕
មតិពីមិត្តអ្នកអាន