នាថ្មីៗនេះ នៅទីស្នាក់ការស្ថានទូតវៀតណាមប្រចាំព្រះរាជាណាចក្រកម្ពុជា គណៈកម្មាធិការបក្សប្រចាំនៅកម្ពុជាបានប្រារព្ធយ៉ាងឱឡារិកនូវពិធីអុជធូបរំលឹកខួបលើកទី ១៣៤ នៃថ្ងៃកំណើតលោកប្រធានហូជីមិញ។
 បញ្ជាការដ្ឋានយោធាខេត្ត Kien Giang៖ ពិនិត្យសុខភាព និងផ្ដល់ថ្នាំពេទ្យជូនប្រជាពលរដ្ឋកម្ពុជា |
 កម្មភាពជាច្រើនក្នុងដំណើរកម្សាន្តស្វែងយល់ក្រោមប្រធានបទ «រង្វង់ដៃធំ» |
 |
| ទិដ្ឋភាពនៃពិធីអុជធូប |
ពិធីនេះប្រព្រឹត្តទៅក្រោមអធិបតីភាព លោក Nguyen Huy Tang លេខាគណៈកម្មាធិការបក្ស និងឯកអគ្គរដ្ឋទូតវៀតណាមប្រចាំកម្ពុជា ដោយមានការចូលរួមពីតំណាងគណៈកម្មាធិការបក្សគ្រប់លំដាប់ថ្នាក់ កម្មាភិបាល បក្ខជន អង្គការមូលដ្ឋានបក្ស និងអង្គភាពពាក់ព័ន្ធនានា សមាគមវៀតណាមនៅកម្ពុជា និងក្រុមនិស្សិតវៀតណាមនៅកម្ពុជា។
អញ្ជើញថ្លែងមតិនៅទីនេះ លោកឯកអគ្គរដ្ឋទូត Nguyen Huy Tang បានឲ្យដឹងថា សកម្មភាពរំលឹកខួបលើកទី ១៣៤ នៃថ្ងៃកំណើតរបស់លោកប្រធានហូជីមិញ បានប្រព្រឹត្តទៅក្នុងបរិបទដែលទំនាក់ទំនងនៃប្រទេសទាំងពីរបន្តអភិវឌ្ឍន៍យ៉ាងស៊ីជម្រៅ និងសម្រេចបានសមិទ្ធិផលសំខាន់ៗជាច្រើនលើវិស័យនយោបាយ ការបរទេស ការពារជាតិ និងសន្តិសុខ ដែលកាន់តែអនុវត្តជាក់ស្តែង និងមានប្រសិទ្ធភាព។ កិច្ចសហប្រតិបត្តិការសេដ្ឋកិច្ច ពាណិជ្ជកម្ម និងការវិនិយោគបានផ្លាស់ប្តូរយ៉ាងខ្លាំង ដែលរួមចំណែកដល់សន្ទុះកំណើននៃប្រទេសទាំងពីរ។
ក្នុងឱកាសនេះ លោកឯកអគ្គរដ្ឋទូត Nguyen Huy Tang បានស្នើដល់កម្មាភិបាល បក្ខជន មហាជននៃគណៈកម្មាធិការបក្សនៅកម្ពុជា សហគមន៍ធុរកិច្ចវៀតណាម និងសហគមន៍វៀតណាមនៅកម្ពុជា ខិតខំតស៊ូ បន្តជំរុញការសិក្សា និងអនុវត្តតាមគំនិត ក្រមសីលធម៌ និងរចនាបទរបស់ប្រធានហូជីមិញ ខិតខំបំពេញភារកិច្ចឆ្នាំ ២០២៤ ប្រកបដោយជោគជ័យលើគ្រប់វិស័យ។
ក្នុងបរិយាកាសដ៏ឱឡារិក គណៈកម្មាធិការបក្សនៅកម្ពុជាបានអុជធូបរំលឹកវិញ្ញាណក្ខន្ធ សម្តែងការដឹងគុណ និងការគោរពយ៉ាងជ្រាលជ្រៅចំពោះលោកប្រធានហូជីមិញ៕
មតិពីមិត្តអ្នកអាន