នៅថ្ងៃទី១៦ និងថ្ងៃទី ១៧ ខែឧសភា ក្រុមគ្រូពេទ្យនៃបញ្ជាការដ្ឋានយោធាខេត្ត និងមន្ទីរពហុព្យាបាលខេត្ត Kien Giang បានសម្របសម្រួលជាមួយអាជ្ញាធរគ្រប់លំដាប់ថ្នាក់ និងកងកម្លាំងប្រដាប់អាវុធខេត្តកំពត រៀបចំកម្មវិធីពិនិត្យសុខភាព និងពិគ្រោះសុខភាព ផ្តល់ថ្នាំពេទ្យដោយឥតគិតថ្លៃ និងជូនអំណោយដល់ប្រជាពលរដ្ឋនៅស្រុកកំពង់ត្រាច ខេត្តកំពត (ព្រះរាជាណាចក្រកម្ពុជា)។
 |
| វេជ្ជបណ្ឌិតនៃបញ្ជាការដ្ឋានយោធាខេត្ត Kien Giang ពិនិត្យសុខភាពប្រជាពលរដ្ឋកម្ពុជា |
នៅស្រុកកំពង់ត្រាច ខេត្តកំពត ក្រុមបេសកកម្មនៃបញ្ជាការដ្ឋានយោធាខេត្ត Kien Giang បានប្រគល់អំណោយចំនួន ៦០ កញ្ចប់ ជូនប្រជាពលរដ្ឋដែលជួបការលំបាក; ពិនិត្យសុខភាពនិងផ្ដល់ថ្នាំពេទ្យដោយឥតគិតថ្លៃជូនប្រជាពលរដ្ឋជាង ២៥០ នាក់ នៅក្នុងឃុំចំនួន ៤ នៃស្រុកកំពង់ត្រាច ព្រមទាំងផ្សព្វផ្សាយ និងណែនាំរបៀបបង្ការ និងទប់ស្កាត់ជំងឺរាតត្បាត និងថែទាំសុខភាពក្នុងរដូវក្តៅ។
លោកវរសេនីយ៍ឯក Cao Minh Tam អនុប្រធានស្នងការនយោបាយនៃបញ្ជាការដ្ឋានយោធាខេត្ត Kien Giang បានឲ្យដឹងថា នេះជាសកម្មភាពប្រចាំឆ្នាំរបស់បញ្ជាការដ្ឋានយោធាខេត្ដ ដោយបង្ហាញពីការយកចិត្តទុកដាក់ និងការថែទាំសុខភាពដល់ប្រជាជនកម្ពុជាដែលមានជីវភាពរស់នៅជួបការលំបាក។ សកម្មភាពពិនិត្យសុខភាព ពិគ្រោះសុខភាព ផ្តល់ថ្នាំពេទ្យដោយឥតគិតថ្លៃ និងជូនអំណោយលើកនេះ បានរឹតបន្ដឹងបន្ថែមនូវសាមគ្គីភាព និងរួមគ្នាថែទាំសុខភាពដល់ប្រជាពលរដ្ឋ។
ក្នុងឱកាសនេះ ក្រុមបេសកកម្មក៏បានចុះសួរសុខទុក្ខ និងជូនអំណោយដល់ក្រុម K92 (បញ្ជាការដ្ឋានយោធាខេត្ត Kien Giang) ដែលកំពុងបំពេញការងារជីករុករក និងធ្វើមាតុភូមិនិវត្តន៍អដ្ឋិធាតុកងទ័ពស្ម័គ្រចិត្ដនិងអ្នកជំនាញការវៀតណាមដែល ពលីជីវិតកាលពីសម័យសង្គ្រាមនៅកម្ពុជា៕
មតិពីមិត្តអ្នកអាន