នារសៀលថ្ងៃទី ៧ ខែមេសា គណៈកម្មការអចិន្ត្រៃយ៍នៃគណៈកម្មាធិការរណសិរ្សមាតុភូមិវៀតណាមខេត្ត An Giang វៀតណាម បានសហការជាមួយក្រុមហ៊ុន Loc Troi និងសមាគមធុរកិច្ចវៀតណាម - កម្ពុជា (VCBA) ប្រគល់អំណោយជូនជនរួមជាតិខ្មែរនៅស្រុក Tri Ton ក្នុងឱកាសបុណ្យចូលឆ្នាំថ្មីប្រពៃណីរបស់ជនរួមជាតិខ្មែរ ឆ្នាំ២០២៤។
 |
| សមាគមធុរកិច្ចវៀតណាម-កម្ពុជា ប្រគល់អំណោយដល់ជនរួមជាតិខ្មែរក្នុងឱកាសបុណ្យចូលឆ្នាំថ្មី |
នៅវត្តស្វាយតាហង្ស (ភូមិ Ninh Loi ឃុំ An Tuc) និងវត្តកំភ្លឹង (ភូមិ Phuoc An ឃុំ O Lam ស្រុក Tri Ton) ក្រុមបេសកកម្មបានប្រគល់អំណោយដល់គ្រួសារខ្មែរដែលមានស្ថានភាពលំបាកចំនួន ៥០០ គ្រួសារ។ អំណោយនីមួយៗមានតម្លៃ ៦០០,០០០ ដុង រួមមាន អង្ករ ១០ គីឡូក្រាម និងសាច់ប្រាក់ ៣០០,០០០ ដុង។ ថវិកាសរុបសម្រាប់ការផ្តល់អំណោយគឺ ៣០០ លានដុង ដែលឧបត្ថម្ភពីដោយក្រុមហ៊ុន Loc Troi និងសមាគមធុរកិច្ចវៀតណាម-កម្ពុជា រួមជាមួយនឹងដៃគូ និងសប្បុរសជន។
លោក ឧកញ៉ា ឡេង ឬទ្ធី ប្រធានសមាគមធុរកិច្ចវៀតណាម-កម្ពុជា និងលោក Huynh Van Thon ប្រធានក្រុមប្រឹក្សាភិបាលនៃក្រុមហ៊ុន Loc Troi បានឲ្យដឹងថា សកម្មភាពប្រគល់អំណោយក្នុងឱកាសបុណ្យចូលឆ្នាំថ្មីប្រពៃណីរបស់ជនរួមជាតិខ្មែរ បង្ហាញពីមនោសញ្ចេតនាដែល VCBA និងក្រុមហ៊ុន Loc Troi ផ្ដល់ដល់ខេត្ត An Giang ជាពិសេសតំបន់ជនជាតិភាគតិចខ្មែរ ព្រមទាំង ជូនពរជនរួមជាតិខ្មែរទទួលពិធីបុណ្យចូលឆ្នាំថ្មីប្រពៃណី ប្រកបដោយសេចក្តីសុខ និងសុភមង្គល៕
មតិពីមិត្តអ្នកអាន