ខេត្ត Kien Giang (វៀតណាម)៖ កិច្ចប្រជុំបូកសរុបរយៈពេលមួយឆ្នាំនៃការអនុវត្តកិច្ចសន្យាប្រឡងប្រណាំងកសាងព្រំដែនវៀតណាម-កម្ពុជាប្រកបដោយសន្តិភាព

ខេត្ត Binh Duong (វៀតណាម)៖ រោងចក្រ LEGO នឹងដាក់ឲ្យដំណើរការនៅឆមាសទីពីរនៃឆ្នាំ ២០២៤

ខេត្ត Kien Giang (ប្រទេសវៀតណាម)៖ កងទ័ពជើងទឹកវៀតណាម និងកម្ពុជា ដកបទពិសោធន៍ការយាមល្បាតរួមគ្នា

ខេត្ត Kien Giang (វៀតណាម)៖ កិច្ចប្រជុំបូកសរុបរយៈពេលមួយឆ្នាំនៃការអនុវត្តកិច្ចសន្យាប្រឡងប្រណាំងកសាងព្រំដែនវៀតណាម-កម្ពុជាប្រកបដោយសន្តិភាព

នាពេលថ្មីៗនេះ គណៈកម្មាធិការរណសិរ្សមាតុភូមិវៀតណាមស្រុក Giang Thanh បានសហការជាមួយមន្ទីរ អង្គភាព និងកងកម្លាំងប្រដាប់អាវុធ រៀបចំការឃោសនាផ្សព្វផ្សាយជូនប្រជាជននៅតាមព្រំដែនចំនួន ១.០៤៤ លើក ស្តីពីការអនុវត្តគោលនយោបាយ សេចក្តីសម្រេចចិត្តរបស់បក្ស គោលនយោបាយ ច្បាប់របស់រដ្ឋ និងច្បាប់របស់ប្រទេសទាំងពីរដែលមានប្រជាជនចូលរួមចំនួន ៣០.២៧៦ នាក់។

គណៈកម្មាធិការរណសិរ្សមាតុភូមិវៀតណាមស្រុក Giang Thanh បានរៀបចំចលនាក្រុមគ្រូពេទ្យទៅពិនិត្យ និងព្យាបាលជំងឺដោយឥតគិតថ្លៃ ជូនគ្រួសារក្រីក្រជាង ១០០០ គ្រួសារ ប្រគល់រទេះជនពិការចំនួន ៧ គ្រឿង និងផ្តល់អំណោយចំនួន ១០០០ ចំណែក ជូនប្រជាជនជន និងសិស្សានុសិស្សក្រីក្រងក្នុងឃុំចងសម្ព័ន្ធមេត្រីភាពដែលមានទឹកប្រាក់សរុបជាង ៣០០ លានដុង...

នាពេលខាងមុខ ស្រុក Giang Thanh ស្រុកកំពង់ត្រាច ស្រុកបន្ទាយមាស (ខេត្តកំពត) និងស្រុកគីរីវង់ (ខេត្តតាកែវ) នឹងបន្តណែនាំឃុំជាប់ព្រំដែន ដើម្បីអនុវត្តខ្លឹមសារ និងកម្មវិធីដែលបានចុះហត្ថលេខានៅថ្នាក់ស្រុក ជូនថ្នាក់ឃុំ ភូមិ។ ទន្ទឹមនឹងនោះ ឃុំ និងភូមិនានា នឹងពង្រីកខ្លឹមសារនៃការសម្របសម្រួលអនុវត្តលើវិស័យវប្បធម៌ បច្ចេកទេសក្នុងការដាំដុះ ការចិញ្ចឹមសត្វ សមស្របតាមលក្ខខណ្ឌរបស់ភាគីនីមួយៗ។

ស្រុក Giang Thanh មានព្រំដែនប្រវែង ៤២.៨ គីឡូម៉ែត្រ ជាប់នឹងស្រុកចំនួន ៣ នៃព្រះរាជាណាចក្រកម្ពុជា រួមមាន ស្រុកកំពង់ត្រាច ស្រុកបន្ទាយមាស (ខេត្តកំពត) និង ស្រុកគីរីវង់ (ខេត្តតាកែវ)។ បច្ចុប្បន្ន ស្រុក Giang Thanh មានឃុំចំនួន ២/៥ ដែលបានចុះកិច្ចសន្យាប្រឡងប្រណាំងជាមួយឃុំនានានៃប្រទេសមិត្ត ហើយភូមិ ៤/១២ បានចុះកិច្ចសន្យាប្រឡងប្រណាំងជាមួយភូមិនៃប្រទេសមិត្ត...

យោងតាមកាសែតកងទ័ពប្រជាជន