កងទ័ព និងប្រជាជន នៅឃុំកោះ សង់ទឺតី (Song Tu Tay) (ស្ថិតក្នុងស្រុកកោះទ្រឿងសា (Truong Sa) ខេត្ត ខាញហ័រ (Khanh Hoa)) ខ្នះខ្នែងរៀបចំ ដើម្បីទទួលភ្ញៀវមកពីដីគោក។ នៅតំបន់កោះសមុទ្រនោះ កងទ័ព និងប្រជាជននៅតែអង់អាចក្លាហានរស់នៅ និងការពារយ៉ាងរឹងមាំនូវអធិបតេយ្យភាពដែនសមុទ្រ និងកោះរបស់មាតុភូមិ។
 វៀតណាម៖ ស្វែងយល់នូវកេរដំណែលប្រវត្តិសាស្ត្រ Van Mieu - Quoc Tu Giam នៅពេលយប់ |
 ប្រាង្គសេ្តចទឺឌឺក (Tu Duc) - សម្រស់ស្រស់ត្រកាលនៃប្រាង្គរាជវង្សហ្វេ (ប្រទេសវៀតណាម) |
 |
| នាយទាហានវៀតណាមការល្បាត |
រដូវកាលនេះ សមុទ្រមានរលកបោកកញ្ជ្រោកខ្លាំង រលកបក់បោកបែកផ្កាត្រែងធំខ្ពស់ហួសផុតនាវា ប៉ុន្តែមិនអាចរារាំងនាវាលេខ ៥៧១ (បញ្ជាការដ្ឋានកងទ័ពជើងទឹកតំបន់ទី ៤) មកសួរសុខទុក្ខកោះ សង់ទឺតី (Song Tu Tay) ។ យុទ្ធជនឈរជើងនៅលើកោះបានរួមគ្នាប្រើខ្សែទាញនាវាចូលឆ្នេរ និងយកទំនិញចូលកោះ។ ការស្វាគមន៍ ការចាប់ដៃគ្នា កែវភ្នែកដ៏រីករាយ និងការសើចសប្បាយបានស្វាគមន៍ដោយក្តីស្រលាញ់ចំពោះភ្ញៀវពីដីគោកដែលមកដល់កោះយ៉ាងសប្បាយរីករាយ។
លោកវរសេនីយ៍ឯកបម្រុង ង្វៀន វ៉ាន់ថ (Nguyen Van Tho) មេបញ្ជាការរងកងពលតូចលេខ ១៤៦ ភូមិភាគទី ៤ នៃកងទ័ពជើងទឹក ជាប្រធានគណៈប្រតិភូកបានឲ្យដឹងថា បក្ស រដ្ឋ និងប្រជាជនតែងតែយកចិត្តទុកដាក់ចំពោះ ទ្រឿងសា (Truong Sa) ត្រៀមរៀបចំបានល្អគ្រប់សម្ភារៈ ស្មារតី ដើម្បីរៀបចំជើងនាវាមកសួរសុខទុក្ខ និងលើកទឹកចិត្តដល់នាយទាហាន យុទ្ធជន និងប្រជាពលរដ្ឋ។
 |
| នាយទាហាន ទានហាន យុទ្ធជន និងប្រជាជននៅលើកោះ សង់ទឺតី (Song Tu Tay) សប្បាយរីករាយក្នុងរដូវផ្ការីក។ |
ក្នុងប៉ុន្មានថ្ងៃមកនេះ សកម្មភាពរបស់កងទ័ព និងប្រជាជននៅទីនេះ បានប្រព្រឹត្តិទៅយ៉ាងអ៊ូអរ។ គ្រួសារជាច្រើនកំពុងមមាញឹកក្នុងការជួសជុល សម្អាត និងតុបតែងផ្ទះសំបែង ទីធ្លាខាងមុខផ្ទះ ដើម្បីស្វាគមន៍ភ្ញៀវ។ នាយទាហាន និងយុទ្ធជន ជួយសម្អាត តុបតែងដោយទង់ជាតិ និងផ្កានៅតាមដងផ្លូវ និងអគារសាធារណៈដូចជា វត្ត សង់ទឺតី (Song Tu Tay) រូបសំណាកអ្នកនយោបាយ មេបញ្ជាការ ត្រឹនគ្វឹកតួន (Tran Quoc Tuan) ទីស្នាក់ការគណៈកម្មាធិការប្រជាជន និងបញ្ជាការដ្ឋាន អគារទទួលភ្ញៀវ…
តាមធម្មតា ការត្រួតកងពល និងពិធីគោរពទង់ជាតិនៅបង្គោលអធិបតេយ្យភាព បានរៀបចំឡើងរៀងរាល់ថ្ងៃចន្ទ ដោយមានការចូលរួមពីកងទ័ព និងប្រជាជនទូទាំងកោះ។ បន្ទាប់មកពួកគេក៏នាំគ្នាទៅទស្សនាវត្ត សង់ទឺតី (Song Tu Tay)។
 |
| ជីវិតរស់នៅលើកោះ Song Tu Tay (ប្រទេសវៀតណាម) |
ក្នុងប៉ុន្មានថ្ងៃមកនេះ សកម្មភាពកីឡា និងល្បែងប្រជាប្រិយជាច្រើនបានប្រព្រឹត្តទៅយ៉ាងរស់រវើកដូចជា៖ បាល់ទាត់ បាល់ទះ រុញឈើ លោតការុង... ទាក់ទាញមនុស្សជាច្រើនឱ្យចូលរួម និងគាំទ្រយ៉ាងរំភើប។ នៅពេលរាត្រី មានការសម្តែងសិល្បៈ និងកម្មវិធីបេះផ្កាប្រជាធិបតេយ្យ។ ក្រុមសិល្បៈរបស់ឃុំកោះ សង់ទឺតី (Song Tu Tay) និងកូនសិស្សសាលាបឋមសិក្សា សង់ទឺតី (Song Tu Tay) បាននាំមកនូវឈុតសម្តែងប្រកបដោយភាពរីករាយ និងគុណភាព រួមចំណែកបង្កើតបរិយាកាសរីករាយ និងរំភើបចិត្ត។
| Song Tu Tay ជាឃុំកោះធំមួយក្នុងស្រុកកោះ Truong Sa។ កោះនេះត្រូវបានគ្រោងតាមបែបវិទ្យាសាស្ត្រជាមួយនឹងរចនាសម្ព័ន្ធរឹងមាំដូចជា បន្ទាយ សាលារៀន គ្លីនិក និងការងារផ្សេងៗទៀតដែលបម្រើដល់ជីវភាពប្រចាំថ្ងៃរបស់កងទ័ព និងប្រជាជននៅលើកោះនេះ។ ចំណុចពិសេសរបស់កន្លែងនេះ គឺភាពសុខដុមរមនារវាងមនុស្ស និងធម្មជាតិ ការបង្កើនផលិតកម្មក៏កាន់តែមានប្រសិទ្ធភាពជាមួយនឹងគំរូនៃការដាំបន្លែស្អាតលើផ្ទៃដីរាប់រយម៉ែត្រការ៉េ តំបន់ចិញ្ចឹមសត្វ គោក្របី ផ្តល់ប្រភពបន្លែបៃតង និងសាច់ស្រស់ សម្រាប់មន្ត្រី ទាហាន និងប្រជាជននៅលើកោះ។ ប្រព័ន្ធថាមពលខ្យល់ និងពន្លឺព្រះអាទិត្យក៏បានផ្តល់ថាមពលអគ្គិសនីគ្រប់គ្រាន់សម្រាប់តម្រូវការប្រចាំថ្ងៃរបស់កោះទាំងមូល ១០០% នៃគ្រួសាររស់នៅក្នុងផ្ទះធំទូលាយ ដែលមានទូរទស្សន៍ និងឧបករណ៍ទំនាក់ទំនងគ្រប់គ្រាន់។ លោក Phan Ngoc Vuong កោះ Song Tu Tay ស្រុកកោះ Truong Sa ខេត្ត Khanh Hoa បាននិយាយថា "យើងប្រើប្រាស់អគ្គិសនីពីថាមពលពន្លឺព្រះអាទិត្យ តាមរយៈឧបករណ៍បំប្លែងវាទៅជាអគ្គិសនី 220V ដើម្បីប្រើប្រាស់ឧបករណ៍អគ្គិសនី"។ ក្រៅពីការយកចិត្តទុកដាក់លើជីវភាពសម្ភារៈ និងស្មារតីរបស់នាយទាហាន ទាហាន និងប្រជាជននៅលើកោះ កងពលតូចលេខ១៤៦ បញ្ជាការដ្ឋានកងទ័ពជើងទឹកភូមិភាគទី៤ ក៏ផ្តោតលើការរៀបចំវគ្គបណ្តុះបណ្តាល ធានាដល់ការងារការពារជាតិ និងយោធាក្នុងមូលដ្ឋាន ដើម្បីទប់ស្កាត់កុំឲ្យមានស្ថានការណ៍អសកម្មកើតឡើង។ គណៈកម្មាធិការបក្ស Song Tu Tay គឺជាអង្គភាពមួយដែលត្រូវបានទទួលស្គាល់ជាច្រើនឆ្នាំជាប់ៗគ្នាសម្រាប់ការបំពេញភារកិច្ចរបស់ខ្លួនប្រកបដោយជោគជ័យ ដើរតួនាទីយ៉ាងសំខាន់ក្នុងការការពារអធិបតេយ្យភាពសមុទ្រ និងកោះ។ ជាមួយនឹងមុខតំណែងសំខាន់ពិសេសមួយ ក្នុងរយៈពេលប៉ុន្មានឆ្នាំចុងក្រោយនេះ មិនត្រឹមតែបានបំពេញភារកិច្ចយោធាទាំងអស់ប៉ុណ្ណោះទេ កោះ Song Tu Tay បានក្លាយជាកោះដ៏ពេញទំហឹងសម្រាប់អ្នកនេសាទនៅឯនាយសមុទ្រ។ សោកប៉ាល់របស់កោះនេះអាចផ្ទុកកប៉ាល់នេសាទខ្នាតធំបានជិត ១០០ គ្រឿង ជាកន្លែងបោះយុថ្កា កន្លែងសុវត្ថិភាពសម្រាប់អ្នកនេសាទក្នុងការជ្រកកោនពីព្យុះ ហើយឃុំកោះក៏ជាកន្លែងផ្តល់ទឹកសាប និងប្រេងសាំងដោយឥតគិតថ្លៃដល់កូនអ្នកនេសាទផងដែរ៕ |
 ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជាយាងបំពេញព្រះរាជទស្សនកិច្ចផ្លូវរដ្ឋនៅប្រទេសវៀតណាម ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា នឹងយាងបំពេញព្រះរាជទស្សនកិច្ចផ្លូវរដ្ឋនៅប្រទេសវៀតណាម ពីថ្ងៃទី២៨-២៩ ខែវិច្ឆិកា ឆ្នាំ២០២៤។ ព្រះរាជដំណើរទស្សនកិច្ចផ្លូវរដ្ឋរបស់ព្រះអង្គធ្វើឡើងតបតាមការយាងរបស់លោក Luong Cuong ប្រធានរដ្ឋវៀតណាម។ |
 លោក Tran Thanh Man ប្រធានរដ្ឋសភាវៀតណាម បានផ្ញើសារដ៏រឹងមាំអំពីប្រទេសវៀតណាមមួយដែលស្រឡាញ់សន្តិភាព ខិតខំអស់ពីកម្លាំងកាយចិត្តដើម្បីបង្កើតបរិយាកាសសន្តិភាព នៅក្នុងប្រទេស និងតំបន់មួយចំនួន គ្រាប់បែក និងគ្រាប់កាំភ្លើងនៅតែធ្លាក់ចុះជារៀងរាល់ថ្ងៃ ជម្លោះ ភេរវកម្ម និងអំពើហិង្សាកំពុងកើនឡើងដែលផលប៉ះពាល់ហួសពីព្រំដែនជាតិ បង្ហាញថាសន្តិភាព និងសន្តិសុខពិភពលោកកំពង់គំរាមកំហែងយ៉ាងធ្ងន់ធ្ងរ។ |
មតិពីមិត្តអ្នកអាន