ប្រទេសក្រូអាស៊ីមានប្រៀបខ្លាំង និងត្រៀមខ្លួនជាស្រេចសហប្រតិបត្តិការ និងចែករំលែកបទពិសោធន៍ជាមួយវៀតណាមស្តីការអភិវឌ្ឍវិស័យទេសចរណ៍ប្រកបដោយចីរភាព

នាយករដ្ឋមន្ត្រីវៀតណាម បានអញ្ជើញចូលរួមពិធីរំលឹកខួបលើកទី ៣០ នៃការបង្កើតភាពជាដៃគូធនាគារអភិវឌ្ឍន៍អាស៊ី - វៀតណាម

ឯកអគ្គរដ្ឋទូតវៀតណាមប្រចាំព្រះរាជាណាចក្រកម្ពុជា បានទទួលជួបគណៈប្រតិភូថ្នាក់ដឹកនាំសមាគមអតីតនិស្សិតកម្ពុជា

លោកស្រី Le Thi Thu Hang អនុរដ្ឋមន្ត្រីក្រសួងការបរទេសវៀតណាម និងលោក Frano Matusic រដ្ឋលេខាធិការក្រសួងការបរទេស និងកិច្ចការអឺរ៉ុបនៃប្រទេសក្រូអាស៊ី

លោកស្រី Le Thi Thu Hang អនុរដ្ឋមន្ត្រីក្រសួងការបរទេសវៀតណាម បានអះអាងថា វៀតណាមជានិច្ចកាលមានគោលបំណងចង់ពង្រីកទំនាក់ទំនងមិត្តភាពជាប្រពៃណីជាមួយបណ្តាប្រទេសនៅតំបន់បាល់កង់ ក្នុងនោះក្រូអាស៊ីជាអាទិភាពមួយ។

លោករដ្ឋលេខាធិការ Frano Matusic បានសម្តែងនូវការចាប់អារម្មណ៍ចំពោះសមិទ្ធផលក្នុងការអភិវឌ្ឍសេដ្ឋកិច្ចសង្គម និងការធ្វើសមាហរណកម្មអន្តរជាតិរបស់វៀតណាម។ លោករដ្ឋលេខាធិការ Frano Matusic បានអះអាងនូវគោលបំណងចង់ពង្រីកកិច្ចសហប្រតិបត្តិការលើវិស័យប្រពៃណីជាមួយវៀតណាមដូចជា ពាណិជ្ជកម្ម ការវិនិយោគ ... ព្រមទាំងពង្រីកវិសាលភាពទៅវិស័យថ្មីៗដូចជាការតភ្ជាប់កំពង់ផែសមុទ្រ logistics សេដ្ឋកិច្ចឌីជីថល ថាមពលថ្មី ការអប់រំ-បណ្តុះបណ្តាល និងពលកម្ម។ល។ លោក Frano Matusic បានឲ្យដឹងថា ប្រទេសក្រូអាស៊ីមានប្រៀបខ្លាំង និងត្រៀមខ្លួនជាស្រេចសហប្រតិបត្តិការ និងចែករំលែកបទពិសោធន៍ជាមួយវៀតណាមស្តីការអភិវឌ្ឍវិស័យទេសចរណ៍ប្រកបដោយចីរភាព។

អំពីទិសដៅនៃកិច្ចសហប្រតិបត្តិការនាពេលខាងមុខ ភាគីទាំងពីរបានឯកភាពបង្កើនការផ្លាស់ប្តូរគណៈប្រតិភូគ្រប់លំដាប់ថ្នាក់ ជាពិសេសថ្នាក់ជាន់ខ្ពស់ ដោយហេតុនោះពង្រឹងទំនុកចិត្តផ្នែកនយោបាយ និងបង្កើតសន្ទុះជំរុញកិច្ចសហប្រតិបត្តិការលើគ្រប់វិស័យ; ពិចារណាបង្កើតយន្តការសហប្រតិបត្តិការថ្មី ដើម្បីទាញយកប្រសិទ្ធភាពបន្ថែមទៀតពីកិច្ចព្រមព្រៀងពាណិជ្ជកម្មសេរីវៀតណាម-សហភាពអឺរ៉ុប (EVFTA) ក៏ដូចជាជំរុញកិច្ចសហប្រតិបត្តិការលើវិស័យផ្សេងទៀតដូចជា ការពារជាតិ សន្តិសុខ វិទ្យាសាស្ត្រ និងបច្ចេកវិទ្យា ការអប់រំ-បណ្តុះបណ្តាល។ល៕

យោងតាមកាសែតកងទ័ពប្រជាជន