នាថ្ងៃទី ៣ ខែកុម្ភៈ កម្មវិធី “ស្វែងយល់អំពីវៀតណាមឆ្នាំ២០២៤” ត្រូវបានរៀបចំឡើងនៅវិថីផ្កា “Home Hanoi នានិទាឃរដូវ” ទីក្រុងហាណូយ។ កម្មវិធីដឹកនាំដោយក្រសួងការបរទេសវៀតណាម។
 ទីក្រុងហាណូយ៖ អ្នកការទូតនៅទីក្រុងហាណូយ ដើរថ្មើរជើងតាមដងផ្លូវដើម្បីអំពាវនាវឱ្យមានការអភិរក្សសត្វកម្រ |
 ទីក្រុងហាណូយ៖ បើកសន្និសិទការទូតវៀតណាមលើកទី៣២ |
 |
| ទីក្រុងហាណូយ៖ កម្មវិធី «ស្វែងយល់អំពីវៀតណាមឆ្នាំ២០២៤» |
ព្រឹត្តិការណ៍មួយនេះ បានទាក់ទាញការចូលរួមរបស់ប្រតិភូជិត ១០០ នាក់ ដែលជាឯកអគ្គរដ្ឋទូត ប្រធានតំណាង សមាជិកអង្គទូត និងអង្គការអន្តរជាតិនានានៅវៀតណាម។
កម្មវិធី "ស្វែងយល់អំពីវៀតណាមឆ្នាំ២០២៤" ជាលំហផ្សព្វផ្សាយពីបុណ្យចូលឆ្នាំថ្មីប្រពៃណីជាតិវៀតណាម ដែលរៀបចំឡើងដោយគណៈកម្មាធិការប្រជាជនទីក្រុងហាណូយ និងសម្ព័ន្ធក្រុមហ៊ុន SOVICO។
ក្នុងកម្មវិធីនេះ ប្រតិភូត្រូវបានផ្តល់ព័ត៌មានបន្ថែមអំពីមាគ៌ាការបរទេស ស្ថានភាពអភិវឌ្ឍន៍ និងសមិទ្ធផលសេដ្ឋកិច្ច-សង្គម ព្រមទាំងបំណងប្រថ្នា និងវិធានការរបស់វៀតណាមក្នុងការជំរុញកិច្ចសហប្រតិបត្តិការជាមួយប្រទេសនានា ដើម្បីសន្តិភាព ស្ថិរភាព និងវិបុលភាព។ ទន្ទឹមនឹងនោះ ភ្ញៀវកិត្តិយសនិងប្រតិភូ ក៏ទទួលបានព័ត៌មានជាច្រើនពីគណៈកម្មការរៀបចំអំពីវប្បធម៌វៀតណាម បញ្ហានយោបាយ និងសង្គម...
នេះជាឱកាសសម្រាប់ប្រតិភូអន្តរជាតិទៅទស្សនាវិថីផ្កា "Home Hanoi នានិទាឃរដូវ" ជាមួយនឹងផ្កាចម្រុះពណ៌មកពីតំបន់ជាច្រើននៅទូទាំងប្រទេស។ ប្រតិភូក៏មានឱកាសចូលរួមសកម្មភាពវប្បធម៌ និងសកម្មភាពក្នុងភូមិរបរប្រពៃណីមួយចំនួន ដូចជាការបុកនំ Day ឬសរសេរពាក្យជូនពរព្យួរនៅលើដើមឈើ Neu ក្នុងអំឡុងពេលបុណ្យចូលឆ្នាំថ្មីប្រពៃណីជាតិ។
កម្មវិធីនេះក៏មានការសម្តែងសិល្បៈប្រពៃណីជាច្រើន ដែលផ្សព្វផ្សាយវប្បធម៌ពោរពេញទៅដោយអត្តសញ្ញាណរបស់ប្រជាជនវៀតណាមទៅកាន់មិត្តអន្តរជាតិ៕
មតិពីមិត្តអ្នកអាន