ទីក្រុងហាណូយ​៖ អ្នកការទូតនៅទីក្រុងហាណូយ ដើរថ្មើរជើងតាមដងផ្លូវដើម្បីអំពាវនាវឱ្យមានការអភិរក្សសត្វកម្រ

ទីក្រុងហាណូយ៖ បើកសន្និសិទការទូតវៀតណាមលើកទី៣២

ទីក្រុងហាណូយ៖ មហាសន្និបាតតំណាងទូទាំងប្រទេសសមាគមន៍កសិករវៀតណាមលើកទី ៨

ទីក្រុងហាណូយ​៖ អ្នកការទូតនៅទីក្រុងហាណូយ ដើរថ្មើរជើងតាមដងផ្លូវដើម្បីអំពាវនាវឱ្យមានការអភិរក្សសត្វកម្រ

អញ្ជើញចូលរួមក្នុងពិធីនេះ មានឯកអគ្គរដ្ឋទូត ប្រធានស្ថាប័នតំណាងអន្តរជាតិប្រចាំនៅវៀតណាម រួមជាមួយតំណាងក្រសួង មន្ទីរ សាខា និងភ្នាក់ងារបរិស្ថាន និស្សិតសាកលវិទ្យាល័យ និងអ្នកស្រឡាញ់បរិស្ថាននៅវៀតណាមជាច្រើនរូប។

Catwalk គឺជាគំនិតផ្តួចផ្តើមដោយអង្គការ Catmosphere។ អង្គការនេះត្រូវបានបង្កើតឡើងក្នុងឆ្នាំ ២០២១ដោយម្ចាស់ក្សត្រី Reema Bandar Al-Saud ឯកអគ្គរដ្ឋទូតនៃព្រះរាជាណាចក្រអារ៉ាប៊ីសាអូឌីតប្រចាំនៅសហរដ្ឋអាមេរិក។ ក្នុងក្របខ័ណ្ឌនៃគំនិតផ្តួចផ្តើមនេះ មនុស្សជាង ៩ ម៉ឺននាក់ ចូលរួមក្នុងការដើរថ្មើរជើងនៅប្រទេសចំនួន ១៣៦ នៅទ្វីបចំនួន ៦ ក្នុងឆ្នាំ២០២១ និងឆ្នាំ ២០២២ ដើម្បីគាំទ្រដល់ការអភិរក្សសត្វកម្រ និងលើកកម្ពស់សុខភាពសាធារណៈ។

ថ្លែងក្នុងពិធីនេះ លោក Mohammed Ismaeil A. Dahlwy ឯកអគ្គរដ្ឋទូតអារ៉ាប៊ីសាអូឌីតប្រចាំនៅវៀតណាម បានមានប្រសាសន៍ថា យុទ្ធនាការ Catwalk គឺជាលទ្ធផលនៃកិច្ចខិតខំប្រឹងប្រែងរបស់ព្រះរាជាណាចក្រអារ៉ាប៊ីសាអូឌីត តាមរយៈការដាក់ជូនសេចក្តីសម្រេចចិត្តដោយមានការឧបត្ថម្ភពីប្រទេសជាង ៣០ ជាសមាជិកអង្គការសហប្រជាជាតិ ដើម្បីធានាបាននូវអនាគតនៃប្រភេទសត្វកម្រ។ ស្ថានទូតនៃព្រះរាជាណាចក្រអារ៉ាប៊ីសាអូឌីតប្រចាំនៅទីក្រុងហាណូយបានរៀបចំព្រឹត្តិការណ៍ Catwalk ២០២៤ ដើម្បីរួមបន្ថែមឈ្មោះវៀតណាមចូលរួមក្នុងយុទ្ធនាការពិភពលោកដ៏មានអត្ថន័យនេះ។

បន្ទាប់ពីពិធីបើក ប្រតិភូបានដើរថ្មើរជើងជុំវិញបឹង Hoan Kiem ដោយផ្សព្វផ្សាយអំពីការថែរក្សាជីវចម្រុះ និងធម្មជាតិព្រៃ៕

យោងតាមកាសែតកងទ័ពប្រជាជន