ទីក្រុងហូជីមិញ៖ ជំនួបសំណេះសំណាលអបអរសាទរខួបអនុស្សាវរីយ៍លើកទី៤៥ នៃទិវាជ័យជំនះក្នុងការការពារព្រំដែននិរតី និងរួមជាមួយកងទ័ពនិងប្រជាជនកម្ពុជាយកឈ្នះលើរបបប្រល

ទំនាក់ទំនងកម្ពុជា-វៀតណាម មិនត្រឹមតែជាទំនាក់ទំនងប្រពៃណីជាអ្នកជិតខាងប៉ុណ្ណោះទេ ថែមទាំងជាទំនាក់ទំនងជាបងប្អូន រួមសុខរួមទុក្ខក្នុងបុព្វហេតុតស៊ូរំដោះជាតិ

ទីក្រុង Nha Trang (វៀតណាម)៖ ជំនួបអបអរសាទរខួបលើកទី ៤៥ ឆ្នាំនៃការជួយប្រជាជនកម្ពុជាឱ្យរួចផុតពីរបបប្រល័យពូជសាសន៍ ប៉ុល ពត

គណៈកម្មាធិការទំនាក់ទំនងប្រពៃណីនៃរណសិរ្សលេខ ៧៧៩ (យោធភូមិភាគទី ៧ កងទ័ពប្រជាជនវៀតណាម) បានរៀបចំជំនួបសំណេះសំណាលអបអរសាទរខួបអនុស្សាវរីយ៍លើកទី៤៥ នៃទិវាជ័យជំនះក្នុងការការពារព្រំដែននិរតី និងរួមជាមួយកងទ័ពនិងប្រជាជនកម្ពុជាយកឈ្នះលើរបបប្រល័យពូជសាសន៍ ប៉ុល ពត

នៅក្នុងជំនួប ប្រតិភូទាំងឡាយបានរំលឹកឡើងវិញនូវរឿងរ៉ាវ និងអនុស្សាវរីយ៍កាលពីប្រយុទ្ធនៅកម្ពុជា។ ដោយពង្រីកប្រពៃណីរបស់កងកម្លាំងប្រដាប់អាវុធយោធភូមិភាគទី ៧ កម្មាភិបាល និងយុទ្ធជនរណសិរ្សលេខ ៧៧៩ បានសាមគ្គីជាមួយកងទ័ព និងប្រជាជនកម្ពុជា ជំនះការលំបាក តស៊ូដ៏អង់អាចក្លាហាន បង្កើតបានជ័យជំនះយ៉ាងត្រចះត្រចង់ រួមចំណែកជួយប្រជាជនកម្ពុជារួចផុតពីរបបប្រល័យពូជសាសន៍។ កម្មាភិបាល និងយុទ្ធជននៃរណសិរ្សលេខ ៧៧៩ និយាយដោយឡែក កងទ័ពស្ម័គ្រចិត្តវៀតណាមនិយាយរួម ត្រូវបានប្រជាជនកម្ពុជាជឿទុកចិត្ត និងហៅថា "កងទ័ពព្រះពុទ្ធ"។

ក្នុងបំណងពង្រីកប្រពៃណីនេះ នាពេលកន្លងមក អតីតយុទ្ធជនបានចូលរួមការផលិតយ៉ាងសកម្ម គោរពច្បាប់ និងបរិច្ចាគថវិកាជាង ៣ ពាន់លានដុង ដើម្បីសាងសង់ផ្ទះតបស្នងសងគុណ ផ្តល់អំណោយ និងអាហារូបករណ៍ដល់យុទ្ធមិត្ត និងគ្រួសារទទួលរបបពីរដ្ឋ សិស្សានុសិស្សនិងអ្នកក្រីក្រ។ ក្នុងឱកាសនេះ គណៈកម្មាធិការទំនាក់ទំនងប្រពៃណីរណសិរ្សលេខ៧៧៩ បានប្រគល់អំណោយដល់យុទ្ធជនពិការចំនួន ៤ នាក់ និងគ្រួសារនៃយុទ្ធជនពលីចំនួន ២ គ្រួសារ៕

យោងតាមកាសែតកងទ័ពប្រជាជន