នាថ្ងៃទី ៦ ខែមករា អនុមហាវិទ្យាល័យវេជ្ជសាស្ត្រ Dong Thap (ខេត្ត Dong Thap ប្រទេសវៀតណាម) បានរៀបចំពិធីបើកវគ្គសិក្សាភាសាវៀតណាមសម្រាប់និស្សិតកម្ពុជាចំនួន ៧៥ នាក់ ដែលកំពុងសិក្សានៅសាលា។ អញ្ជើញចូលរួមពិធីបើកមានវត្តមានលោក Nguyen Cong Cuu សាកលវិទ្យាធិការនៃសាលា។
 អនុប្រធានគណៈកម្មាធិការប្រជាជនខេត្ត Dong Thap បានទទួលជួបគណៈប្រតិភូក្រសួងវប្បធម៌ និងវិចិត្រសិល្ប:នៃព្រះរាជាណាចក្រកម្ពុជា |
 បំណងផ្លាស់ប្តូរវប្បធម៌ ពង្រឹងទំនាក់ទំនងសាមគ្គីភាពរវាងប្រទេសទាំងពីរវៀតណាម-កម្ពុជា |
 |
| និស្សិតកម្ពុជាថតរូបទុកជាអនុស្សាវរីយ៍ក្នុងពិធីបើក |
វគ្គសិក្សាភាសាវៀតណាមក្នុងគោលបំណងផ្ដល់ចំណេះដឹងជាមូលដ្ឋានដើម្បីបម្រើឲ្យការសិក្សាជំនាញវិជ្ជាជីវៈ។ រយៈពេលបណ្តុះបណ្តាលគឺ ១ ឆ្នាំ ដែលបែងចែកជា ៣ ដំណាក់កាល ជាមួយការសិក្សា ៦ កម្រិត។ នៅពេលមានលទ្ធផលនៃការប្រឡងសម្រាប់កម្រិតទាំង ៦ និស្សិតនឹងធ្វើការប្រឡង ហើយទទួលបានវិញ្ញាបនបត្រនៃការបញ្ចប់វគ្គសិក្សា។
ថ្លែងមតិក្នុងពិធីនេះ លោក Nguyen Cong Cuu សង្ឃឹមថា និស្សិតកម្ពុជានឹងខិតខំសិក្សា ដើម្បីបញ្ចប់វគ្គសិក្សាប្រកបដោយជោគជ័យ។ ទន្ទឹមនឹងនោះ សាលាតែងតែយកចិត្តទុកដាក់ និងបង្កើតលក្ខខណ្ឌអំណោយផលសម្រាប់និស្សិតកម្ពុជាក្នុងរយៈពេលសិក្សានៅសាលា។ វគ្គសិក្សានេះ ក៏មានបំណងជួយឲ្យនិស្សិតកម្ពុជាយល់កាន់តែច្បាស់អំពីភាសា និងវប្បធម៌វៀតណាម៕
មតិពីមិត្តអ្នកអាន