នាថ្ងៃទី៥ ខែធ្នូ លោក Huynh Minh Tuan អនុប្រធានគណៈកម្មាធិការប្រជាជនខេត្ត Dong Thap បានទទួលជួបគណៈប្រតិភូក្រសួងវប្បធម៌ និងវិចិត្រសិល្ប:នៃព្រះរាជាណាចក្រកម្ពុជា ដឹកនាំដោយលោកស្រី នេត្រ ភូម៉ារី រដ្ឋលេខាធិការក្រសួងវប្បធម៌ និងវិចិត្រសិល្បៈ។ អញ្ជើញចូលរួមមានលោក ចាន់ សូរីកាន អគ្គកុងស៊ុលនៃព្រះរាជាណាចក្រកម្ពុជាប្រចាំទីក្រុងហូជីមិញ និងតំណាងក្រសួងវប្បធម៌ កីឡា និងទេសចរណ៍វៀតណាម។
 បំណងផ្លាស់ប្តូរវប្បធម៌ ពង្រឹងទំនាក់ទំនងសាមគ្គីភាពរវាងប្រទេសទាំងពីរវៀតណាម-កម្ពុជា |
 បើកដំណើរការប្រព័ន្ធទូទាត់ QR ឆ្លងដែនវៀតណាម-កម្ពុជា |
 |
| ទិដ្ឋភាពនៃជំនួប |
តាងនាមថ្នាក់ដឹកនាំខេត្ត Dong Thap លោក Huynh Minh Tuan អនុប្រធានគណៈកម្មាធិការប្រជាជនខេត្ត បានថ្លែងអំណរគុណចំពោះគណៈប្រតិភូក្រសួងវប្បធម៌ និងវិចិត្រសិល្បៈនៃព្រះរាជាណាចក្រកម្ពុជា ដែលបានអញ្ជើញមកចូលរួមផ្លាស់ប្តូរវប្បធម៌នៅខេត្ដ Dong Thap។ នេះគឺជាសកម្មភាពដ៏មានអត្ថន័យជាក់ស្តែង សំដៅលើកកម្ពស់ការយល់ដឹង និងសាមគ្គីភាព រួមចំណែកលើកកម្ពស់ទំនាក់ទំនងមិត្តភាព កិច្ចសហប្រតិបត្តិការ និងការអភិវឌ្ឍទៅវិញទៅមករបស់អាជ្ញាធរ និងប្រជាជននៃប្រទេសទាំងពីរ។
លោកស្រី នេត្រ ភូម៉ារី បានសម្តែងនូវសេចក្តីរីករាយ និងថ្លែងអំណរគុណយ៉ាងជ្រាលជ្រៅចំពោះថ្នាក់ដឹកនាំខេត្ត Dong Thap ដែលបានទទួលស្វាគមន៍យ៉ាងកក់ក្តៅ។ ព្រមទាំងវាយតម្លៃខ្ពស់ចំពោះសមិទ្ធិផលអភិវឌ្ឍន៍សេដ្ឋកិច្ចដែលខេត្ត Dong Thap សម្រេចបានក្នុងឆ្នាំកន្លងមក។ លោកស្រី នេត្រ ភូម៉ារី ក៏បានថ្លែងអំណរគុណចំពោះរដ្ឋាភិបាលវៀតណាមដែលបានបង្កើតលក្ខខណ្ឌសម្រាប់ការរៀបចំសប្តាហ៍វប្បធម៌កម្ពុជានៅខេត្ដ Soc Trang និងខេត្ដ Dong Thap។
នាយប់ថ្ងៃដដែល នៅអាគារវប្បធម៌ពលកម្មខេត្ត Dong Thap បានរៀបចំកម្មវិធីសិល្បៈក្នុងក្របខ័ណ្ឌសប្តាហ៍វប្បធម៌កម្ពុជានៅវៀតណាមឆ្នាំ ២០២៣៕
មតិពីមិត្តអ្នកអាន