នាថ្ងៃទី១៣ ខែធ្នូ នៅខេត្តរតនគិរី លោកនាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ នៃព្រះរាជាណាចក្រកម្ពុជា បានអញ្ជើញជាអធិបតីក្នុងពិធីសម្ពោធដាក់ឱ្យប្រើប្រាស់អគារមិត្តភាពកម្ពុជា-វៀតណាម។
 |
| គណៈប្រតិភូកាត់ខ្សែបូសម្ពោធ |
នេះជាសកម្មភាពក្នុងក្របខ័ណ្ឌនៃជំនួបប្រាស្រ័យមិត្តភាពការពារជាតិព្រំដែនវៀតណាម - ឡាវ - កម្ពុជា នៅថ្នាក់រដ្ឋមន្ត្រីក្រសួងការពារជាតិលើកដំបូងក្នុងឆ្នាំ ២០២៣។
មានការអនុញ្ញាតពីក្រសួងការពារប្រទេសវៀតណាម គណៈប្រតិភូយោធភូមិភាគទី៥ ដឹកនាំដោយលោកឧត្តមសេនីយ៍ត្រី Hua Van Tuong មេបញ្ជាការរងយោធភូមិភាគទី៥ បានអញ្ជើញចូលរួមក្នុងពិធីនេះ។ អញ្ជើញចូលរួមក៏មានលោកវរសេនីយ៍ឯក Nguyen Thanh Xuan អនុប្រធានស្នងការដ្ឋាននយោបាយយោធភូមិភាគទី៥ផងដែរ។
អគារមិត្តភាពកម្ពុជា-វៀតណាម នៅវរសេនាតូចលេខ២ តំបន់ប្រតិបត្តិការសឹករងខេត្តរតនគិរី ឧបត្ថម្ភដោយក្រសួងការពារជាតិវៀតណាមដែលមានថវិកាចំនួន ១៥ ពាន់លានដុង
ថ្លែងមតិក្នុងពិធីសម្ពោធនោះ លោកឧត្តមសេនីយ៍ត្រី Hua Van Tuong បានសម្តែងនូវក្តីសប្បាយរីករាយចំពោះការអភិវឌ្ឍដោយឥតឈប់ឈរនៃទំនាក់ទំនងមិត្តភាពជាប្រពៃណីពិសេសវៀតណាម និងកម្ពុជា។ ការរៀបចំជំនួបប្រាស្រ័យមិត្តភាពការពារជាតិព្រំដែនវៀតណាម - ឡាវ - កម្ពុជា និងពិធីសម្ពោធដាក់ឱ្យប្រើប្រាស់អគារមិត្តភាពកម្ពុជា-វៀតណាមនេះបង្ហាញថា កិច្ចសហប្រតិបត្តិការលើវិស័យការពារជាតិបន្តជាសសរស្តម្ភក្នុងទំនាក់ទំនងទ្វេភាគីវៀតណាម - កម្ពុជា រួមចំណែកយ៉ាងសំខាន់ក្នុងការរឹតបន្តឹងបន្ថែមទៀតនូវទំនាក់ទំនងរវាងវៀតណាម និងកម្ពុជា និយាយរួម និងរវាងកងទ័ពប្រជាជនវៀតណាម និងកងយោធពលខេមរភូមិន្ទ និយាយដោយឡែក។
ថ្លែងក្នុងពិធីនេះ លោកនាយឧត្តមសេនីយ៍ ទៀ សីហា បានថ្លែងអំណរគុណចំពោះក្រសួងការពារប្រទេសវៀតណាម និងបញ្ជាការដ្ឋានយោធភូមិភាគទី៥ កងទ័ពប្រជាជនវៀតណាម ដែលបានជួយឧបត្ថម្ភជាប្រចាំ ដើម្បីជួយកម្ពុជាកសាងកងទ័ពឱ្យកាន់តែរឹងមាំ រួមចំណែកកសាងប្រទេសកម្ពុជាឱ្យកាន់តែមានការអភិវឌ្ឍន៍បន្ថែមទៀត ទន្ទឹមនឹងនោះ លោកសង្ឃឹមថា នាពេលខាងមុខ កងទ័ពទាំងពីរនឹងប្រកៀកស្នាគ្នាជានិច្ច បន្តជំរុញកិច្ចសហប្រតិបត្តិការ និងការគាំទ្រគ្នាទៅវិញទៅមក ឱ្យកាន់តែមានប្រសិទ្ធភាព និងជាក់ស្តែង ...
ក្នុងឱកាសនេះ បញ្ជាការយោធភូមិភាគទី៥ កងទ័ពប្រជាជនវៀតណាម ប្រគល់កុំព្យូទ័រចំនួន ៥ គ្រឿង ជូននៅវរសេនាតូចលេខ២ តំបន់ប្រតិបត្តិការសឹករងខេត្តរតនគិរី៕
មតិពីមិត្តអ្នកអាន