ថ្ងៃទី១ ខែវិច្ឆិកា ប៉ុស្តិ៍ការពារព្រំដែន Ho Le (កងទ័ពការពារព្រំដែនខេត្ត Kon Tum) បានសហការជាមួយបណ្ដាអង្គភាពរួមមាន ប៉ុស្តិ៍នគរបាលការពារព្រំដែនលេខ៥០៥, កងវរសេនាតូចលេខ ២០៣, ស្នងការដ្ឋាននគរបាលខេត្តរតនគិរី និងកងអនុសេនាតូចថ្មើរជើងលេខ៣ (កងអនុសេនាធំលេខ២ តំបន់ប្រតិបត្តិការសឹករងរតនគិរី) ធ្វើការយាមល្បាតទ្វេភាគីចាប់ពីបង្គោលព្រំដែនលេខ១៧ ដល់បង្គោលព្រំដែនលេខ១៧.១។
 |
| ប៉ុស្តិ៍ការពារព្រំដែន Ho Le និងកម្លាំងការពារព្រំដែនកម្ពុជា ត្រួតពិនិត្យ និងផ្លាស់ប្តូរព័ត៌មាននៅបង្គោលព្រំដែនលេខ១៧ |
នេះគឺជាសកម្មភាព សហការយាមល្បាតរវាងភាគីទាំងពីរ ក្នុងគោលបំណងបង្កើនការគ្រប់គ្រង និងការពារព្រំដែនវៀតណាម-កម្ពុជា។ ក្នុងការយាមល្បាតរួមនេះ ភាគីទាំងពីរបានជូនដំណឹងគ្នាទៅវិញទៅមកអំពីស្ថានភាពនៅតាមតំបន់ព្រំដែន និងបានត្រួតពិនិត្យបង្គោលព្រំដែន និងខ្សែបន្ទាត់ព្រំដែន។ ទន្ទឹមនឹងនោះ ឯកភាពលើខ្លឹមសារ និងវិធីផ្លាស់ប្តូរ និងជូនដំណឹងគ្នាទៅវិញទៅមកអំពីបញ្ហាទាំងឡាយទាក់ទងនឹងអធិបតេយ្យភាពទឹកដី និងសន្តិសុខព្រំដែនរបស់ប្រទេសនីមួយៗ។
ជាពិសេសជំរុញការប្រយុទ្ធប្រឆាំងនឹងឧក្រិដ្ឋកម្មឆ្លងដែន ទប់ស្កាត់ការឆ្លងព្រំដែនខុសច្បាប់ និងការរត់ពន្ធតាមខ្សែបន្ទាត់ព្រំដែនក្រោមការគ្រប់គ្រងរួមគ្នារបស់ភាគីទាំងពីរ។ ក្នុងឱកាសនេះ ប៉ុស្តិ៍ការពារព្រំដែន Ho Le បានផ្តល់ស្បៀងអាហារ ថ្នាំពេទ្យ ដែលមានតម្លៃជាង ១២ លានដុង ដល់អង្គភាពរបស់មិត្ត៕
មតិពីមិត្តអ្នកអាន