នាព្រឹកថ្ងៃទី ២៦ ខែតុលា លោកវរសេនីយ៍ត្រី Vu Van Duong ប្រធាននយោបាយនៃប៉ុស្តិ៍ការពារព្រំដែន Ea H'Leo (កងទ័ពការពារព្រំដែនខេត្ត Dak Lak តំបន់ Tay Nguyen ប្រទេសវៀតណាម) បានឲ្យដឹងថា អង្គភាពទើបតែបានសម្របសម្រួលជាមួយគិលានដ្ឋាននៃអង្គភាពសេដ្ឋកិច្ចការពារជាតិលេខ ៧៣៧ (យោធភូមិភាគទី ៥) ទទួល និងថែទាំសុខភាពសម្រាប់នាយទាហានម្នាក់នៃកងកម្លាំងការពារព្រំដែនខេត្តរតនគិរី។
 ខេត្ត Gia Lai (វៀតណាម) និងខេត្តរតនគិរី ពង្រឹងកិច្ចសហប្រតិបត្តិការ |
 អភិរក្សបេតិកភណ្ឌវប្បធម៌ Ede នៅខេត្ត Dak Lak (ប្រទេសវៀតណាម) |
 |
| នាយទាហានម្នាក់របស់តំបន់ប្រតិបត្តិការសឹករងរតនគិរី ទទួលការថែទាំសុខភាព ពីប៉ុស្តិ៍ការពារព្រំដែន Ea H'Leo |
គួរបញ្ជាក់ថា នៅវេលាម៉ោង១១ នាព្រឹកថ្ងៃទី២៥ ខែតុលា ប៉ុស្តិ៍បានទទួលព័ត៌មាន និងសំណើរជំនួយសុំធ្វើការពិនិត្យសុខភាពនៅប្រទេសវៀតណាម ពីនាយទាហានម្នាក់របស់តំបន់ប្រតិបត្តិការសឹករងរតនគិរី ក្នុងស្ថានភាពក្អក ក្តៅខ្លួន តឹងទ្រូង និងពិបាកដកដង្ហើម។ ដោយមានការយល់ព្រមពីមេបញ្ជាការកងទ័ពការពារព្រំដែនខេត្ត Dak Lak ប៉ុស្តិ៍ការពារព្រំដែន Ea H'Leo បានចាត់តាំងបុគ្គលិកពេទ្យយោធាទៅទទួលគាត់ ទៅកាន់អង្គភាពថែទាំ និងព្យាបាល។
បន្ទាប់ពីព្យាបាលជំងឺលើសឈាម អង្គភាពបានចាត់តាំងបុគ្គលិកពេទ្យយោធាទៅសម្របសម្រួលជាមួយគិលានដ្ឋាននៃអង្គភាពសេដ្ឋកិច្ចការពារជាតិលេខ ៧៣៧ ដើម្បីបញ្ជូនអ្នកជំងឺទៅមជ្ឈមណ្ឌលសុខភាពស្រុក Ea Sup (ខេត្ត Dak Lak)។ នាព្រឹកថ្ងៃទី២៦ ខែតុលា អ្នកជំងឺត្រូវបានមជ្ឈមណ្ឌលសុខភាពស្រុក Ea Sup និងពេទ្យយោធាប៉ុស្តិ៍ការពារព្រំដែន Ea H'Leo បញ្ជូនទៅកាន់មន្ទីរពេទ្យពហុព្យាបាលតំបន់ Tay Nguyen ព្រមទាំងផ្តល់ជំនួយសម្ភារៈកំឡុងពេលព្យាបាល៕
មតិពីមិត្តអ្នកអាន